भगवान निर्दोष
Introductory
सजो नालो: भीमनदास ककूमल होतचंदानी
तखलुस: निर्दोष
साहित्यिक नालो: भगवान निर्दोष
जन्म तारीख: 13 अक्टूबर 1942
जनम इसथानु: नवाबशाह सिंध
शहरन सां जुड़ाव: बड़ोदा या वड़ोदरा (बालपणो) ऐं अहमदाबाद (नोकरी ऐं रियाइश)
मशहूरी: सिंधी टीचर – सिंधी कवी – रेडियो ऐं दूरदर्शन जो कलाकार
कामियाबी / अवार्ड: गुजरात राज्य सरकार पारां सुरहा सुरहा सुवास वासिते गौरव पुरस्कार
बायोग्राफी -भगवान निर्दोष
सिंधी साहित्य – गौरव पुरस्कार – फेमस सिंधी टीचर
वेझडायी में गुजरात राज्य सरकार जे गौरव पुरस्कार वक़त जेको शख्स सभनी जी नज़रुन जो मरक़जु हो सो हो भगवान निर्दोष इन वासिते न त संदस ग़ज़लुन जे मजमुअे (संग्रह) “सुरहा सुरहा सुवास ” वासिते निर्दोष खे गौरव पुरस्कार सां नवाज़ियो वियो पर सिर्फ इन सबब जे जो गुजरात जे अदबी संसार जूं सभु शख़्सियतूं हिन खे अवार्ड मिलण जे मोको जो केतिरन सालन खां इन्तिज़ार पे कियो।
गुजरात भारत जी सिंधी अदबी दुनिया जे नामवर भगवान निर्दोष जो जन्म 13 अक्टूबर 1942 ते सिंध जे नवाबशाह जिले में तेजल बाई ऐं ककूमल होतचन्दानी जे घर थियो हो। संदस नालो भीमनदास रखियो वियो। नंढे हूंदे खां ई हुन जी यादगिरी तेज़ हुयी। उन समे अंञा संदस उमिर स्कूली पढ़ाई बि शुरू करण जेतिरी बि कोन हुयी पर अजु बि हीउ साहिब उन्हन तक़लीफ़ुन जो बयान करे सघे थो जिन खे संदस मायट्रन भारत अचण वासिते ऐं भारत में थाईंको थियण जे वासिते वास्ते मुहं डिनो हो।
भारत अची होतचन्दानी कुटुंब बड़ोदा जहिं खे वड़ोदरा चयिजे थो में रहण लगो। हितां जी वारसिया सिंधी कैम्प जे आवतराम सिंधी स्कूल में भीमनदास जी स्कूली पढ़ाई शुरू थी। अगते हली भीमनदास महाराज साया जी राव यूनिवर्सिटी मां B.A. ऐं भोपाल मां B.Ed. जो इम्तिहान पास कयो। भीमनदास जी हयाती जी शुरुआत 1966 में कुबेरनगर अहमदाबाद जे आदर्श हाय स्कूल में टीचर जी नौकरी सां थी। 1970 खां हुन एम जी हायर सेकंडरी स्कूल में कमु करण शुरू कयो। रिटायरमेंट समे हू इन स्कूल जे वाईस प्रिंसीपल जे ओहदे ते हो। भीमनदास जी शादी 31 दिसंबर 1969 ते गोपी छबलानी ( पेको नालो) सां थी। रिटायरमेंट वठण खां पोय हू गुजरात जे अहमदाबाद शहर में रही रहियो आहे। जोड़े जी शादी शुदा कन्या हिना अगनानी हिक वक़त गुजरात जी हिक नामवर न्यूज़ रीडर, प्रोग्राम पेश कंदड़ ऐं उभिरजंदड सिंधी शायरा तोर मशहूर आहे।
सिंधी भाषा जे माहोल में नोकरी करण सबब भीमनदास बि साहित्य सिरजन में चाहु वठण लगो। मानवारे श्री लखमीचंद प्रेम जी रहबरी में भीमनदास खे सिंधी अदबी दुनिया जी वाकफियत मिली। हुन अहमदाबाद जी अदबी बेठकुन में शामिल थियण पिण शुरू कियो जिते हुन काफी वक़त वासदेव मोही, अर्जुन हासिद ऐं श्री नन्दलाल जे संग में गुजारे उन्हन खां सिंधी अदब जी रिवायत बाबत कुछ सिखिया बि हासिल कयी। 15 सिंधी किताबन जे ज़खीरे जो धणी निर्दोष साहिब सिंधी मैगज़ीन नज़रानों ऐं सजनी सां बतोर एडिटर जुडियिल हो। भगवान निर्दोष जे लिखियिल कुछ किताबन खे किन यूनिवर्सिटिन हवलो डीन्दड किताब (Reference book) जो दरिजो डिनो आहे।
निर्दोष हिकु घणि हुनरी शख्सियत जो धणी आहे। हू आल इंडिया रेडियो ऐं दूरदर्शन जो मंज़ूरी मिलियल कलाकार आहे। भीमनदास गुजरात टेक्स्ट बुक मंडल ऐं गुजरात साहित्य अकादमी वासिते बि कमु कयो आहे।
अदबी योगदान - लिखियल किताब
हिन जे लिखियिल किताबन मां कुछ मशहूर या अवार्ड मिलियिल किताब आहिन
सुवास सुवास में सुरिहां
सुख जा पाछा
हरी दिलगीर -हिकु अभ्यास
रिम झिम रिम झिम
नामु कुटिया नाटक नवीस
सुरहा सुरहा सुवास
महक मिटीअ जी
Books Window
मिलियल अवार्ड
चयिन डहाकन जे अदबी सफर में निर्दोष खे गुजरात सिंधी अकादमी ऐं NCPLS पारां त अवार्ड मिलिया ई आहिन पर गडोगडु हिन जी कविता ” पर्यावरण जो प्रताप ” वास्ते फारेस्ट एंड एंवोर्नमेंट खाते वटां बि अवार्ड मिलियो आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.