श्रीचंद सुंदरानी
TSW Citation
भारत में सिंधी कौम जे कामियाबी जे ताज़ में जे का घटितायी आहे त सियासत में किन तमाम थोरन सिंधियन जो कामियाब थियण। हुअं बि शुरुआत खां वठी सिंधी कौम खे सियासत वास्ते को खास चाहु न रहियो आहे। लालकृष्ण आडवाणी ऐं राम जेठमलानी जहिड़न बेमिसाल कामियाब सिंधी सियासतदानन खां पोय जणु सिंधी सियासतदानन जी हिक किसम जी अणाठ पैदा थी वयी आहे पर खुश किसमती सां श्रीचंद सुंदरानी, वासुदेव देवनानी ऐं श्रीचंद कृपलानी जहिड़ा सिंधी नवजवान न सिर्फ सियासत में बहिरो वठण वास्ते अगते अची रहिया आहिन पर पहिंजी कामियाबी सां सिंधी कौम जो परचम बुलंद करे रहिया आहिन।
प्रधानमंत्री नरेंद्र मोदी जो चवण आहे त हीउ हिकु नवों भारत आहे ऐं मां भारत आहियां छाकाण त आज़ादी खां इहो पहिरियों भेरो आहे जो न सिर्फ केतिरन राज्यन में पर मरकज़ी सरकार हलायिण जी जवाबदारी उहे संभाले रहिया आहिन जिन जो जन्म आज़ाद भारत में थियो आहे। इहा सागी गालिह थोरे फरक सां श्रीचंद सुंदरानी बाबत बि चयी सघिजे थी।
मां कामियाब सियासतदान आहियां ऐं मां सिंधी आहियां
बायोग्राफी - श्रीचंद सुंदरानी
फेमस सिंधी MLA – हरदिल अज़ीज़ MLA – रायपुर – छतीसगढ – बीजेपी लीडर
26 नवंबर 1957 ते महाराष्ट्र जे वर्धा ज़िले जे आर्वी गोठ में श्री मोटूमल सुंदरानी जे पुट्र जे रूप में जन्म वठण वारे ऐं छतीसगढ जे रायपुर [नार्थ] मां MLA जूं चूंडिन में खटण वारे श्रीचंद सुंदरानी जो जीवन इन गालिह जी बि दास्तां आहे त 1947 में अबाणो मुल्क सिंधु छड़िण ऐं अणचाही डुखिन हालतुन खे मुहं डियण वास्ते भारत में अचण खां पोय बि घटि में घटि पहिरियों डहाको सवलो कोन हुओ।
खेती ज़मीन जे मालिक सुंदरानी इहा गालिह बि साबित कयी आहे त इहा माणुहुन जी खियाली तसवुअर न पर हकीकत आहे त सिंधी जहिं बि खेतर में पेर रखो थो उन खेतर में न सिर्फ बुलंदी ते पहुचे थो पर वडी कामियाबी बि हासिल करे थो। श्रीचंद सुंदरानी जी सियासी ज़िंदगी जी शुरुआत 1978 में बीजेपी जे आला लीडर कुशा भाउ ठाकरे सां मिलण खां पोय थी। ताजो ताजो किशोर उमिर जी चाउठि पारि करण वारे हिन सिंधी नवजवान भारतीय जनता युवा मोर्चा जे प्रोग्रामन में बहिरो वठण शुरू कियो। इहा श्रीचंद जी सियासी सियाणप जी निशानी लेखिजे जो 1980 खां 1985 तायीं खेस रायपुर शहर जे बीजेपी युवा मोर्चा जे अध्यक्ष जे ओहदे ते कम करण जो मोको मिलियो। इन दौरान टिल्डा रेलवे स्टेशन ते गाडियूं बिहन इन वास्ते थियल आंदोलन जी अगुवानी करण सबब खेस 13 डीन्ह जेल में गुजारिणा पिया।
श्रीचंद सुंदरानी - सामाजिक जीवन
रायपुर छतीसगढ जो कामियाब हरदिल अज़ीज़ ऐं नामवर सिंधी सियासतदान हुअण सां गडोगडु श्रीचंद सुंदरानी, छतीसगढ चेंबर ऑफ़ कॉमर्स एंड इंडस्ट्री तोड़े पूज्य छतीसगढ सिंधी पंचायत – राज्य जे सिंधी समाज जी वड़े में वडी सामाजिक संस्था – सां बि जुडियिल रहियो आहे। छतीसगढ जी कला ऐं संस्कृति जे वाधारे वास्ते हुन केतिरिन ई छतीसगढी फिल्म्स, ऑडियो ऐं वीडियो जे प्रोडयूसर तोर योगदान कियो आहे।
श्रीचंद सुंदरानी: मुखतलिफ ओहदा
1980 to 1985 भारतीय जनता युवा मोर्चा जो रायपुर शहर अध्यक्ष
1992 छतीसगढ चैम्बर ऑफ़ कॉमर्स एंड इंडस्ट्री जो महासचिव
1994 मदर टेरेसा वार्ड मां चूंडियूं खटी रायपुर नगर निगम जो पार्षद थियण
2000 – 2004 ऐं हिन वकत बि [2018] बीजेपी जी राज्य कार्यकारिणी जो मेंबर
2000 -2006 पूज्य छतीसगढ सिंधी पंचायत जो महासचिव
2002 -2004 बीजेपी जे छतीसगढ व्यापर प्रकोष्ट जो राज्य अध्यक्ष
2006 बिना मुख़ालफ़त पूज्य छतीसगढ सिंधी पंचायत जो अध्यक्ष थियण
2007 and 2011 छतीसगढ चैम्बर ऑफ़ कॉमर्स एंड इंडस्ट्री जो अध्यक्ष
2018 बिना मुख़ालफ़त पूज्य छतीसगढ सिंधी पंचायत जो चोथों भेरो अध्यक्ष थियण
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.