सुंदरी उत्तमचंदानी
TSW Citation
सिंधी भाषा में अफसानागोई (fiction witting) जी, सिंधी नॉवेल ऐं सिंधी कहाणी लिखण जी गालिह निकरे ऐं सुंदरी उत्तमचंदानी जो ज़िकुरु न अचे इहा अणथियणी गालिह आहे। मशहूर सिंधी साहित्यकार बरख सिंधी लेखिका सुंदरीअ 250 खां बि वधीक सिंधी कहाणियूं लिखियूं आहिन। सुंदरी जी कामियाबी खे वधीक अहमियत ऐं वधीक सूंह भरिया सुनिहरा रंग मिलन्दा नज़र अचन था जे असां इन गालिह ते धिआनु डियूं त सुंदरीअ इहा कामियाबी मॉडर्न सिंधी साहित्य जी त्रिमूर्ती – सिंधी कहाणी जे खेतर जूं लासानी शख़्सियतूं मोहन कल्पना, लाल पुष्प ऐं गुनो समतानी जो कलमु पंहिजे पूरे शबाब ते हुजण वारे दोर में हासिल कयी आहे। सुंदरी वासिते इहा मुफ़ीद गालिह हुयी जो सिंधी साहित्य जे इनसाकिलोपीडिया ऐ जे उत्तम जी जीवन साथी हुजण सबब खेसि अदबी माहोल मिलण में सवलायी थी। सुंदरी जे पहिरियें ई सिंधी नॉवेल किरन्दड दीवारुं जो बेहतरीन सिंधी किताब जे रुप में मशहूर थियण साबित करे थो हुअ केतिरे न आला दरिजे वारी सिंधी साहित्यकार हुयी। सुंदरी उतमचंदाणी ,बंधन, विलायती घोट जी गोलिहिआ , किटी पार्टी, भूरी ऐं इंसाफ जहिडियिन कुछ सिंधी टेली फिल्म्स सां बि जुडियिल हुयी। टीम TSW पारां हिन सिंधी औरत, लासानी सिंधी साहित्यकार सुंदरी उत्तमचंदानी जी शान में हिकु दोहो (रंगीन अखर सुंदरी जे किताबन जा उनवान आहिन )
सुंदरी जूं नखरेलियूं चंचला खणी हाणे सिंधु जो आत्म विशवास चवन भूरी बुध
बराबर थियो युगांतर विछोड़ो आज़ाद सचल, न मुरक ते मनाही न रहिणो चुप
बायोग्राफी - सुंदरी उत्तमचंदानी
फेमस सिंधी साहित्यकार – साहित्य अकादमी अवार्ड 1986 – सिंधी कहाणी – सिंधी नॉवेल
सिंधी साहित्य ऐं अदबी फनकारी हिकु अहिडो खेतर आहे जो आमु तौर सिंधी औरतुन वास्ते अणमुफीद लेखियो वेन्दो रहियो आहे पर पहिरियूं पोपटी हीरानंदानी पोय सुंदरी उत्तमचंदानी, कला प्रकाश ऐं वेझडायी में विम्मी सदारंगानी, डॉ कमला गोकलानी, इंदिरा पूनावाला ऐं बियन घणी सिंधी औरतुन न सिर्फ इन ग़ैर रिवायती खेतर सिंधी साहित्य ऐं अदब जो रुख कियो आहे पर इन खेतर ते बि पंहिंजी हुकूमत साबित कयी आहे।
सुंदरी उत्तमचंदानी जेका सुंदरी जे नाले सां वधीक मशहूर आहे जो जन्म 28 सितम्बर 1924 ते हैदराबाद सिंध में थियो आहे। हैदराबाद खे सिंधी तैलीमदानन, सिंधी लेखकन, कविन- शायरन ऐं सिंधी तहज़ीब खे महफूज़ रखन्दड शख़्सियतुन जी जन्म भूमी हुअण जो लक़ब हासिल आहे। इहो शायद त डाडे – डाड़ी खां कहाणियूं बुधण जो असर हो जो नंढी उमर में ई सुंदरी खे अहसास थियण लगो हो त सिंधी साहित्य ऐं सिंधियत जो वरसो अहिड़ा खेतर आहिन जिन में कमु करण मज़ेदार थी सघे थो। सुंदरी पहिरियीं अदबी रचना हुयी “बहादुर माउ बहादुर धीउ” जेका हिक तरजुमो हुओ जो सुंदरीअ कॉलेज जी पढ़ायी वक़त कियो हो।
सुंदरी जी शादी सिंधी साहित्य जे इनसाकिलोपीडिया लेखियो वेन्दड ऐं स्वतंत्रता सैनानी आसनदास उत्तमचंदानी सां थी हुयी [[खेन ब धीउर आशा चाँद ऐं गीता खियानी आहिन]. हुअ मुडुस सां गडु हुअण सबब प्रोफेसर एम यू मलकानी ऐं सिंधी अदब जी बियन शख़्सियतुन सां हफतेवार मीटिंग दौरान पयी मिलन्दी हुयी। मुडुस जे हिमथायिण ऐं मलकानी जन जे होसिलो वधायिण जे नतीज़े तौर सुंदरी 1953 में पहिंजे पहिरियें नॉवेल “किरन्दड दीवारुं ” वसीले मरदन जी हुकूमत वारे सिंधी साहित्य जे खेतर में आलिशान नमूने दाखिल थी। जलदु ई मतलब 1956 में सुंदरी जो बियो नॉवेल “प्रीत पुराणी रीत निराली ” छपजियो। सिंधी किताबन जी दुनिया में इहो वधीक विकामजन्दड साबित थियो छो जो इहो नॉवेल बिया पंज भेरा छापियो वयो आहे।
सुंदरी सिंधी साहित्य वास्ते हिक नयीं खुशबू वांगुर हुयी छो जो हुन जी लेखणी में घरन जी सिंधी बोली जो हकीकी दीदार पियो थिये। सुंदरी जा बयी नॉवेल आमु माणुहू तोड़े अदब जे विद्वानन खे पसंद पिया हुआ पर सुंदरी खे नंढियूं कहाणियूं लिखण पसंद हुयुं। सुंदरी जी लिखियल कुछ मशहूर कहाणियूं आहिन “भूरी “, “ही शहर” ऐं “खीर भरिया हथडा”.
सुंदरीअ नसर सां गडु सिंधी नज़म जी दुनिया खे बि पहिंजी लेखणी सां मालामाल कियो हिन जे लिखण जे तरीके वासिते हिंदी लफ्ज़ “मुक्त छन्द ” वधीक मुनासिब ऐं सही आहे। सुंदरी जे छपियिल किताबन में चार कविता संग्रह, चार नॉवेल, 12 नाटक ऐं 250 खां वधीक कहाणियूं शामिल आहिन। 1986 में सुंदरी खे संदस रचना “विछोड़ो ” वासिते सिंधी अदबी दुनिया जे बेशकीमती साहित्य अकादमी अवार्ड सां नवाज़ियो वियो।
मुडुस ऐ जे उत्तम वांगुर सुंदरीअ पिण ” सोवियत लैंड अवार्ड” हासिल कियो आहे इहो अवार्ड खेस “भारत रूस ब बांह बेली ” वास्ते मिलियो हो। सुंदरीअ बतौर रेडियो, टी वी ऐं स्टेज कलाकार तौर बि कमु कियो हो। सिंधी औरतुन खे ताकतवर बणायिण जी मुराद सां हुन “सिंधु नारी सभा ” बरपा कयी हुयी। 08 जुलाई 2013 ते सुंदरी जो स्वर्गवास थियो।
अदबी योगदान - लिखियिल किताब
सुंदरी जे लिखियिल किताब जी लिस्ट
2011: चंचला – 2001: नखरेलियूं – 2000: सिंधु – 1999: आत्म विशवास – 1993: भारत रूस ब बांह बेली – 1992: (01) खेडियिल धरती (02) मुरक ते मनाही – 1989: युगांतर – 1985: विछोडो – 1979: भूरी – 1975: नयीं सभ्यता जा दर्शन – 1970: तो जिन जी तात – 1966: अमन सड़े पियो – 1965: अच्छा वार गाड़िहा गुल – 1963: हिक सिसी सउ सूर – 1956: प्रीत पुराणी रीत निराली- 1953: किरन्दड दीवारुं
जेकडहिं तव्हां वटि सुंदरी उत्तमचंदनी जो को किताब हुजे त मोबाइल ते उन किताब जे कवर पेज जो फोटो कढ़ी असां खे +917588661857 ते व्हाट्सएप्प कयो।
Books Window
सुंदरी उत्तमचंदानी -आवर्ड
साहित्य अकादमी अवार्ड (सिंधी भाषा): 1986
किताब जो उनवान: विछोड़ो (सिंधी नॉवेल)
बिया अवार्ड
सोवियत लैंड नेहरु पीस अवार्ड
महाराष्ट्र सरकार जो गौरव पुरस्कार
NCPSL पारां लाइफ टाइम अचीवमेंट अवार्ड
सिंधी अकादमी दिल्ली, हिंदी डायरेक्टरेट ऐं अखिल भारत सिंधी बोली ऐं साहित सभा पारां अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.