अनिला सुंदर
Sindhi Kathak Dancer
अनिला सुंदर न सिर्फ इहो साबित कयो आहे त सिंधी कला, सिंधी संस्कृति ऐं सिंधी लोक कहाणियूं पहिंजे कथक ऐं बेली डांस प्रोग्राम जे रूप में पेश करण में संदस को मुकाबिल न आहे पर इहो बि साबित कयो आहे त सिंधी औरत कंहिं बि खेतर में कामियाबी जो आला मुक़ाम हासिल करण जी सलाहियत रखे थी। भारत जी पहिरियीं सिंधी कथक डांसर हुजण जो मानु हासिल अनिला सुंदर देश विदेश में पहिंजे प्रोग्रामन वसीले सिंधियत जो परचम बुलंद कंदे सिंधी सांस्कृतिक विरसे जी वाकफियत सिंधी युथ खे डिनी आहे। टीम TSW वड़े फ़खुर सां बेमिसाल कलाकार अनिला सुंदर जे जीवन बाबत जानकारी शेयर करे रही आहे।
बायोग्राफी अनिला सुंदर
फेमस सिंधी कथक डांसर -सिंधी फिल्म – प्यार करे डिसु
कुछ साल अगु मुंबई जी हिक अख़बार जूं कुछ लाइन हुयूं “अनिला सुंदर जहिं कथक खे मशहूर करण, सिंधी कला ऐं संस्कृति जे वाधारे में अहमियत वारो योगदान कियो आहे। अजु शाम जो 6:30 खां वाई बी चव्हाण ऑडिटोरियम [मंत्रालय जे वेझो] में अनिला सुंदर ऐं संदस ग्रुप पेश कन था “सिंधु मुहिंजी अम्मा”
हाणे जे इन मां अखर “सिंधी ” हटाये छडियुं त इहा हिक आम डांस प्रोग्राम जी जाहिरात महसूस थिये थी। इहो डेखारे थो त सिंधी औरतुन या छोकिरिन जे घर जे अंदर रहण जी रिवायत में तबदील अची वयी आहे। अजु जे मॉडर्न सिंधी समाज में छोकिरियूं घर जी चारदीवारीअ खां बाहिर निकरी मुख्तलिफ खेतरन में कमु पयूं कन भली उहो कथक डांस छो न हुजे। पहिरियीं सिंधी कथक डांसर अनिला जी गालिह निराली आहे , डांस वास्ते बालपणे खां चाहु हूंदे बि हुन रिवायती पढ़ायी कन्दे क्लिनीकल साइकोलॉजी में मास्टर्स डिग्री हासिल कयी ऐं थोरे वक़त लाय उल्हासनगर में जय हिन्द कॉलेज में बतौर लेक्चरर कमु बि कियो।
अनिला जो जन्म उल्हासनगर जे डॉक्टर जोड़े नानकी ऐं गोविन्द माखीजानी जी धीउ जे रूप में 11 नवंबर 1951 ते थियो आहे। इहो बुधी केतिरन खे अज़ब लगी सघे थो त सतन सालन जी उमर में – जहिं उमर में हिक आमु बार रांदीकन खां परे न सोचीन्दो आहे – अनिला डांसर थियण जो पको विचार बणायो। अनिला खुशनसीब आहे छो जो संदस माउ पीउ उन जे इरादे जी मुख़ालफ़त करण जी जगह ते अनिला खे डांस सेखारिण जो बंदोबस्त कियो। ११ सालन जी नंढी उमर में हुन इलाहाबाद जे प्रयाग संगीत समिति जो कथक डांसिंग जो इम्तिहान पास कियो।
नालो बदिलायिण जी रिवायत मूजिब शादी खां पोय अनिला मुडुस जे सरनेम बदिरां मुडुस जो नालो [सुंदर] खणी पहिंजो नालो अनिला सुंदर कियो खेस हिक धीउ रचना आहे। 1977 में तेहरान में थियिल डांस ऐं म्यूजिक जे फेस्टीवल में बहरो वठण खां पोय त कथक ऐं बेली डांस वास्ते अनिला सजी दुनिया में मशहूर थी वयी।
सिंधी कला ऐं संस्कृति जे वाधारे में अनिला सुंदर जो बेहद अहमियत वारो ऐं बेमिसाल योगदान आहे। हिन ऐतिहासिक सिंधी कहाणिन ऐं लीला चनेसर जहिडियिन सिंधी लोक कहाणिन खे स्टेज ते रिवायती लोक संगीत ऐं डांस जी जगह ते बेली डांस जे रूप में पेश कियो। इहा अनिला जी कामियाबी आहे जो हिन इहे प्रोग्राम ऐतिरे सुठे नमूने पेश किया आहिन जो अजु जी नवजवान सिंधी पीढ़ी सिंधी लोक संगीत ऐं सिंधियत जे आलिशान सांस्कृतिक विरसे वास्ते पाण में कशिश महसूस करे थी। मुखे 1990 जे आसपास जो उहो डींहुं अजु बि याद आहे जहिं ते कोल्हापुर जे केशवराव भोसले नाट्य गृह में अनिला सुंदर जो डांस प्रोग्राम डिसी सभ सुधि बुध भुलाये वेठा हुआ। बिलाशक अनिला भारत भूमी ते जन्म वठन्दड लासानी बेली डांसर मां हिक आहे।
भारत जी पहिरियीं सिंधी कथक डांसर अनिला, सिंधी कला ऐं संस्कृति जे वाधारे वास्ते पहिंजो ग्रुप ठाहे देश ऐं विदेश में केतिरा ई प्रोग्राम पेश किया आहिन। हिन जे प्रोग्राम जी खास गालिह इहा हूंदी आहे त डांस जो सजो प्रोग्राम कहिं न कहिं सिंधी विषय सां जुडियिल हूंदो आहे। कथक ऐं बेली डांस खे मशहूर करण जे मकसद सां हिन मुंबई में “रचना नृत्यालय” बरपा कियो आहे। जिते हुअ डायरेक्टर ऐं कोरिओग्राफर तौर कथक डांस जी सिखिया डीन्दी आहे। डांसिंग खां सिवाय अनिला जो नालो सिंधी फिल्म “प्यार करे डिसु ” ऐं “जय झूलेलाल ” सां बि जुडियिल आहे।
अनिला सुंदर - मशहूर सिंधी कार्यक्रम
अनिला सुंदर हिक बेहद कामियाब बेली डांस डायरेक्टर ऐं कोरिओग्राफर आहे। सिंधी में पेश कियिल हिन जे तमाम मशहूर कार्यक्रमन मां कुछ जा उनवान [Titles] हेठि डिजन था।
गीत गोविन्द
सिक सजण जी
सिक
सिंध मुहिंजी अम्मा
सिंधु
सिंधियत जी सुरिहां
थीउ न जुदा जानी मुखां
ज़ाल… कडिहिं ज़ेर कडिहिं ज़बर
अनिला सुंदर - अवार्ड
लम्बे डांसिंग कॅरियर जे दौरान दुनिया भर जी सिंधी संस्थाउन अनिला जो सत्कार कन्दे उन खे केतिरन ई अवार्ड्स सां नवाज़ियो आहे। अनिला खे मिलियिल अवार्ड्स मां के वधीक अहमियत वारा अवार्ड आहिन
1990में इंटरनेशनल सिंधी पंचायत फेडरेशन जो “झूलेलाल अवार्ड “
1994 में अखिल भारत सिंधी बोली ऐं साहित सभा जो “लासानी कलाकार ” अवार्ड
1999 में रोटरी क्लब बॉम्बे वेस्ट जो “Vocational Excellence ” अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.