रायपुर

असां खे मिलियल जानकारी मूजिब रायपुर में अटकल अड़िरांह हज़ार पंज सउ जे आसपास सिंधी परिवार रहन्दा आहिन उन हिसाब सां डिसजे त रायपुर जी सिंधी आदमशुमारी हिकु लखु पंदिरान्ह हज़ारन जे आसपास थियण घुरिजे। किन सिंधी अगुवानन जो दावो आहे त रायपुर जी सिंधी जनसंख्या डेढ़ लख खां बि वधीक आहे पर इहे बि इन गालिह ते सहमत आहिन त रायपुर में रहण वारन सिंधी परिवारन जी संख्या वीहन हज़ारन जे अंदर आहे। छतीसगढ़ में भारत जे छहे प्लानड सिटी तोर तियार थियण वारे नयें शहर में जेका राज्य जी राजधानी बणिजंदो उन न्यू रायपुर में केतिरिन ई सिंधी कुटुंबन पहिंजी रियाइश वासिते घर ठाहिराया आहिन त राज्य जे अंदरूनी वधीक जंगलन ऐं आदिवासी घणायी वारन जगहन तां केतिरा ई सिंधी परिवार वधीक सहूलियतुन सबब रायपुर लड़े आया आहिन। सभनी गालिहिन खे धियान में रखी असां इन नतीजे ते पहुता आहियूं त कहिड़ी बि हालत में रायपुर जी सिंधी जनसंख्या सवा लख खां वधीक न थींदी।