नारायण श्याम
Introductory / TSW Citation
सिंधी ग़ज़ल जूं पाड़ूं पुख़ता कन्दड़ सिंधी कवी, सिंधी साहितकार नारायण श्याम खे सिंधी अदबी संसार में पंहिंजन खयालन विचारन सां तजुरबा कन्दड़ शख्सियत जे रूप में सुञातो वेन्दो आहे। हिन साहिब न सिरफ पंहिंजी अखर चूंड वसीले पर अखरन जे नुमाइन्दे तोर उपयोग वसीले सिंधी नज़म जी हिक नयीं वसफ़ लिखी सिंधी साहित्य खे मालामाल कयो आहे। नारायण श्याम रिवायती सिंधी नज़म जे रुमानियत भरियल अखरन जे वसकारन ऐं इलिम अखिलाक़ जे इजिहारी रूप मां बदिलाये आम माणुहुअ जे अहिसासन जे इजिहारी रूप जी शिकिल डिनी आहे। सिंधी नज़म में हरि सिन्फ़ में चाहे उहो सिंधी कवीता, सिंधी गीत, सिंधी ग़ज़ल या हायकू हुजे या वेन्दे रुबाई, दोहा या सोरठा, हिन साहिब जी कमालियत (perfection) भरी दखलअंदाज़ी रही आहे। नारायण श्याम जे हायकू जो हिकु मिसाल
सूरन में हिक नारि – सामहूं अंब जे वण मंझा – कोयल जी गूंजार ।
महकी वेल सुबूह जी खणी माक फुडा साणु, पुछन पंखडियूं बुधाय त छो न सो रंगु न सा सुरंह रंग रती लहर चवे आशींदे लज मरां मां आजाद सचल, उथिया छड़े बार वारीअ भरियो पलांद
(रंगीन अखर किताबन जा उनवान आहिन )बायोग्राफी - नारायण श्याम
फेमस सिंधी कवी – नारायण गोकुलदास नागवानी – साहित्य अकादमी अवार्ड 1970 – सिंधी भाषा
सिंधी बोली ऐं साहित जे विद्वानन ऐं नक़ादन (खूबियूं ऐं खामियूं बुधाइन्ड) जो नारायण श्याम बाबत आम रायो हो त शाह साहिब खां पोय हू वाहिद सिंधी नजमकार आहे जहिंजो भाषा तोड़े इज़हार बिन्ही ते पूरो पूरो जाबितो त आहे ई पर गडोगडु खेसि न सिर्फ सिंधी पर फ़ारसी जे अखरन जो बि सागर बि चयी सघिजे थो।
नारायण श्याम जो जन्म सिंध जे नवाबशाह जिले में रहन्दड दीवान गोकुलदास ऐं जमुना देवी जे घर 22 जुलाई 1922 ते थियो हो। हिन बालपणे खां ई आज़ादी वासिते थीन्दड हलचलुन खे तेज़ थींदे डिठो। 1947 में जहिं वक़त मुल्क जो विरहांङो थियो तहिं वक़त नारायण पहिंजे गोठ जे स्कूल में फ़ारसी (पर्शियन) जे टीचर तोर नोकरी करे रहियो हो ।
विरहांङें खां पोय भारत अची नारायण श्याम मुंबई यूनिवर्सिटी मां संदस अधूरी रहियल बी ए जी पढ़ायी पूरी कयी। जलदु ई खेसि खे पोस्ट ऐं टेलीग्राफ खाते में अकाउंट सेकशन में क्लर्क जी नोकरी पिणु मिली वयी । नोकरी कन्दे बि हिन नज़म लिखण शुरू रखियो। जडहिं नारायण श्याम पहिंजे अदबी सफर जी शुरुआत कयी हुयी त हू संकीदकारन (खूबियूं ऐं खामियूं बुधाइन्ड) जो दुलारो हो। भारत में अचण खां पोय त हुन जी लेखणी जी भाषा ऐड़ी त सवली थी वयी जो हू आमु माणुहुन जो पसंदीदा कवी बणिजी पियो।
नारायण श्याम जो 1953 में छपियिल पहिरियों किताब ” मॉक फुडा” अकेले सिर पहिंजो लिखियिल न पर हरी दिलगीर सां गडु लिखियिल हो। 1988 में छपियिल ब किताब डाति ऐं हयात भांड़ों 1 ऐं भांड़ों2 नारायण श्याम जा लिखियिल आखिरी किताब साबित थिया। 10 जनवरी 1989 ते दिल्ली में हिन जो सुरगुवास थियो।
पहिंजे 35 सालन (1953 – 1988) जे साहित्यिक सफर में नारायण श्याम फ़क़त 11 किताब लिखिया आहिन। हिन जो लिखियिल हिकु हिकु लफजु ऐं नज़म जी हर हिक सिट्र बेशकीमती आहे। मां हिते नारायण श्याम खे जहिं किताब “वारीअ भरियो पलांद” वासिते 1970 में साहित्य अकादमी अवार्ड (सिंधी भाषा) मिलियो हो तहिं “वारीअ भरियो पलांद ” मां फ़क़त चार सिट्रूं शामिल कयां थो: –
सारो डींहु कन्दा रहिया
बार नन्दीअ भर रान्दि
सांझी महल छड़े उथिया
वारीअ भरियो पलांद।।
1980 में नारायण श्याम हैड क्लर्क जी पोस्ट तां रिटायर करे दिल्ली में रहण लगो हो। पहिंजी सरकारी नौकरी ऐं साहित्यिक योगदान खां सिवाय नारायण श्याम 1978 खां 1987 तायीं साहित्य अकादमी सां बतोर कन्वीनर जुडियिल रहियो हुओ। 10 जनवरी 1989 ते दिल्ली में नारायण श्याम जो सुरगवासु थियो।
हिन बायोग्राफी लेख खे पूरो करण खां अगु मां सिंधी साहित्य जे इन अनमोल रचनाकार जे अखरन
के गीत एकान्त में मूं गाया आहिन
के गीत मूं दुनिया खे बुधाया आहिनि
मेठाजु हयातीअ जो मगर तिन में आ
जे गीत चपनि ते ई न आया आहिनि।
खे ज़रूर शामिल करण चाहीन्दुम। शायद त नारायण श्याम इन्हन अखरन वसीले ज़िंदगी जे न ख़तम थियण वारे सफ़र डांहु इशारो करण चाहियो आहे।
अदबी सफ़रनामो - छपियिल किताब
नारायण श्याम जे छपियिल किताबन जी लिस्ट
1953 – माक फुडा (हरी दिलगीर सां गडु)
1955 – पंखडियूं
1957 – रंग रती लहर
1962 – रोशन छांवरो
1964 – मॉक बिना रबेल
1968 – वारीअ भरियो पलांद (साहित्य अकादमी अवार्ड)
1972 – आशींदे लज मरां
1983 – महकी वेल सुबह जी
1987 – न सो रंगु न सा सुरहं
1988 – डाति ऐं हयात भांड़ों 1 ऐं 2
किताब झरोखो
अवार्ड
साहित्य अकादमी अवार्ड (सिंधी भाषा): 1970
किताब जो उनवान: वारीअ भरियो पलांद (सिंधी कवीता)
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.