तारा मीरचंदानी
Introductory / TSW Citation
फेमस सिंधी औरत – नॉवेल नवीस ऐं लेखिका – साहित्य अकादमी अवार्ड 1993
फेमस सिंधी नॉवेल लेखिका ऐं सिंधी साहित्य अकादमी जे मान वारे अकादमी अवार्ड सां नवाज़ियिल तारा मीरचंदानी हिक भेरो वरी साबित कियो आहे त सिंधी औरत न त लियाकत में ऐं न ई हुनर में पोयिते आहे। सिंधी फिक्शन – सिंधी नॉवेल ऐं सिंधी कहाणी – लिखण में महारत रखण वारी तारा मीरचंदानी घरेलू सिंधी औरत जो साफ़ ऐं चिट्रो अकसु सामहूं आंदो आहे। जंहिं नमूने हिन पंहिंजी सरकारी नोकरी जी जवाबदारिन ऐं घर जी जवाबदारिन में मीज़ान कायम कन्दे हिक कामियाब सुखी ज़िंदगी गुज़ारी आहे सो न सिर्फ मॉर्डन सिंधी युथ वासिते हिकु मिसाल आहे पर ज़िंदगी खे सही नमूने जियण जी राह वासिते प्रेरणा पिणु आहे। टीम TSW सिंधी नॉवेल तोड़े सिंधी कहाणी लिखण वासिते मशहूर कामियाब सिंधी साहित्यकार ऐं उन खां बि वधीक कामियाब सिंधी औरत तारा मीरचंदानी वासिते बस ऐतिरो चवण चाहे थी
हिंदी में आहे कविता मशहूर, नारी तेरी यही कहानी आँचल में दूध आँखों में पानी
कन्दे सजिदो चवे आज़ाद सचल थो, डेखारियो तारा सिंधी औरत आ हर हंद राणी
बायोग्राफी - तारा मोती मीरचंदानी
हैदराबाद सिंध में 06 जुलाई 1930 ते जन्म वठण वारी तारा मीरचंदानी मुल्क जे विरहांङें वक़त भारत लड़े अचण खां पुणे में रहण खे पसन्दगी डिनी। तारा जो पहिरियों नॉवेल “कुमायल कली ” संदस उमर जा उणवीह साल मस पूरा थिया हुआ जो छपिजियो हुओ। पहिंजे अदबी जीवन में तारा नॉवेल ऐं कहाणी संग्रह खे मिलाये 15 किताब लिखिया आहिन।
धारमिक ऐं विचोली आरथिक हालत हुजण वारे पारिवारिक माहोल में वडी थियण वारी तारा जा कदम अदबी उफक तरफ उन वकत वधिया जडहिं संदस किन दोसतन मिलीकरे स्टूडेंट्स में सुजागी आणिण ऐं सिंध यूनीवरसिटी जी शुरुआति जी घुर लाय विदारथी हफतेवार रिसालो शुरु करे उन जे एडिटर जी जवाबदारी तारा ते रखी। भारत लडे अचण खां पोय जय हिन्द कॉलेज में पढ़ायी कंदे प्रो. एम यू मलकानी जी राह रहबरी संदस अदीब सफर जी राह रोशन कयी ऐं तारा पहिंजी पहिरियीं नंढी कहाणी सुरग जो सेरु सां साहितिक सफर जी शुरुआति कयी।
हालांकि तारा मीरचंदानी हिक सरकारी मुलाजिम तोर रिटायर कियो आहे पर 1950 में मोती मीरचंदानी सां शादी थियण खां वठी बुनियादी तोर हुअ हिक घर जी संभाल कन्दड़ औरत आहे जेका बिये खे समझण जी क़ाबिलियत , निवडत ऐं सुठे सुभावअ जहिड़न गुणन सां मालामाल आहे। संदस लेखणी जा मुख्य विषय रहिया आहिन जाल मुड़स जो नातो ऐं हिक बिये खे समझण, रोजाने जीवन जी कलह, हिक बिये जी लाइफ स्टाइल समझी हलण। तारा मीरचंदानी जे लिखियल 10 नॉवेल ऐं 5 कहाणी संग्रह ते धिआनु डिजे त इहो समझ में अचे थो त हकीकत में हुन हिन हिक मॉर्डन थीन्दड सिंधी औरत जे हकीकी जीवन जा अकस उकेरिया आहिन। तारा जी हर हिक रचना में रोजाने जीवन जे हादसन, ज़ाल मुडुस तोड़े घर जे बियन भातिन या पाड़ेवारन सां थियल तक़रार सबब पैदा थियल दुखन ऐं असंतोष जा रंग आहिन त सामाजिक मसैलन डांहु सुजागी ऐं घर जी जवाबदारी जी भावनाउन जा अहसास पिणु आहिन।
तारा मीरचंदानी जी साहित्य अकादमी अवार्ड सां नवाज़ियिल रचना सिंधी नॉवेल हठ योगी इंसानी भावनाउन जो बेहतरीन इजिहार आहे। हिक नंढड़ी छोकिरी जंहिं खे बीख पिनण वासिते मज़बूर कयो वञे थो सा जडिहिं कंहिं रहमदिल शख्स जे करे मुकती हासिल करे थी ऐं उन शख्स जी रहबरी हेठि पलिजी वडी थिये थी त पंहिंजी दिल में नवजवान वासिते कशिश जो अहसास करे थी। नवजवान जी मुशकिलात इहा आहे जो हुन छोकिरी खे पालियो आहे। मुहिंजे कुझु वधीक लिखण खां बेहतर आहे त तव्हां हठ योगी पाण पढ़ो।
सिंधी साहित्य अकादमी जी एडवायजरी कमेटी जे मेंबर तौर पंज साल कमु करण खां सिवाय तारा मीरचंदानी महाराष्ट्र साहित्य अकादमी जी ट्रे साल मेंबर रही आहे।
अदबी योगदान
सिंधी नॉवेल
1949 – कुमायल कली
1958 – उषा
1990 – हठ योगी
1992 – लहरुन जी गूँज
1998 – सूरज जी पहिरियीं किरण
सिंधी कहाणियूं (कहाणी संग्रह)
1965 – आइनो ऐं अक्स
1986 – उलझियिल तंदून रेशम जूं
1996 – विसारियां न विसरन
Books Window
अवार्ड
साहित्य अकादमी अवार्ड (सिंधी भाषा): 1993
किताब जो उनवान: हठ योगी (सिंधी नॉवेल)
बिया अवार्ड
अखिल भारत सिंधी बोली ऐं साहित सभा पारां
प्रो. राम पंजवानी लिटररी एंड कल्चरल सेंटर पारां
सहयोग फाउंडेशन पारां
लाइफ टाइम अचीवमेंट अवार्ड – महाराष्ट्र सिंधी साहित्य अकादमी (2004)
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.