आरती छाबरिया
Introductory
बॉलीवुड या हिंदी फिल्म जी दुनिया या इंटरटेनमेंट इंडस्ट्री हिक सिंधी जी घणायी वारी दुनिया आहे ऐतिरे क़दुर जो इन्हन सिंधियिन खे अलग नाले बॉलीवुड सिंधी जे रूप में सुञाणप पिणु हासिल आहे। सिंधी इंडियन एक्ट्रेस मॉडल आरती छाबरिया बॉलीवुड सिंधी में शुमारियिल हिकु मशहूर नालो आहे। कुदरत आमु तोर किन विरलन खे छडे, इंसान खे इहो मोको कोन डीन्दी आहे त संदस बालपणे जा सपना जिनखे डिसन्दे हू वडो थिये से हकीकत जो जामो पायिन। आरती छाबरिया / छाबड़िया उन्हन विरलन चूंड इन्सानन में शामिल आहे जिनखे कुदरत इहो मोको डिनो आहे। आरती जो सपनो हो त हिक डींहुं हू बि हिंदी फ़िल्मुन जी चमकीली दुनिया में दाखिल थिये ऐं फिल्म्स में बतौर हीरोइन कमु करे। कुदरत आरती खे इन दुनिया वासिते ज़रूरी सलाहियत मतलब सूंह ऐं सियाणप जो बेमिसाल संजोग अता करे बॉलीवुड सिंधी में शामिल थी पहिंजो बालपणे जो सपनो पूरो करण जो वझु डिनो आहे।
बायोग्राफी - आरती छाबरिया / छाबड़िया
फेमस सिंधी अदाकारा – मिस इंडिया – टेलीविजन सीरियल सेलिब्रेटी
आरती जो जन्म 21 नवंबर 1982 में हिक अहिड़े सिंधी कुटुंब में थियो जहिं जो फिल्म्स सां को बि लागापो कोन हो। हाणे जे इन कुटुंब जे माहोल जो विचार कजे त समझी सघिजे थो त आरती वासिते फिल्म जी हीरोइन बणिजण जो मोको हासिल करण सपने जे हकीकत में बदलिजण केतिरी न वडी ख़ुशी खणी आयो हूंदो।
कामियाबी सां आरती जो नातो संदस ट्रिन सालन जी उमर में ई जुड़ी वयो हो छो जो फरेक्स जे कमर्शियल वास्ते बतौर मॉडल आरती चूड़ी वयी हुयी। नवंबर 1999 “मिस इंडिया इंटरनेशनल 2000 “जो ताज़ हासिल करण आरती जी हिक वडी कामियाबी हुयी। जे डिठो वंञे त दरअसल इहो पहिरियों कदम हो आरती जे फिल्म हीरोइन बणिजण जे सपने जे हकीकत में बदलिजण जे तरफ।
आरती जो केतिरन भाषाउन अंग्रेजी, हिंदी, मराठी, सिंधी ऐं गुजराती ते काफी सुठो जाबितो आहे। भाषाउन जे ज्ञान हुजण जी इन खूबी खेस हिकु कामियाब मॉडल बणण में वडी मदद कयी। फिल्म्स में अचण खां अगु ई बतौर मॉडल आरती कमर्शियल जी दुनिया जी हिक मशहूर हसिती हुयी। अटकल 300 कमर्शियल में बतौर मॉडल कमु करें चुकी आरती लगभग सभनी ब्रांड्स जे प्रिंट तोड़े टेलीविजन कमर्शियल में कमु करे चुकी आहे। अमूल, क्रैक क्रीम, फरेक्स, फ्रेशना ऐं लिरिल कुछ ब्रांड्स जा नाला आहिन जिन जे कमर्शियल में आरती नज़र आयी आहे। मॉडलिंग खां सिवाय आरती “नशा ही नशा ” (सुखविंदर सिंह सां गडु) ऐं “तेरा चेहरा ” (मशहूर गायक अदनान सामी सां गडु “रूठे हुए हो क्यूँ ” गाने में) जहिडियिन कुछ म्यूजिक वीडियो में बि कमु कियो आहे।
2000 में मिस इंडिया चूंडिजण खां पोय आरती वधीक मशहूर थी ऐं खेस फिल्म्स में कमु करण जो मोको मिलियो। 2002 में रिलीज़ थियिल फिल्म “तुमसे अच्छा कौन है ” खे आरती छाबरिया जी पहिरियीं फिल्म लेखियो वेंदो आहे पर हकीकत में हुअ 2001 जी फिल्म “लज्जा ” में हिकु अहिडो किरदार निभाये चुकी हुयी कहिं जी बि नजुरुन में कोन आयो हो। हिन वक़त तायीं आरती फ़िल्मी दुनिया जे, गोविन्दा, फरदीन खान, सोहैल खान, विवेक ओबेराय, तुषार कपूर, शाहिद कपूर ऐं अक्षय कुमार जहिडियिन नामवर अदाकारन सां गडु कमु करे चुकी आहे।
आरती छाबरिया जो फिल्म हीरोइन थियण सपनो त पूरो थियो आहे पर जे हिक “आवारा पागल दीवाना ” फिल्म खे छडिजे त आरती जी कहिं बि बी फिल्म खे कामियाब फिल्म्स लिस्ट में रखण सवलो कोन आहे। बेहद घणी प्रतिभा वारी आरती खे इन्तिज़ार आ उन फिल्म जो जेका न सिर्फ बॉक्स ऑफिस ते कमायी लिहाज खां सुपर डुपर हिट साबित थिये पर गडोगडु आरती खे पहिंजो एक्टिंग जो हुनर डेखारिण मोको डिये। एक्टिंग खां सिवाय आरती छाबरिया गायिण, मोटर बाइक्स सवारी करण, टेनिस खेड़ण ऐं स्विमिंग जी बि शौकीन आहे।
फिल्म्स में घुरिबल मिक़दार में कामियाबी मिलण सबब आरती छाबरिया टेलीविजन रियलिटी शोज जहिडो त फियर फॅक्टर खतरो के खिलाड़ी (2011) ऐं झलक दिखला जा (सीजन 06 साल 2013) में बि बहरो वरतो आहे। हुअ फियर फॅक्टर खतरो के खिलाड़ी खटी चुकी आहे। 2015 जे टेलीविजन शो “डर सबको लगता है ” में बि आरती, पुनीत तेजवानी सां गडु नज़र आई हुयी।
आरती छाबड़िया - फिल्मोग्राफी
हिंदी फ़िल्मुन खां सिवाय आरती छाबरिया कुछ तेलुगु, कन्नड़ ऐं पंजाबी फिल्म्स में बि कमु करे चुकी आहे। आरती छाबड़िया जी चूंड फिल्म्स जी लिस्ट हेठि डिनिल आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.