मोहन कल्पना
TSW Citation
उहा शाम इहे अखर बुधी सिंधी साहित्य जे शैदायिन खे बराबर 1984 में सिंधी भाषा वासिते साहित्य अकादमी अवार्ड सां नवाज़ियिल मकबूल सिंधी साहित्यकार मोहन कल्पना जो नालो यादि आयो हूंदो पर मुखे महसूस थिये थो त उहा शाम इन्हन बिन अखरन में लिकियल आहे इन्विटेशन हिक लिकियल अज़ूबन जी दुनिया जी सैर जो।
दरअसल में हकीकत बि इन खां जुदा न आहे। मोहन कल्पना पंहिंजिन रचनाउन – चाहे उहा सिंधी कहाणी हुजे या सिंधी नॉवेल – अखरन जो हिकु ज़ारु तियार कन्दो हो। हिकु भेरो जेकडहिं तव्हां इन ज़ार में फाथव त ज़ार जे बिये छेड़े तायीं पहुचण खां अगु मोक्ष मिलणी नामुमकिन गालिह आहे मतलब जे तव्हां हिकु भेरो मोहन कल्पना जी का सिंधी कहाणी या सिंधी नॉवेल पढ़िहण शुरू कयो त पूरो करण खां सिवाय तव्हां खे आराम मिलणो कोन आहे। टीम TSW वड़े फ़खुर सां मॉडर्न सिंधी साहित्य जी ट्रिन मूरतिन में शामिल बेमिसाल सिंधी साहित्यकार मोहन कल्पना बाबत जानकारी शेयर करे रही आहे।
बायोग्राफी - मोहन बूलचंद लाला
सिंधी नॉवेल – सिंधी साहित्य अकादमी अवार्ड – मॉडर्न सिंधी साहित्य जूं ट्रे मूरतियूं
सिंधी अदब जे केतिरन शैदायिन जी यादुन में 1984 जी “उहा शाम ” अजु बि हयात आहे जहिं शाम जो नामवर सिंधी नॉवेल लेखक मोहन कल्पना खे संदस किताब “उहा शाम” (सिंधी कहाणी संग्रह) वासिते मानवारे साहित्य अकादमी अवार्ड सां नवाज़ियो वयो हो।
इहा सिंधी अदब जी खुशनसीबी आहे जो नज़म जे ट्रिन अजीमोशान फनकार शाह सचल ऐं सामी जी त्रिमूर्ती खां पोय नसर खे मालामाल करण वास्ते मॉडर्न सिंधी साहित्य जी ट्रिन मूरतिन – मोहन कल्पना, लाल पुष्प ऐं गुनो समतानी – वक़त जे सागे अरसे में सिंधियत जो परचम बुलंद रखण में पहिंजो योगदान डिनो आहे। जे गुनो समतानी ग़ैर रिवायती लेखक हो त मोहन कल्पना पहिंजन अखरन वसीले रुमानियत जा रंग उकेरिण में माहिर हो।
22 नवंबर 1930 ते कोटरी सिंध में जन्म वरतल मोहन कल्पना फ़क़त मैट्रिक तायीं तैलीम हासिल कयी हुयी। संदस शादी कमल सां थी आहे ऐं जोड़े खे हिक धीउ गीता आहे। मोहन कल्पना हकीकत में ऐतिरो असिरायितो लेखक हो जो संदस किताब पढ़हंदडन मां केतिरन खे त इहा बि खबर कोन आहे त हू जहिं मोहन कल्पना जा मुरीद आहिन तहिं जो सजो नालो मोहन बूलचंद लाला आहे। बतोर अख़बारनवीस सिंधुडी अख़बार सां जुड़ी मोहन कल्पना पहिंजी हयातीअ जी शुरुआत कयी हुयी ऐं 1948 जे आसपास संदस पहिरियीं कहाणी “आत्महत्या ” छपिजी हुयी।
देश जे विरहांङें खां पोय मोहन कल्पना उल्हासनगर में – जिते सिंध मां लड़े अचण वासिते मज़बूर सिंधियिन जी वडी आदमशुमारी खे अझो मिलियो हो – रहण लगो। पहिंजी बायोग्राफी ” बुख इश्क़ ऐं अदब ” खे मिलाये मोहन कल्पना जा तीह खनु किताब छपजिया आहिन जिन मां किन वधीक मशहूर किताबन जा उनवान आहिन अठीयीं कथा – तूं मुहिंजी सुंदरता जो आरंभ आहियीं – दर्द जो दरियाहु – चांदनी ऐं ज़हर – उहा शाम – अञा रात बाकी आ – जहाज जी डेक ते – रुणज जा पाशा वगैरह।
हाणोके मतलब देश जे विरहांङें खां पोय वारन सिंधी साहित्यकारन में मोहन कल्पना अहिडो अदीब आहे जहिंजे लिखियिल किताबन मां लगभग हर किताब घटि में घटि हिकु भेरो वरी छपजियो आहे। 200 खां बि वधीक कहाणिन जो लेखक मोहन कल्पना रुमानियत जे इजिहार वासिते मशहूर आहे तहिं हूंदे बि मुल्क जे विरहांङें जे दौर ते ऐं उन दौरान सिंधी कौम जे दुख दर्द तक़लीफ़ुन खे बयान कन्दड़, हिन जो लिखियिल किताब “जलावतनी ” न सिर्फ वधीक पढियो वेन्दड पर वधीक विकामण वारन किताबन में शुमारियो वियो आहे।
लम्बे अदबी सफर जे दौरान मुख़तलिफ़ मोकन ते अलग अलग सिंधी संस्थाउन मोहन कल्पना जे सिंधी साहित्य वासिते कयल कमन जी साराह कन्दे हिन जो सत्कार कियो आहे पर 1984 में “उहा शाम ” वासिते मिलियिल साहित्य अकादमी अवार्ड हिन जे दिल जे वधीक वेझो हो। बुनियादी तौर कहाणियूं ऐं नॉवेल लिखन्दड मोहन कल्पना के थोरियूं कविताऊं ऐं छंड छाण वारा लेख बि लिखिया आहिन।
19 जून 1992 ते मोहन कल्पना जो सुरगवासु थियो। पहिंजे किताब “बुख इश्क़ ऐं अदब ” में हिन लिखियो आहे
– मौत अणटर आहे तहिं करे उन खे रवाजी हलत तोर कबूल करण घुरिजे जे उहा रवाजी रीत अचे थी पर घणे भांडें अियें थिये नथो। इंसानी ज़िन्दगी जी शायद त इहा वडी अजीब गालिह आहे जो इंसान जहिं ज़िन्दगी खे मायना डियण जी कोशिश करे थो सा ज़िन्दगी ओचितो बिना को नोटिस डियण जे खतमु थी वंञे थी।
मोहन कल्पना - अदबी योगदान
1948 में छपियिल पहिरियीं कहाणी “आत्म हत्या ” खां वठी मोहन कल्पना 200 खां बि वधीक कहाणियूं त लिखियूं आहिन। हिन जा लिखियिल अटकल तीह किताब (आम तोर नॉवेल ऐं कहाणियूं) छपजिया आहिन। मोहन कल्पना जे लिखियिल किताबन मान किन मकबूल किताबन जा उनवान आहिन: –
अञा रात बाकी आ – अठीयीं कथा – आवारा – बुख इश्क़ ऐं अदब – चांदनी ऐं ज़हर – दर्द जो दरियाहु – फनकार ऐं फेलसूफ – जहाज जे डेक ते – जलावतनी – माउ – रुंझ ऐं पाछा – सुरग जी गोलिहा – तूं मुहिंजी सुंदरता जो आरंभ आहियीं – उहा शाम
Books Window
मोहन कल्पना -अवार्ड
साहित्य अकादमी अवार्ड (सिंधी भाषा): 1984
किताब जो उनवान: उहा शाम (सिंधी कहाणी संग्रह)
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.