सिंधी भाषा जूं लिपियूं Sindhi Language Scripts

जे सिर्फ भारत जो खियाल कजे त इहो चवण गलत न थींदो त शायद को करिशिमो ई सिंधी भाषा वास्ते अरबी सिंधी लिपी जो वापर कायम रखी सघे थो हिन वक़त त इहो अहसास थी रहियो आहे त इहा लिपी पहिंजी कुदरती मौत जी राह ते वधी रही आहे।
इहो सही आहे त नवजवान सिंधी तबको सिंधी भाषा वास्ते देवनागिरी लिपी वापिरायिण वास्ते पूरी तरह सां तैयार आहे पर हित बि उहो सिलसिलो शुरू थियण जा आसार नज़र पिया अचन जेके अरबी सिंधी लिपी ऐं देवनागिरी लिपी जे वापर बाबत हुआ।
देवनागिरी लिपी जे बाबत किन भाषा विज्ञानिन जो चवण आहे त खास सिंधी उचारन वास्ते देवनागिरी वर्णमाला जे वर्णन हेठां लीकुन ऐं टुबकन जो उपयोग करण जी रीत शुरू करे सिंधी देवनागिरी लिपी जो मानकीकरण करण घुरिजे पर बिये पासे मूं जहिड़ा बेशुमार आम सिंधी आहिन जेके चाहिन था त सिंधी बोली जो वापर उन हद तायीं वधायिजे जो पढ़िहण वारो बिना लीकुन ऐं टुबकन जे बि सही सिंधी उचार करे सघे। हिते हिक मिसाल अंग्रेजी भाषा जो Colonel जो उचार को बि अंग्रेज कर्नल कंदो आहे कोलोनल न।
सिंधी भाषा वास्ते देवनागिरी लिपी जी पुठभरायी करण वारन मां किन माहिरन जो इहो बि रायो आहे त अरबी सिंधी लिपी ऐं देवनागिरी लिपी खे हिक सिंधी भाषा जी बिन लिपिन जी जगह ते बिन अलग अलग भाषाउन जी निगाह सां डिसण घुरिजे।
हीउ लेख खतम करण खां अगु सिर्फ हिक गालिह ऐं सा असांजे पहिंजे निखिमिणेमल जी एस पी सर तव्हां त 27 सालन तायीं अरबी सिंधी माध्यम जे स्कूल में बतोर साइंस टीचर कमु करे चुका आहियो पोय तव्हां देवनागिरी लिपी जे वापर ते ऐतिरो ज़ोर छो पिया डियो ?
त दोस्तों इहा वक़त जी ज़रूरत आहे जो असां वटि सिंधी भाषा जो वज़ूद कायम रखण वास्ते देवनागिरी जे वापर खां सिवाय बी का राह बाकी न रही आहे। रहियो सवाल बहस जो त चाहे हिक लिपी – देवनागिरी लिपी मंज़ूर छो न थी वञे बहस त तदिहिं बि थींदी रहन्दी बस विषय बदलिजी वेन्दो त अरबी सिंधी लिपी मां जेको सिंधी साहित्य / इतिहास देवनागिरी में लिखियो वियो आहे सो सही आहे या गलत ?