ए जे उत्तम
TSW Citation
सिंधी साहित्य जो जाण ख़ज़ानो [Encyclopedia] लक़ब हासिल, मकबूल सिंधी कहाणी लेखक जंहिं वासिते चयो वेन्दो आहे त भारत में सिंधी साहित्य जी बुनियाद विझण जो कमु ऐ जे उत्तम कयो अहिड़ी सिरमोर साहित्यिक शख्सियत खे श्रध्दाजंली तोर टीम TSW पारां हिकु दोहो (रंगीन अखर ऐ जे उत्तम जे किताबन जा उनवान आहिन)
साहित्यिक परख उतम जी भारत जो दोस्त लेनिन, फ्रंटियर गांधी मिली आज़ाद सचल खे समझाणी
साहित्य ऐं साहित्यकार में लेखराज अज़ीज़, मंघाराम मलकानी ऐं सुजाग सिंध जी आ सिंधी कहाणी
बायोग्राफी - ए जे उतम - आसनदास जेठानंद उत्तमचंदानी
शुरुआती जीवन
सिंधी अदब में के विरला अहिड़ा अदीब थिया आहिन जिनखे सिंधी बोली ऐं सिंधी साहित्य जी पूजा कन्दडन जी जमात में शामिल करे सघिजे। जे वेझे समे जो विचार कजे त जहिं पहिरियें नाले जो तसवुअर करे सघिजे थो सो आहे हैदराबाद सिंध में जन्म वरतल (जन्म तारीख 16 दिसंबर 1923) आसनदास जेठानंद उत्तमचंदानी जेको ए जे उतम जे नाले सां वधीक मशहूर आहे। सिंधी बोली ऐं सिंधी साहित्य वास्ते संदस बेहद लगाव बाबत हिकु भेरो हिन पाण चयो छो त इन जे पुठियां संदस माउ त आहे ई पर साफु ऐं सिधो गालिहायीन्दड पिता जो बि वडो हथु आहे। उतम जी शयिन ऐं गालिहियिन खे याद रखण जी बेमिसाल सलाहियत सबब हिन खे सिंधी साहित्य जे जाण ख़ज़ानो [Encyclopedia] जो लक़ब मिलियो आहे।
1941 में पहिंजे स्कूली डींहन जे दौरान हिन कुछ बियन विद्यार्थिन जी मदद सां हैदराबाद स्टूडेंट यूनियन ठाही। हिउ उहो समो हो जहिं वक़त सजे मुल्क में अंग्रेजन जी गुलामी खां आज़ादी हासिल करण जो माहोल हो। मुल्क जी हर कुंड मां महात्मा गांधी जी किविट इंडिया हलचल जी पुठिभरायी थी रही हुयी। आसनदास बि किविट इंडिया हलचल में बहरो वरतो ऐं 09 अगस्त 1942 ते हिन खे गिरफ़्तार करे हिक साल वास्ते जेल मोकिलियो वियो।
नवजवान आसनदास सिर्फ 18 सालन जी उमर में कहाणियूं , मज़मून ऐं वेन्दे सिंधी साहित्य ते खोजनात्मक लेख ऐं नुक़तचीनी जी नज़रसानी लिखण शुरू कयी। हिन जी कॉलेज जी पढ़ायी डी जी नेशनल कॉलेज में शुरू थी जिते हिन 1946 -1947 जी कॉलेज मैगज़ीन “फुलेली ” जे एडिटर जो कमु कियो। पहिंजी अधूरी अदबी पियास जी मज़बूरी सबब हिन सागे साल 1946 में हैदराबाद जे कुछ तरकीपसन्द लेखकन ऐं अदीबन जो ग्रुप ठाहियो ऐं प्रोफेसर एम यू मलकानी, प्रोफेसर गेहीमल मूलचंदानी, तीर्थ बसंत, कल्याण आडवाणी ऐं गोबिंद माल्ही जहिड़न फेमस सिंधी लेखक, कवी ऐं कलाकारन सां मेल मुलाकात करण लगो।
हिन जी डेती लेती जे विषय ते लिखियिल “तरकीअ जी राह ते ” कहाणीअ संदस जीवन में वडी तबदील आन्दी छो जो नवजवान सुहिणी छोकिरी सुगनी नारवानी हिन जी शैदाई थी पयी। 14 नवंबर 1947 ते बिन्ही शादी कयी। वक़तसार इहा सुगनी बि सिंधी अदबी दुनिया में सुंदरी उतमचंदानी जे नाले सां मशहूर थी ऐं सिंधी साहित्य जे नामवर सिंधी नॉवेल लिखन्दडन में शामिल थी। ए जे उत्तम त न पर सुंदरी ज़रूर सिंधी भाषा वासिते साहित्य अकादमी अवार्ड हासिल करण में कामियाब थी।
ए जे उत्तम - सिंधी भाषा ऐं सिंधी साहित्य जी सेवा
मुल्क जे विरहांङें सबब बियन लखें सिंधियिन वांगुर उत्तमचंदानी कुटुंब बि भारत अचण लाय मज़बूर थियो। आसनदास 1949 में पहिंजी अधूरी रहियल एम ए जी पढ़ायी मुंबई में पूरी कयी। पढ़ायी पूरी कन्दे ई खेस बॉम्बे सेक्रेटेरिएट में नौकरी मिली पर उन जो संदस सिंधी बोली ऐं सिंधी साहित्य वास्ते लगाव ते को बि असर कोन पियो। हिन “नई दुनिया ” शुरू कयी ऐं सिंधी साहित मंडल जे सेक्रेटरी (अगते हली वाईस प्रेसीडेंट) तौर कमु करण लगो। सिंधी साहित मंडल खे भारत में सिंधियिन जी पहिरियीं अदबी ऐं तहज़ीबी (सांस्कृतिक ) संस्था लेखियो वेन्दो आहे जेका न सिर्फ नंवंन लेखकन अदीबन खे हिमथाये थी पर सिंधी कौम जे अदबी ऐं तहज़ीबी वाधारे जो बि खियाल रखे थी। दर असुल इहो मंडल ही हो जहिं सिंधी बोली खे भारत जे संविधान में मंज़ूर कियिल भाषाउन में शामिल करण वास्ते हलचल हलायी। इन मंडल जी कामियाबी कोशिशिन सबब सिंधी भाषा साहित्य अकादमी जे अवार्ड में तोड़े आल इंडिया रेडियो (हाणे आकाशवाणी) जे कार्यक्रमन में शामिल थी सघी।
लेखक खां सिवाय हिन बतौर अख़बार नवीस बि सिंधी साहित्य जी सेवा कयी आहे। 1959 खां 1967 तायीं हीउ अदो हफतेवार “सिंधु धारा ” जो को-एडिटर, 1973 खां 1975 तायीं “सिंधु समाचार ” [रोजाने ] जो एडिटर त 1975 -1978 “सिंधु संसार ” [रोजाने ] जो एडिटर रहियो। 1959 ९ में बरपा थियिल अदबी संस्था “अखिल भारत सिंधी बोली ऐं साहित सभा ” जो हू फाउंडर सेक्रेटरी हो। साल 1973 में आसनदास वर्ल्ड राइटर कॉन्फ्रेंस वास्ते रशिया वियो जिते हिन खे बियन भाषाउन जे लेखकन, नारायण सुर्वे [मराठी], भीष्म साहनी [ हिंदी ] ऐं सुभाष मुखर्जी [बंगाली ] सां मिलण जो मोको मिलियो। इहो डिसी त हू अज़ब में पयजी वियो त रशियन माणुहुन जी दिलिन में महात्मा गांधी, जवाहरलाल नेहरु ऐं इंदिरा गांधी वास्ते न सिर्फ सिक ऐं पियारु आहे पर उहे भारत जे इन्हन अगुवानन जी बेहद घणी इज़त बि कनि था।
पहिंजे अदबी सफर दौरान ए जे उत्तम 100 खां वधीक कहाणियूं लिखियूं आहिन जिन मां केतिरियूं संदस लिखियिल बिन किताबन “कशमकश ” ऐं “हू ज़हान ही मन ” में शामिल आहिन। हिन जो सभ खां वधीक मशहूर सिंधी किताब आहे “सिंधी कहाणी नाटक ऐं तनक़ीद ” इहो सिंधी कहाणिन ऐं नाटकन जे ऐतिहासिक ऐं नुक़तचीनी निगाह सां मुल्ह जे विषय ते आहे। हिन जा कुछ किताब त किन यूनिवर्सिटी में सिंधी जे अध्यासक्रम में बि शामिल आहिन। 03 जनवरी2005 ते हिन जो सुरगवासु थियो।
अदबी योगदान - लिखियिल किताब
1947 में लिखियिल पहिरियें किताब “सरहद जो गांधी ” ऐं 2003 जे लिखियिल आखिरी किताब “अदब ऐं तनक़ीद ” जे विच में हिन 19 बिया किताब बि लिखिया आहिन, इन्हन 21 किताबन जा उनवान हेठि डिजन था [in alphabetical order]
अदब ऐं तनक़ीद – भारत जो दोस्त लेनिन – भारत रूस दोस्ती – फ्रंटियर गांधी – हू जहान हीउ मनु – कशमकश – लेखराज अज़ीज़ – महात्मा ऐं लेनिन – मंघाराम मलकानी – नओं चीन – प्रोफेसर कल्याण आडवाणी – साहित्यिक परख – साहित्य ऐं साहित्यकार – सरहद जो गांधी – सिंधी कहानी नाटक ऐं तनक़ीद सिंधी साहित तनक़ीद – सिंधी साहित्य – सोवियत सुरग – सुजाग सिंध – टैगोर हिक झलक – विजय लक्ष्मी पंडित
Books Window
ए जे उतम - अवार्ड
56 सालन [1947 -2003] जे अदबी सफर जे दौरान मुख़तलिफ़ मोकन ते जिये सिंध सभा, अखिल भारत सिंधी बोली ऐं साहित सभा या वरी राम बक्शानी फाउंडेशन जहिडियिन केतिरिन सिंधी अदबी, तहज़ीबी ऐं सामाजिक संस्थाउन रोक पंज या डह हज़ार रुपिया डयी उत्तम जो सत्कार कियो आहे। उतम खे जिन अवार्ड सां नवाज़ियो वियो से आहिन: –
1994 डॉ सदारंगानी मंडल
1991 अदबी अवार्ड – प्रियदर्शनी अकादमी तोड़े अखिल भारत सिंधी बोली ऐं साहित सभा पारां (अलग अलग)
1972 ऐं 1965 में सोवियत लैंड नेहरु पीस अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.