वासुदेव निर्मल
Introductory / TSW Citation
फेमस सिंधी कवी – सिंधी ग़ज़ल ऐं ड्रामा – सिंधु कला मंदिर
चयो वेन्दो आहे त इहे दुख ई आहिन जेके माणुहू अंदर लिकियल अदबी सिरजन शकती खे जागरित कनि था। फेमस सिंधी कवी, ग़ज़ल रचनाकार ऐं ड्रामा लेखक सदा हयात वासुदेव निर्मल खां बेहतरीन मिसाल शायद ई मिले जंहि खे इन चवणी जे सचु हुजण जे सबूत तोर पेश करे सघिजे।
1 सालन जी नंढड़ी उमिर में मुल्क जे विरहांङें सबब वासुदेव जंहि वक़त मुंबई (बॉम्बे ) पहुतो हुओ त खेसि ऐतिरी त समझ हुयी त पंहिजे घर खां दर बदर थियण जो मतलब आहे दुखन ऐं तक़लीफ़ुन भरे डींहन जी शुरुआत। शायद त इन्हन दुखन ई वासुदेव जे अंदर जे रचनाकार खे सुजाग करे खेसि सिंधी अदबी दुनिया जी नामवर शख्सियत बणाए छडियो। साहित्य अकादमी अवार्ड हासिल करण खां पोय बि वासुदेव जे अंदर जी निवडत कायम रही। विरला ई अहिड़ा शख्स थियन था जिनखे हुब ऐं सिक जो सागर लक़ब सां नवाज़िण जी चाहत हर उन शख्स अंदर पैदा थिये जेको उन्हन सां मिले। सिंधी नाटकन वासिते जे वासुदेव निर्मल सिंधु कला मंदिर जहिड़ी संस्था बरपा कयी त सिंधी युथ में सिंधियत बाबत सुजागी आणिण जी कोशिश समझी हुन सिंधी फिल्म पाड़ेवारी जा डायलॉग ऐं स्क्रीन प्ले लिखियो। टीम TSW सिंधी अदबी दुनिया जी इन सिरमोर शख्सियत जी जानकारी बेहद ख़ुशी ऐं फ़खुर सां शेयर करे थी।
मुहिंजा सुर ऐं तुहिंजा गीत चवन लव लेटर खां पोय बि हीउ पियासो मनु मुहिंजो
विजूं वसण आयूं डिसी हाय मुहिंजी दिल चयो आजाद सचल पियारु करे डिसु
(रंगीन अखर किताबन जा उनवान आहिन)
बायोग्राफी - वासुदेव निर्मल
साहित अकादमी अवार्ड (सिंधी भाषा) 2007 – सिंधी फिलम : पाड़ेवारी
वासुदेव जो जन्म 02 जून 1936 ते कराची सिंध में थियो हो। वासुदेव जनवरी 1948 में महात्मा गांधी जी हत्या खां कुछ डीहं अगु मुंबई पहुतो हो। संदस सजो नालो वासुदेव वेंसीमल माधव आहे पर “निर्मल ” तखलुस सबब हू वासुदेव निर्मल जे नाले सां मशहूर थियो। राष्ट्र पिता जे खून जो बुधी बि हुन ते को असर कोन थियो छो जो संदस – 11 सालन जे नींगर जो – दिमाग विचार पयो करें घर ऐं स्कूल जे विच वारे मुफासिले जो जेको उनखे रोजु पंधु करें तय करणो हो। तमाम अण सहूलियत वारिन ऐं डुखिन हालतुन खे मुहं डीन्दे आखिर वासुदेव पुणे यूनिवर्सिटी मां बी. ई. [सिविल ] जी डिग्री हासिल कयी। सुठी गालिह इहा थी जो थोरे ई वक़त में खेस मुंबई म्युन्सिपल कारपोरेशन में नौकरी बि मिली वयी। जडहिं हुन रिटायरमेंट वरती उन वक़त हू डेप्युटी चीफ इंजीनियर जे ओहदे ते हो।
मुंबई म्युन्सिपल कारपोरेशन जी नौकरी हुन खे कागरन ते लीकूं कढ़ी रोडन ऐं बियन इमारतुन जो नकिशो ठाहिण लाय मज़बूर पे कियो पर संदस अंतरआत्मा हुन खे कुछ बियो करण वास्ते हिमथाये पयी। विरहांङें जे दुखन ऐं तक़लीफ़ुन जूं यादगिरियूं पिणु वासुदेव खे बेचैन रखन पयूं । 1952 खां वासुदेव कविता ऐं ड्रामा लिखण शुरू किया जिन मां कुछ मकानी अखबारुन में छपजिया बि। इन मां चाहे पैसा ओड़ा कोन पया मिलन पर वासुदेव जी अंतरआत्मा खे शान्ती ऐं सुख मिलिये पयो। अगते हली वासुदेव मज़मून, लेख लिखण सां गडु तरजुमो बि करण लगो। हयाती जे पोयें अध में त हू आल इंडिया रेडियो ऐं दूर दर्शन जे म्यूजिकल फीचर्स जी स्क्रिप्ट बि लिखण लगो हो। 2001 में रिलीज़ थियिल सिंधी फिल्म “पाड़ेवारी” जो स्क्रीन प्ले ऐं डायलॉग वासुदेव निर्मल जी कलम जो कमाल आहे। जे असां चयी सघऊं था त सिंधी बोली ऐं अदब जो को बि अहिडो खेतर कोन्हे जिते वासुदेव जी बतौर अदीब हाज़िरी न हुजे हालांकि सचु इहो आहे त सिंधी ग़ज़ल वासुदेव जो पहिरियों पियारु आहिन।
वासुदेव पहिंजे अदबी कमन खां पोय बि कुछ खालु महसूस करे पियो सो हिन पाण जहिड़ी सोच रखन्दड डॉ मोती प्रकाश, एस पी मेंघानी ऐं कीरत बाबानी जहिडियिन शख़्सियतुन सां मिली करे सिंधी नाटकन वास्ते “सिंधु कला मंदिर ” बरपा कियो। हिन बेमिसाल अदबी कम में वासुदेव संस्था जे बरपा कन्दड़ मेंबर तायीं महदूद न रहियो पर सिंधु कला मंदिर जे केतिरन नाटकन सां बतौर एक्टर, लेखक ऐं डायरेक्टर जुडियिल हो। 1970 खां हू सिंधी साहित मंडल जे जनरल सेक्रेटरी जे ओहदे ते कमु करे रहियो आहे।
वासुदेव निर्मल जे चवण मूजिब संदस असली पियार त आहे उहा जेका गुजिरियिल चालीहन खां वठी वासुदेव सां गडु पूर्णिमा जे नाले सां रहे पयी। वासुदेव इहो बि बे झिझक कबूल करे थो त पूर्णिमा हुन जी सिर्फ ज़ाल न पर जीवन संगिनी हुअण सां गडोगडु हुन जी हर अदबी रचना पढ़हन्दड ऐं नकाद [अदबी लिहाज खां खूबियूं ऐं खामियूं बुधायिन्दड ] आहे। नौकरी मां रिटायर्ड थियण खां पोय वासुदेव निर्मल मुंबई जे उप नगर जुहू में रहंदो आहे। रिवायती सिंधी स्कूली सिखिया खां महरुम रहियल सिंधियिन खे सिंधी सेखारिण जो कमु करे सिंधी बोली जी सेवा पियो करे।
उमर सार थियण वारिन बीमारिन खे चंगो वक़त मुंहं डियण खां पोय 10 अप्रैल 2017 ते वासुदेव निर्मल पंहिजे घर में आखिरी पसाह खनियां। धिआनु जोग गालिह आहे त इहो डींहुं भारत जे संविधान में सिंधी भाषा जे शामिल थियण जो गोल्डन जुबली डींहुं हुओ।
वासुदेव निर्मल - अदबी योगदान
वासुदेव निर्मल जी लिखियिल रचनाउन जी लिस्ट हेठि डिजे थी।
1965 :: हीउ पियासो मनु मुहिंजो
1966 :: पियारु करे डिसु
1970 :: मुहिंजा सुर ऐं तुहिंजा गीत
1972 :: पाताल ऐं पलउ पली
1980 :: ससु रे ससु ऐं शादी त कर
1981 :: अम्मा तोखे खबर आहे ?
1982 :: लव लेटर
1984 :: हाय मुहिंजी दिल
1991 :: चुंड मराठी कहाणीयूँ
1998 :: ज़रूरत आ घोट जी
2000 :: लाडे लाडी आन्दी पर
Books Window
वासुदेव निर्मल - अवार्ड
साहित्य अकादमी अवार्ड (सिंधी भाषा) : 2007
किताब जो उनवान : विजूं वसण आयूं (सिंधी नाटक)
साहित्य अकादमी तरजुमो अवार्ड : 1991
किताब जो उनवान : चूंडि मराठी कहाणियूं
साहित्य अकादमी बाल साहित्य पुरस्कार : साल 2013
किताब जो उनवान : मूंखे चार पुछ रे !
बिया अवार्ड
सोवियत लैंड नेहरू पीस अवार्ड
NCERT ऐं सेंट्रल हिंदी डायरेक्टरेट (भारत सरकार) पारां अवार्ड्स
अखिल भारत सिंधी बोली ऐं साहित सभा पारां Lifetime Achievement Award
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.