सिंधी मशरूम ( मशरूम करी)
अनियन रेसीपी - सिंधी भाजियूं - सिंधी मशरूम - दाग में खुम्भियूं
दाग में खुम्भियूं हिक अहिडी सिंधी रेसीपी आहे जेका सिंधी रंधणे में खाधो तैयार करण जी मॉडर्न स्टाइल सबब गुम थी वञण जी हालत ते अची पहुंती आहे या इहो बि चयी सघजे थो त सिंधी फ़ूड हैबिट्स में शामिल थींदड रेसीपीज जे जंगल में इहा किथे रखजी वयी आहे जहिंजी कहिं खे खबर कोन्हे। दाग में खुम्भियूं हिक बसरन वारी सिंधी रेसीपी आहे जहिं खे पुराणे समे में त दाग में खुम्भियूं चयबो हो पर हाणे जीयं त असां तरकीयाफता सिंधी आहियूं सो असां इन खे सिंधी मशरूम या मशरूम करी कोठीन्दासीं ।
इहो सचु आहे त सिंधी पहिंजी फ़ूड हैबिट ऐं ज़ायकेदार खाधे जे जुनून सबब मशहूर आहिन। इहा विरासत सिंधी नवजवानन खे सिंधी रंधणे जी पुराणी सिंधी रेसीपीज खे गोलिहे वरी जियारण वास्ते हिमथाये थी। सिंधी मशरूम अहिडी ई पुराणी सिंधी रेसीपीज मां हिक आहे जेके हाणे नये सिरे सां गोलिहे सिंधी रंधणे सां उन जो परिचय करायो वियो आहे जीयं सिंधी फ़ूड हैबिट में वधिक वैराइटी नज़र अचे ऐं सिंधी खाधो वधीक जायकेदार बणजे।
सिंधी मशरूम - घुरिबल शयूं
बसर – विचोला ३-४ जे साइज वढी हुजे त सिर्फ ब
मशरूम [खुम्बियुब] – १० टुकर हर हिकु बिन हिसन में विरहायिल
ताज़ा टमाटा २ कुझु माणुहु टमाटो पियुरी कम आणिन था
मसाला : अदरक – कमाल पट्रू – धाणा पीठल – हैड्र – गरम मसालो – कटियिल सावा मिर्च
गीहु / तेल – २ चमचा या तरिण वास्ते मुनासिब
ठाहिण जो तरीको लिखण खां अगु : मशरूम घणो कम आणिजे इहो आजमुदे जी गालिह आहे। हित डिनिल मिक़दार चैन माणुहुन खे पूरो पयी सघे थो। बी गालिह मशरूम करी जे स्वाद जो वढो मदार दागु तैयार करण ते आहे इहो बि आजमूदे सां लागापो रखे थो। जेतिरा वधीक भेरा तव्हां दाग वारी भाजी ठाहीन्दा ओतिरो दागु तैयार करण में माहिर थींदा।
मशरूम करी - ठाहिण जो तरीको
कुकर में अटकल २ चमचा तेल ऐं कटियिल बसर खणी विचोली बाहि ते बसरन जे भूरसुरे थियण तायीं गरम कियो।
कटियिल टमाटो , सावा मिर्च ऐं अदरक मिलाये अटकल हिकु मिनट गरम कियो।
हाणे हिकु कोप पाणी मिलाये कुकुर जो ढकु बंद करे पहिरियीं सीटी वञण तायीं गरम कियो। पोय बाहि घटि करे अटकल पंज मिनिट छड़े डियोस।
बाहि बंद करे थधो थियण डियो पोय कुकर जो ढकु खोले ठहियिल रसु में खुम्बियिन जा टुकर, मसाला ऐं अटकल ब कोप पाणी मिलाये आहिस्ते सां घुमायोसि।
कुकर जो ढकु बंद करे ट्रे [३] सीटियूं वञण तायीं गरम कियो पोय बाहि घटि करे बिया डह मिनिट गरम कियो।
बाहि बंद कियो। तैयार मशरूम करी खे पहिंजी मर्ज़ीअ मूजिब कटियिल सावन धाणन या खाजन जे टुकरन सां सजायो।