फॉरवर्ड करण Forwarded Message

अजु त इन गालिह जो फेसिलो थी वञण घुरिजे एस पी सर त फॉरवर्ड करण हिक किसम जी चोरी आहे या न ? मां काफी वक़त खां पोय निखिमिणेमल खे ऐतिरो वधीक गुसे में डिठो हुओ।

साईं निखिमिणामल शांत थियो ! कुछ धीरज धरियो ! तव्हां त लगे पियो त व्हाट्सएप्प ऐं बिया सोशल प्लेटफार्म बंद करायिण जी तैयारी करे आया आहियो ?

निखिमिणेमल ते शायद कुछ असर थियो हो।

साईं निखिमिणामल तव्हां खे खबर आहे ई त व्हाटसएप ते आयल मैसेजन में तमाम वड़ो तादाद फॉरवर्ड थियलन जो हूंदो आहे। हाणे जे तव्हां चवंदा त फॉरवर्ड करण चोरी आहे त केर पाण खे चोर चविरायिण पसंद कन्दो ? फॉरवर्ड थियण वारा मैसेज बंद मतलब व्हाट्सएप्प बंद।

पर एस पी सर इहो त गलत आहे न त कुकुड़ कूड़िमिन जो नावं वडेरे जो ? निखिमिणेमल पहिंजे चवण जी मुराद ज़ाहिर कयी।

त सिधो चवो न साईं निखिमिणामल त तव्हां जी नज़रून में बिये कहिं जी पोस्ट मां लिखण वारे जो नालो कटे उहा पोस्ट फॉरवर्ड करण हिक किसम जी चोरी आहे।

साईं तव्हां खे वड़ी उमिर डिये एस पी सर तव्हां बराबर समझियो आहे त मुखे कावड़ छो पयी अचे ? निखिमिणेमल जो आवाज़ काफी शांत हुओ मतलब हू पहिंजी कावड़ ते कंट्रोल करे चुको हुओ।

तव्हां पाण लिखंदा आहियो एस पी सर सो तव्हां खे त खबर आहे त लिखण वास्ते न सिर्फ टाइम लगे थो पर उन विषय जो अभ्यास बि करणो पवे थो ?

पर साईं निखिमिणामल करे बि त कुछ न थो सघिजे न ? जे तव्हां कहिं खे कुछ चवंदा बि त रेडीमेड जवाब हाज़िर साईं इहा  पोस्ट त मुखे बिये मोकीली हुयी – मुखे सुठी लगी सो ग्रुपन में ऐं बियन खे फॉरवर्ड करे छड़ी।

इहा गालिह त बिलकुल सही आहे एस पी सर त ज़मार गरी वेंदी पर इन बिये मोकलिण वारे बाबत खबर न पवंदी ? तव्हां त टीचर बि रहिया आहियो न एस पी सर सो तव्हां खे इन्हन फॉरवर्ड थियण वारिन पोस्ट्स बाबत सही रायो त डियणो ई पवंदो ? निखिमिणेमल खे शायद त ध्यान आयो त संदस चाहिं थधी थी रही आहे।

डिसो साईं निखिमिणामल मां तव्हां जी गालिह जेतिरी समझी आहे उन मूजिब

[1] तव्हां खे फॉरवर्ड थियण वारन फोटो या वीडियो जेके इंटरनेट ते रॉयल्टी फ्री तोर बेशुमार मिलन था तिन जे फॉरवर्ड करण ते को ऐतिराज़ कोन आहे।

[2] तव्हां खे इन गालिह ते बि ऐतिराज़ कोन आहे त बिये जी लिखियिल पोस्ट फॉरवर्ड कयी वञे।

तव्हां खे त खबर आहे त मुहिंजे सामहूं वेठल शख्स आहे निखिमिणोमल सो हुन खे बुधण किथां पसंद पवे। तकडो चाहिं खतम करे शुरू थी वियो।

मुहिंजी गालिह खे समझण वास्ते तव्हां जा लख थोरा एस पी सर। डिसो न जडिहिं को फॉरवर्ड करण वारो लिखण वारे जो नालो कटे पोस्ट फॉरवर्ड करे थो त

[1] फॉरवर्ड करण वारो लिखण वारे खां उन जी मेहनत जो फलु खसे वठे थो।

[2] बिना नाले वारी इहा पोस्ट जहिं खे मिले थी या जेको कहिं ग्रुप में पढ़े थो उन खे इहो महसूस थी सघे थो त इहा पोस्ट फॉरवर्ड करण वारे जी लिखियिल आहे। इनजो मतलब इहो थियो एस पी सर त मेहनत कयी हिकडे जसु मिलियो बिये खे।

मुहिंजो चवण सिर्फ ऐतिरो आहे एस पी सर त जे का पोस्ट असां खे सुठी लगे थी त फॉरवर्ड करण बिलकुल गलत न आहे। असां गलती उते था कयूं जडिहिं असां पोस्ट लिखण वारे चाहे उहो को लेख / कविता हुजे या इमेज या बी का गालिह जो नालो कटे फॉरवर्ड कयूं था।

दोस्तों तव्हां बि ज़रूर निखिमिणेमल सां सहमत हूंदा। हाणे जे तव्हां खे हीउ पोस्ट पसंद आयी हुजे त ज़रूर बियन खे फॉरवर्ड कियो पर एस पी सर इहो अखर कटिण जे बिना।