प्रो. नामदेव ताराचंदानी
Introductory
साहित्य अकादमी अवार्ड 2013 – सिंधी कवीता – मनुष नगरी- साहित्यकार गौरव पुरस्कार
2013 में प्रो. नामदेव ताराचंदानी सिंधी भाषा वासिते साहित्य अकादमी हासिल करण वारो छाहेतालीहों सिंधी साहित्यकार बणियो त सिंधी कवीता लिखण वारा ऐं तैलीमी खेतर सां जुडियल सिंधी अदीब घटि में घटि अवार्ड हासिल करण में त बियन खां आग़ खटी वञन था। 1959 खां वठी इहो अवार्ड अटकल वीह भेरा अहिड़े सिंधी किताब वासिते डिनो वयो आहे जेको सिंधी कविता संग्रह आहे। साहित्यकार गौरव पुरस्कार हासिल नामदेव ताराचंदानी खे बि साहित्य अकादमी अवार्ड संदस काफी वडी सिंधी कवीता मनुष नगरी वासिते मिलियो। नामदेव खे घणि भाषी साहित्यकार चवण गलत न आहे छो जो हिन अदल कुझु किताब गुजराती भाषा में लिखिया आहिन त किन किताबन जो तरजुमो करण खां सिवाय कुझु किताब एडिट बि कया आहिन।
बायोग्राफी - नामदेव संतुमल ताराचंदानी
साहित्य अकादमी अवार्ड ऐं साहित्यकार गौरव पुरस्कार सां नवाज़ियिल नामदेव संतुमल ताराचंदानी उन्हन नामवर सिंधी अदीबन में शुमारियिल आहे जिन जो जन्म विरहांङें जे समे जे वेझो थियो आहे तहिं करे न सिर्फ उन्हन जो बालपणो भारत में गुजारियो आहे पर उन्हन तैलीम बि भारत में हासिल कयी आहे। 25 नवम्बर 1946 ते खैरपुर सिंध में कीमतबाई ऐं संतुमल ताराचंदानी जी संतान तोर जन्म वरतल नामदेव ताराचंदानी काफी वड़े अरसे तायीं भावनगर जे कपाड़िया महिला कॉलेज सां जुड़ियल रहिया आहिन ऐं रिटायरमेंट वठण वक़त उहे इन कॉलेज में हिंदी डिपार्टमेंट जे हेड जे ओहदे ते हुआ।
2013 में किताब मनुष नगरी जेको दरअसल सिंधी में हिक वडी कविता वारो सिंधी किताब आहे तहिं वास्ते नामदेव ताराचंदानी खे साहित्य अकादमी जो मानवारो लेखियो वेन्दड साहित्य अकादमी अवार्ड अता करे संदस क़दरसानी कयी। सिंधी साहित्य जे समुंड में पैदा थियिल नयीं लहरुन जी नुमायिन्दगी करण वारे नामदेव ताराचंदानी पहिंजी असली रचनाउन खां सिवाय तरजुमे ऐं किताबन जी एडिटिंग वसीले बि सिंधी साहित्य जी सेवा कयी आहे। हिन जे योगदान जी साराह तोर 2009 में अखिल भारत सिंधी बोली ऐं साहित सभा “अदबी अवार्ड ” त गुजरात सिंधी साहित्य अकादमी “साहित्यकार गौरव पुरस्कार ” डयी नामदेव ताराचंदानी जो सत्कार करे चुकियूं आहिन।
मनुष नगरी खां सिवाय नामदेव ताराचंदानी जा लिखियिल बिया कुछ मकबूल सिंधी किताब आहिन जोड़ कट (सिंधी नॉवेल), विखूं (सिंधी कहाणी संग्रह) सिंधी कथा साहित्य (नुक़तचीनी) । हिन अदल 1974 जे साहित्य अकादमी अवार्ड हासिल कयल सिंधी साहित्यकार लाल भगवानदास रीझवानी जेको लाल पुष्प जे नाले सां मशहूर हो उन नामवर अदीब ते लिखियल “लाल पुष्प हिकु अभ्यास ” तोड़े कुछ बियन किताबन जे एडिटर तौर पिण साहित्य सेवा कयी आहे।
हिन वक़त वड़ोदरा में रहन्दड नामदेव ताराचंदानी काफी गहरायी सां भावनगर सां जुड़ियल आहे। संदस स्कूली पढ़ाई भावनगर जे अल्फ्रेड हाय स्कूल में त कॉलेज जी पढ़ायी शामलदास आर्ट्स कॉलेज में थी आहे। पढ़ायी पूरी करण खां पोय हू 1977 खां 2008 तायीं भावनगर जे कपाड़िया महिला कॉलेज में नौकरी करे चुको आहे।
अदबी योगदान- लिखियल किताब
नामदेव ताराचंदानी जे लिखियिल, तरजुमो कियिल ऐं एडिट कयल किताबन जी लिस्ट
सिंधी किताब
अठों सुर
विखूं
गूंगी बोली
जोड़ कट
मनुष नगरी
सचु चवण जी छूट
सिंधी कथा साहित्य
विरकती
हरीश वासवानी – हिक मुलाकात
परम अबीचंदानी
एडिट कयल किताब: चालीह चौरासी – सिंध जो सिंधी साहित्य – लाल पुष्प हिकु अभ्यास
गुजराती किताब: वट्टा ओछा – पागलां
Books Window
अवार्ड - नामदेव संतुमल ताराचंदानी
साहित्य अकादमी अवार्ड (सिंधी भाषा): 2013
किताब जो उनवान: मनुष नगरी (सिंधी कवीता)
बिया अवार्ड
2009 -अखिल भारत सिंधी बोली ऐं साहित सभा जो “अदबी अवार्ड ”
2009 – गुजरात सिंधी साहित्य अकादमी जो “साहित्यकार गौरव पुरस्कार ”
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.