मोहन गेहानी
Introductory / TSW Citation
फेमस सिंधी कवी – सिंधी साहित्य अकादमी अवार्ड 2011 – तरजुमेकार – अदबी सेमीनार
सिंधी अदब ते ताज़ जो बेशकीमती माणिक मोती मोहन गेहानी न सिर्फ सिंधी भाषा वासिते साहित्य अकादमी अवार्ड सां नवाज़ियिल सिंधी साहित्यकार में शामिल आहे पर खेसि देश जो बेहतरीन तरजुमेकार पिणु लेखियो वेन्दो आहे। बुनियादी तोर मोहन गेहानी हिक सिंधी कवी आहे पर सिंधी साहित्य जी हर सिन्फ़ में उन जे ज्ञान ऐं अभियास जो को सानी कोन आहे। शायद इहो संदस बेहद उनिहो अभियासु आहे जो खेसि अदबी सेमीनार्स जी सूंह जो लक़ब हासिल आहे। अदबी सेमीनार कहिड़े बि विषय ते हुजे – कहिड़ी बि अदबी सिन्फ़ सां लागापो रखन्दो हुजे मोहन गेहानी जी हाज़िरी लाज़िमी लेखी वेंदी आहे। मोहन गेहानी जो सिंधी ड्रामा लिखण जो ढंग बेमिसाल आहे त तरजुमो करण में त उन जी सलाहियत वारो बियो सिंधी तरजुमेकार गोलिहे लहण बि सवली गालिह न आहे। सिंधी साहित्य जी हिन हरदिल अज़ीज़ ऐं बेहद मशहूर शख्सियत जी शान में टीम TSW पारां हिक दोहो (रंगीन अखर मोहन गेहानी साहिब जे लिखियल किताबन जा उनवान आहिन)
लूण मिठो थी पियो त अची रण पट में आउं पोपट पकड़ीन्दे इहो त ज़रूर पुछंदुम
मुहिंजो नगर कहिडो न खबर आज़ाद सचल, त खुवाबन जो छा थींदो कीयं डिसंदुम
बायोग्राफी - मोहन गेहानी
सिंधी अदबी खेतर जे अनमोल हीरे मोहन गेहानी खे 2011 में संदस लिखियिल सिंधी किताब त ख़्वाबन जो छा थींदो वासिते साहित्य अकादमी तरफां अकादमी अवार्ड सां नवाज़ियो वियो। अगते हली 2016 में साहित्य अकादमी जो तरजुमे वारो अवार्ड पिणु भारत नाट्य शास्त्र वासिते मिलियो आहे। मतलब मोहन गेहानी उन्हन चूंड सिंधी अदीबन में शामिल आहे जिन खे हिक खां वधीक भेरा साहित्य अकादमी अवार्ड सां नवाज़ियो वयो आहे। फेमस सिंधी कवी, नाटक लेखक, सिंधी बोली जे विद्वान ऐं तरजुमेकार मोहन गेहानी साहिब सिंधी कौम ऐं सिंधी बोली जे वाधारे में अहमियत वारो किरदार निभायो आहे।
मोहन गेहानी जो जन्म 20 जनवरी 1938 ते कराची में थियल आहे । सो नंवंन सालन जी सभाझी उमर में हुन खे अण वणन्दड ऐं अण चाहे विरहांङें खे मुहं डियणो पयो। उन दोर जी तक़लीफ़ुन ऐं बेहद दुखदायी आज़मूदे – ज़िंदगीअ जे इन अण मुफ़ीद हालतुन वारे अरसे – बालक मोहन गेहानी जे कोमल मन ते ऐतिरो गहिरो असर कियो जो संदस दिल में सिंधी साहित्य ऐं सिंधी बोली वास्ते कुछ लेखे जोग करण जी पियास पैदा थी पयी ।सिंधी भाषा खे भारत जे संविधान जे अठें शेडयूल में शामिल करण जे विचार जे जन्म दाताउन में शामिल मोहन गेहानी। भारत में सिंधी भाषा खे संविधान जे अठें शेडयूल में शामिल करण वासिते जेके बि हलचलूं थियूं तिन जी शुरुआत कन्दड़ अगुवानन में हिकु अहमियत वारो नालो मोहन गेहानी जो हुओ ।
1955 में मशहूर ऐं माणुहुन जी पसंददीदा मैगज़ीन नयी दुनिया में छपियिल कहाणीअ वसीले मोहन गेहानी सिंधी अदब जे सिंधी कहाणी लिखण जे खेतर में दाखिला वरतो। केतिरा किताब लिखन्दड मोहन गेहानी पहिंजे साहित्यिक सफर जी शुरुआत खां ई सिंधी बोली, सिंधी साहित्य ऐं सिंधी तहज़ीब खे महफूज़ रखण ऐं उन जी बहबूदी जे डाव में कम कन्दड़ मुख़तलिफ़ संस्थाउन सां जुडियिल रहियो। हुन केतिरा ई सिंधी समेलन कराया ऐं बियन जे समेलन में सिंधियिन सां लागापो रखन्दड विषयन ते “पेपर प्रेजेंटेशन ” वसीले पहिंजा विचार ज़ाहिर किया। सिंधी भाषा, सिंधी साहित्य ऐं सिंधी अदबी वरसे बाबत संदस ज्ञान सभनी खे मोहित करे छड़ियो। मोहन गेहानी मुंबई जी संस्था सिंधी साहित मंडल जे कमन में दिल सां बहरो वठन्दो हो ऐं हुन ट्रे [3] साल संस्था जे जॉइंट सेक्रेटरी जे ओहदे ते बि कमु पिणु कयो।
साहित्य जे ग़ैर सिरजनातमक खेतर में मोहन गेहानी साहित्य अकादमी अवार्ड जो फेसिलो कन्दड़ जूरी जे बतोर मेंबर ऐं मध्यप्रदेश सिंधी साहित्य अकादमी अवार्ड्स सां जुडियिल रहियो आहे। 2007 खां 2012 तायीं सिंधी साहित्य अकादमी नई दिल्ली जे सिंधी जे एडवायजरी बोर्ड में पिणु मोहन गेहानी शामिल हुओ। मोहन गेहानी उन्हन शख़्सियतुन में पिण शामिल आहे जिन जी कोशिशिन सबब सिंधी संस्कृति सां निसबत रखन्दड हफतेवार छपिजन्दड “सिंधु धारा ” शुरू थी।
अदबी योगदान - लिखियल किताब
मोहन गेहानी जन सिंधी में त केतिरा ई किताब लिखिया आहिन ऐं कुछ किताबन जो तरजुमो पिण कियो आहे। साहित्य अकादमी नई दिल्ली जी सीरीज Makers of Modern Indian Literature तोड़े साहित्य अकादमी जे छपायल Encyclopedia of Indian Literature वास्ते बि योगदान डिनो आहे।
मोहन गेहानी जा लिखियल के चूंड मशहूर किताब आहिन: –
सिंधी किताब
1993 – पोपट पकड़ीन्दे , 1999 – सिंध जो इतिहास (झलकियूं), 2000 -जा चितयम चित में , 2001 -मुहिंजो नगर कहिडो, 2011 -त ख़्वाबन जो छा थींदो , 2013 -रण पट में, 2012 -टिड़ियल पखरियिल पना , 2017 – लूण मिठो थी पियो , 2018 -वहन्दड़ नदीअ में के बेटरियूं , 2019 – ख्वाब पोखीन्दे
बिया किताब
सिंधियत जो सफर [कीरत बाबानी ऐं हरी पंकज सां गडु]
हेमू कालानी [जीवनी अंग्रेजी में ]
Makers of Indian Literature [Series]
– पोपटी हीरानंदानी , – प्रभु वफ़ा, – कीरत बाबानी, – सुंदरी उतमचंदानी
तरजुमो कयल किताब
-सिंध जूं डह लोक कहाणियूं (प्रो प्रीतम वरयानी )
-भारत नाट्य शास्त्र (कपिला वात्सायन)
-इंट्रोडक्शन टू अन्सिएंट इंडियन हिस्ट्री (डी डी कोसंबे )
Books Window
मोहन गेहानी - अवार्ड
साहित्य अकादमी अवार्ड (सिंधी भाषा): 2011
किताब जो उनवान: त खुवाबन जो छा थींदो
बिया अवार्ड
सिंधी साहित्य जी बेशकीमती सेवा वासिते अखिल भारत सिंधी बोली ऐं साहित सभा पारां सत्कार
BEST सिंधी सभा मुंबई पारां नारायण श्याम अवार्ड
वर्ल्ड सिंधी कांग्रेस पारां लंदन में साईं जी एम सईद मेमोरियल अवार्ड
2015 उतम साहित अवार्ड
2016 साहित्य अकादमी जो तरजुमेकार अवार्ड ऐं मध्य प्रदेश गौरव अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.