टमाटो पुलाव - सिंधी वेजीटेबल पुलाव
सिंधी राइस रेसीपी -सिंधी खाधो - शादी रिसेप्शन जो खाधो
टमाटो पुलाव या बियन भाजिन जे बि कम अचण सबब वेजीटेबल पुलाव हिको ग़ैर रिवायती सिंधी खाधो आहे। वात में पाणी आणिण वारी इहा सिंधी राइस रेसीपी निशानी आहे सिंधी रंधिणे जे मॉर्डन थियण जी।
पुराणी रिवायत जो आधार
सिंधी घरन जी बेहद पुराणी रिवायत रही आहे त रात जा बचियल चांवर, हैड्र मिरच विझी हलको फ्राई करे सावन धाणन सां सजाये नेरेन ते खाधा वेन्दा आहिन। वेजीटेबल पुलाव इन रिवायत में कुझु बदिलाव करे अकेले सिर खायी सघिजण वारी डिश आहे। वडो फरकु इहो आहे जो हिन वासिते चांवर खासु रधिया वेन्दा आहिन।
मुंदायितो – शादी रिसेप्शन जो खाधो
वेजेटीबल पुलाव जेको हिक मैन कोर्स डिश आहे गरमिन में अम्बन सां गडु त ठाहिजे थो पर शादी रिसेप्शन जे मीनू में बि शामिल कजे थो।
वेजीटेबल पुलाव - घुरबल शयूं
400 gms ओबारियल चांवर
300 gms गड़ियल भाजियूं
2 tbs तेल
1 tbs थूम अदिरक जी पेस्ट
1 cup (हर हिक जो ) सनिहा कुतरियिल बसर ऐं टमाटा
40 gms सनिहा कुतरियिल शिमला मिरच
2 small spoon केचप
थोरे अंदाज़ में हैड्र, गाड़िहा मिरच पाउडर, पाव भाजी मसालो ऐं सुवाद मूजिब लूण – घुरिज आहार पाणी -सजायिण वासिते कटियल सावा धाणा
ठाहिण जो तरीको
रधिण वारे थांव में थोरो तेल खणी गरम करे थूम अदिरक जी पेस्ट मिलायो
बसर विझी हलके भूरे थियण तायीं गरम कयो
टमाटा मिलाये नरम थियण तायीं गरम कयो
केचप, गाड़िहा मिर्च, हैड्र शिमला मिर्च मिलाये पंज सत मिनिट गर्म कयो
पाणी मिलाये भाजियूं विझो ऐं मिलायो
आखिर में ओबारियल चांवर विझी अटकल पंज मिनिट गरम कयो
सावन धाणन सां सजाये सर्व कयो।