तरकी या विकास Development

अजु काफी डीन्हन खां पोय बाजार में निखिमिणेमल सां मुलाकात थी। सचु चवां त मां त खेस सुञाणे बि कोन सघियुम।

गोड़न खां थोरो मथे खतम थी वञण वारी चडी (हाफ पेंट), बिना बाहुन वारी अजीबोगरीब सिलोगन [Who Needs Hair with a body like this ] वारी टी शर्ट, हथन ते नागंन विछुन जा न समझ में अचण वारा चित्र [टेटू ] ऐं टिकिण ते विच ते हिक नंढे गोले जी शिकिल में बिन रंगन में रंगियल वार।

हिक नज़र में मुखे त इहो लगो त शायद हाणे हिप्पी असां जे शहर में बि घुमण अचण लगा आहिन। इहो त निखिमिणेमल जे वातां निकतल जय झूलेलाल एस पी सर हुओ जो मां खेस सुञाणे वरतो।

दरअसल पोयें हफते खां वठी निखिमिणोमल गोवा घुमण वियिल हुओ सो उमीद बि कोन हुयी त सिर्फ हिक हफते में मोटी बि अची सघे थो। छो जो निखिमिणेमल जो त चवण आहे आखिर ऐतिरो भाड़ो खरच करण खां पोय 10 -15 डीन्ह बि न रहिजे त भाड़े खरचिण जो फायदो कहिड़ो ?

कुछ अलग लगेव थो न एस पी सर ?

निखिमिणोमल आदत मूजिब शुरू थी वियो। तव्हां खे अजीब लगो इन जो मतलब आहे त मां तरकी या विकास जी सही राह ते आहियां। डिसो न एस पी सर अजु जी नवजवान पीढ़ी जो तरकी या विकास जो मतलब आहे कुछ अलग। गोवा पहुची मां बि पहिंजे विकास जो विचार कियो ऐं डिसो मुहिंजे हिन कुछ अलग [बदिलियल] लुक – तव्हां खे बि अजब में विझी छडियो।

मां सोचियां पियो छा हकीकत में कुछ अलग मतलब विकास आहे या नवजवान पीढ़ी खे समझण में निखिमिणोमल गलती करे रहियो आहे ? हमेशा वांगुर निखिमिणेमल पहिंजी धुन में गालिहायिण कायम रखन्दे चयो।

हिन भेरे मां हिक खास गालिह सिखियो आहियां एस पी सर ! असां में त फुकट जा वाका करण जी आदत पयजी वयी आहे। डिसो न नंढो हुजे या वडो, अमीर हुजे या गरीब हर कहिं खे लगे पियो त असां जे देश जो विकास न थियो आहे। किलाकन जा किलाक घिटी जी कुंड ते लिकी बिही इंतिज़ार करण खां पोय मस वञी माशूक जी शिकिल नज़र ईंदी हुयी ऐं अजु ठाठ सां हथ में हथु पकडे शान सां पिया बगीचे में घूमूं बियो घणो विकास खपे ?

तव्हां खे याद हूंदो एस पी सर त कहिं दोस्त जे मायट्र जी फ़ोन अचण ते तव्हां फ़ोन करण वारे खे 15 मिनटन खां पोय फ़ोन करण वास्ते चयी दोस्त खे सडु करण वेन्दा हुआ चाहे अधि रात छो न हुजे ? अजु रंधिणे में कम करण वारी जाल सां ड्राइंग रूम में वेठल मुड़स मोबाइल ते थो गालिहाये ?बियो घणो विकास खपे ?

बियो त परे एस पी सर छा इहा विकास जी हद न आहे त रोड या मैदान ते थियण वारन धरणन आन्दोलनन वास्ते बि अजु एस सी शामियाना ठहिया पिया वञन ? मुहिंजो चवण सिर्फ ऐतिरो आहे त ऐतिरो अज़ब में न पवो हीय त मुहिंजी हिक नंढी कोशिश आहे इन नयें विकास जो कुछ सुख माणिण जी। खैर सुभाणे मिलूं था।

हा वञण खां अगु हिक गालिह इहो बि विकास अथव त हाणे जे तव्हां बिये जो मेसेज व्हाट्सअप ते फॉरवर्ड कियुव त उन ते Forwarded लिखिजी वेंदुव।

निखिमिणोमल त पहिंजी राह हलन्दो थियो आहे। अचो त गडिजी विचार कयूं त असां खे निखिमिणेमल जे विकास सां सहमत थियण घुरिजे या न ?