माया राही
Introductory / TSW Citation
फेमस सिंधी कहाणी लेखिका – सिंधी औरत – सिंधी कहाणी – साहित्य अकादमी अवार्ड 2015
16 फरवरी 2016 ते देश जे वड़े में वड़े अदबी अवार्ड जी, सिंधी भाषा वासिते 2015 जे साहित्य अकादमी अवार्ड हथ में खणन्दे ई मशहूर सिंधी कहाणी लेखिका अकादमी जे इतिहास जी छहीं सिंधी औरत साहित्यकार बणिजी जहिं खे इन अवार्ड सां नवाज़ियो वयो हुजे। सिंधी औरतुन तोड़े सिंधी युथ जो होसिलो वधायिण वारी गालिह इहा जो पोयन चैयन साल में 2012 में इंदिरा वासवानी त 2015 में माया राही बिन सिंधी लेखिकाउन इहो अवार्ड हासिल करण में कामियाबी हासिल कयी आहे। इंदिरा तोड़े माया बिन्ही जी हिक बी गालिह -त बिन्ही जा मुडुस अग में ई साहित्य अकादमी अवार्ड हासिल करे चुका आहिन – पिणु सागी आहे। बिन्ही जो लागापो सिंधी कहाणी लिखण सां आहे। माया राही ऐं कृष्ण राही बिन्ही ज़ाल मुडुस सिंधी भाषा जो साहित्य अकादमी अवार्ड हासिल करण वारो ट्रियों सिंधी साहित्यकार जोड़ो बणिजी बि हिकु इतिहास रचियो आहे।
बायोग्राफी - माया राही - माया कृष्ण वच्छानी
16 फरवरी 2016 ते जडहिं फेमस सिंधी लेखिका माया राही खे सिंधी भाषा जो साहित्य अकादमी अवार्ड डिनो वियो त न हेल तायीं अकादमी अवार्ड हासिल 48 सिंधी अदीबन में उहा छहीं सिंधी औरत बणिजी जहिं खे इहो अवार्ड मिलियो आहे।
10 अक्टूबर 1937 में कुवेटा बलूचिस्तान में जावल माया राही M.A., B.Ed. आहे ऐं तैलीमी खेतर में कामियाब 36 सालन जे सफर खां पोय 1996 में बतौर हेड ऑफ़ डिपार्टमेंट रिटायर थी आहे। संदस अदबी जीवन जी शुरुआत “मुहोबत जो मींह” उनवान सां छपियिल सिंधी कहाणी संग्रह सां थी आहे। फेमस सिंधी अदीब कृष्ण राही जी जीवन संगिनी हुअण सबब संदन घर नारायण श्याम ऐं बियन सिंधी मोतिबर सिंधी साहित्यकारन जो अचण वंञण लगो पियो हूंदो हो सो सिंधी अदबी दुनिया जो माहोल ऐं साहित्य सिरजन हुन वासिते नयीं गालिह कोन हुयी।
माया कृष्ण वच्छानी जडहिं सिंधी अदबी दुनिया में दाखिल थियण जो फेसिलो कयो त पहिंजे वासिते नओं तखलुस गोलिहिण बदिरां हुन मुड़स जे तखलुस “राही” खे तरज़ीह डिनी ऐं माया राही जे नाले सां मशहूर थी।
अदबी योगदान - लिखियल किताब
माया राही जे लिखियिल किताबन जी लिस्ट हेठि डिजे थी।
मुहोबत जो मींह
मोक्ष
महांगी मुरक
Books Window
अवार्ड
साहित्य अकादमी अवार्ड (सिंधी भाषा): 2015
किताब जो उनवान: महांगी मुरक (सिंधी कहाणी संग्रह)
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.