Everlasting Blessings of Mata Dadanbai & Dr. Premchand Manghirmalani

तांहिरी - - झूलेलाल जी सेसा

सिंधी राइस रेसीपीज -मिठा चांवर - तांहिरी

निजु सिंधी खाधो -सिंधी शादी जो खाधो – झूलेलाल जी सेसा
केतिरियूं सिंधी रेसीपीज अहिडियूं आहिन जेके निजु सिंधी खाधो त आहिन ई पर उन्हन जो लागापो किन सिंधी डिणन ऐं खास मोकन सां बि आहे। सिंधी राइस रेसीपीज में शामिल तांहिरी हिक अहिडी ई सिंधी राइस रेसीपी आहे।

सिंधी शादी जूं जेके रसिमूं आहिन उन्हन मान हिक रसम साठ जे रिवायती खाधन में तांहिरी शामिल आहे। तांहिरी जहिं खे मिठा चांवर बि चयबो आहे सा सिंधी शादी जो खाधो आहे। हालांकि हाणोके मॉडर्न समे में रवाजी तरह तांहिरी कोन ठाही वेन्दी आहे पर साठ वक़त चाहे सुगुन वासिते थोरे अंदाज़ में ई सही तांहिरी ज़रूर ठाही वेन्दी आहे।

वरुण देवता झूलेलाल सिंधी क़ौम जा आराधिय देव आहिन। चेट्री चंड्र या बिये कहिं बि मोके ते जडिहं बि बहराणो साहिब कढियो वेन्दो आहे त झूलेलाल जी सेसा जे रूप बि तांहिरी ज़रूर ठाही वेन्दी आहे।

तांहिरी - घुरिबल शयूं

चांवर – गुड – डूंघी – कारी ड्राख – वडुफ – पाणी – तेल / गीहु 

तांहिरी - ठाहिण जो तरीको

गुड खे पाणी जे मुनासिब मिक़दार में गारियो। [अजुकल गुड जी जगह ते खंडु कम अचे थी ]
डूंघिज जा सन्हा ऐं काफी नंढा टुकर कियो।
थांव में पाणी ऐं वडुफ विझी गरम करणो रखो।
पाणी ठहकण लगे त चांवर विझो।
कुछ मिनट पोय चांवरन में गुड / खंडु जो गारो, कारी ड्राख ऐं तमाम थोरो तेल विझो। सभनी खे हल्के हथन सां हिक भेरो मिलायो।
चांवर ठहण ते थांव बाहि तां हेठि लाहे गीह जी रायी डियो।
केतिरा कारी ड्राख सां गडु सुको मेवो बि कम आणिन्दा आहिन।

Last Updated 19 May 2021

error: Content is protected !!