आचार्य जे बी कृपलानी
TSW Citation
भारत जे सियासी आकाश ते हिक मकबूल सिंधी राजनेता तोड़े लगभग अधु सदी 1920 -1950 तायीं आचार्य कृपलानी जो दोर रहियो आहे। 1920 में खेसि नॉन को ऑपरेशन हलचल सबब त 1970 में इमरजेंसी सबब गिरफतार कयो वयो हुओ। 11 नवंबर 1888 ते जावल जीवतराम भगवानदास कृपलानी जे सियासी जीवन जे खास गालिह इहा रही आहे जो हर दोर में हुन खे देश आला सियासतदानन में शुमारियो वयो आहे। 19 मार्च 1982 ते आचार्य कृपलानी परलोक पधारियो।
बायोग्राफी - आचार्य जे बी कृपलानी
फेमस सिंधी राजनेता – फ्रीडम फाइटर – समाजवादी अगुवान – गाँधीवादी सियासतदान
हिक सियासी शख्सियत जेका नामवर ऐं हरदिल अज़ीज़ हुयी, जहिं 1920 जे नॉन कॉपोरेशन आंदोलन खां वठी 1970 में इमरजेंसी जे वक़त तायीं पहिंजे कामियाब परवाज़ सां भारत जे सियासी आसमान खे सजायो ऐं सींगारियो सो कियो बियो न पर फेमस सिंधी फ्रीडम फाइटर, समाजवादी ऐं गाँधीवादी नेता स्वर्गवासी जीवतराम भगवानदास कृपलानी हो। खेसि हर नंढो वडो इज़त मां आचार्य कृपलानी करे सडींदो हो। आचार्य कृपलानी जो जन्म 11 नवंबर 1888 ते हैदराबाद सिंध में थियो हो पर हिन जे जन्म जे थोरे वक़त खां पोय ई संदस कुटुंब लड़े भारत अची रहण लगो हो, तहिंकरे संदस तैलीम भारत में थी।
मास्टर्स डिग्री (एम ए – हिस्ट्री ऐं इकनॉमिक्स ) हासिल करें आचार्य कृपलानी बतौर टीचर ज़िन्दगी जी शुरुआत कयी। कुछ थोरो अरसो हिन मशहूर सियासतदान श्री मदन मोहन मालवीय जे पर्सनल सेक्रेटरी तोर बि कमु कयो। अगते हली जीवतराम कृपलानी खे बनारस हिन्दु यूनिवर्सिटी में पढ़ाहिण जो कमु मिलियो ऐं हिन सेक्रेटरी जो कमु छड़े डिनो। बनारस यूनिवर्सिटी में हिन जी मुलाकात हिक बंगाली छोकिरी सुचेता मजूमदार सां थी। 1936 में बिन्ही शादी कयी। इहा सुचेता मजूमदार अगते हली सुचेता कृपलानी जे नाले सां मशहूर थी। कांग्रेस जी हिन नामवर सिंधी नारी सियासतदान खे मुल्क जी पहिरियीं स्त्री मुख्यमंत्री थियण जो मानु मिलियो।
आचार्य कृपलानी ते महात्मा गांधी जे सिद्धान्तन जो वडो असर हो ऐतिरो जो के त हिन खे महात्मा गांधी जो उत्साह सां भरियल चेलो बि चवन्दा हुआ। हिउ फेमस सिंधी सियासतदान हमेशा खादी जे कपडन में नज़र अीन्दो हो। नॉन कॉपरेशन आंदोलन जे दौरान हिन महात्मा गांधी सां गडु कमु किया ऐं आल इंडिया नेशनल कांग्रेस पार्टी में दाखिल थियो।
1934 खां 1946 तायीं हिन इंडियन नेशनल कांग्रेस पार्टी जे जनरल सेक्रेटरी तौर कमु कियो। मुल्क जे विरहांङें वक़त 1946 -1947 में आचार्य कृपलानी पार्टीअ जो अध्यक्ष हो। अंग्रेज सरकार हिन खे कांग्रेस पार्टी जे कार्यक्रमन ऐं मुल्क खे आज़ाद करायिण वारिन हलचलुन ऐं आंदोलनन में बहरो वठण सबब गिरफतार कियो हो। 1927 खां गांधी जी खेसि आश्रमन जो कमु डयी गुजरात ऐं महाराष्ट्र में सामाजिक सुधारन ऐं तैलिमी वाधारे जी जवाबदारी डिनी। हकीकत में इन कम जे दौरान ई जीवतराम कृपलानी खे “आचार्य ” जो लकब मिलियो जेको ता हयाती संदस नाले जो हिसो बणिजी वियो। अगते हली हिन खे सागो कमु करण वासिते उतर भारत जी बिहार ऐं उत्तर प्रदेश ऐराजिन में मोकिलियो वियो। आचार्य कृपलानी जो इन्हन ऐराजिन सां अहिडो नातो जुडिजी वियो जो हुन बाकी हयाती उते ई गुज़ारी।
आज़ाद भारत में आचार्य कृपलानी
1948 में महात्मा गांधी जी हत्या खां पोय आचार्य ऐं प्रधानमंत्री पंडित जवाहरलाल नेहरू सरकार हलायिण ऐं पार्टी जे कमन बाबत यकराय नज़र न पिया अचन। इहो निफ़ाक़ ऐतिरो हो जो आचार्य पहिरियों मेंबर हो जहिं लोक सभा में सरकार जे खिलाफ अविशवास प्रस्ताव पेश कियो। नेहरू, कांग्रेस जा बिया अगुवान ऐं आचार्य जे विच वारे वधन्दड निफ़ाक़ सबब हिन 1951 में कांग्रेस पार्टी छड़े डिनी।
आचार्य कृपलानी हिक नयीं सियासी पार्टी ठाही। 1952 में इन सोशलिस्ट पार्टी ऑफ़ इंडिया जो अध्यक्ष बि थियो पर 1954 में हुन पार्टी जे सभनी ओहदन ऐं मेम्बरशिप तां इस्तीफो डिनो। हिन बाकी सजी सियासी ज़िंदगी बतौर निर्दलीय गुजारी।1946 खां 1951 जे सालन में आचार्य कृपलानी भारत जो संविधान तैयार करण वारी कमेटी सां बतौर मेंबर जुडियिल रहियो।
प्रधानमंत्री श्रीमती इंदिरा गांधी जडहिं मुल्क में इमरजेंसी लागू कयी त 26 जुलाई 1975 ते जिन मुख़ालफ़त जे अगुवानन , सियासी नेताउन खे गिरफ़्तार कियो वियो उन्हन में पहिरियों नालो आचार्य जो हो। हू चार भेरा मतलब 1952, 1957, 1963 ऐं 1967 में लोक सभा जी चूंडिन में कामियाबी हासिल करे लोक सभा जो मेंबर बणियो हो। 1970 खां पोय वारे अरसे में आचार्य कृपलानी सियासत जी जगह ते सामाजिक ऐं माहोल [Environment] सां जुडियिल मसैलन ते वधीक धियान डियण लगो हो तहिं करे कुछ माणुहू आचार्य खे सिंधी विनोबा भावे बि चवण लगा हुआ। 19 मार्च 1982 ते 94 सालन जी उमर में सियासत जे हिन बेताज बादशाह जो सुरगवासु थियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.