सिंधियत जा वण Sindhiyat Trees

सिंधियत जे बाग़ जा वण, वरि वरि करे पुछन था
वेठा माठि करे सभु, का वरन्दी डयी कोन सघन था
भाषा सिंधिअ जे वणन ते इहा बेवक़ती खिज़ां आहे छो?
सिंधी बोलीअ जा पन छो रोज़ु पिया छणिजण था?
सिंधियत जे बाग़ जा वण वरि वरि करे पुछन था।।

विसरियो कीअं तव्हां मुखे, कौम खे थियो छा आहे
विड़हन छो अदीब हाणे, लिपी ऐं विरसे जे नाले ते
कपिड़ा बदिलायिण सां, छा सूरत बदिलजन्दी आहे
सीरत ऐं इजिहार त मुहिंजा, कायम सदा रहन था।
सिंधियत जे बाग़ जा वण वरि वरि करे पुछन था।।

विहारिये पासीरो, फैलायो संस्थाउन जो ज़ारु अथव
अटिकियव ओहदन ते, मुहिंजी त का चिंता ई नथव
अदीबन अगुवानन जी गालिह न, सुवाल आम सिंधी खां
माठि मां हासिल छा? चप आज़ाद सचल जा बोलिनि छो न था?
सिंधियत जे बाग़ जा वण वरि वरि करे पुछन था।।