भाई प्रताप
TSW Citation
भाई प्रताप सिर्फ हिकु फेमस सिंधी फ्रीडम फाइटर, कामियाब बिजनेसमेन या नामवर सिंधी राजनेता न हो पर उन सां गडु हू सिंधी बोली ऐं सिंधी सभ्यता जो तारींन्दड, सिंधियत जे आलीशान विरसे जी हिफाज़त कन्दड पिण हो। भारत लड़े अचण वासिते मज़बूर सिंधियिन जे सामहूं हिक मुशकिल हुयी मुनासिब रियाइशी जगह मिलण त बी मुशकिल हुयी सिंधी बोली, सिंधी भाषा ऐं सिंधी सभ्यता। जहिं नमूने भारत सरकार सिंधी कौम खे अलग अलग, हिक बिये खां परे शहरन में वसाये पयी उन मां इन गालिह जो पूरो पूरो अंदेशो हुओ त वकतु पुजाणे सिंधी भाषा ऐं सिंधी सभ्यता खातमे जी राह ते वधन्दी। इन्हन हालतुन में भाई प्रताप हिक तारणहार तोर अगिते आयो ऐं इहो भाई प्रताप जी कोशिशिन जो नतीज़ो हुओ जो सिंधियिन खे आदिपुर गांधीधाम में रियाइश वासिते ज़मीन मिली ऐं भाई प्रताप जी दूरंदेशी सबब द सिंधु रिसेटलमेंट कॉपोरेशन लिमिटेड वज़ूद में आयो जहिं करे सिंधी समाज खे हिक जगह ते रही पहिंजी सिंधी सभ्यता बचायिण जो हिकु वझु मिलियो।
बायोग्राफी - भाई प्रताप डियलदास नानवानी
फेमस सिंधी फ्रीडम फाइटर – कामियाब बिजनेसमेन – सिंधी बोली ऐं सिंधी सभ्यता जो तारणहार
असां सिंधी तोड़े बिया हिन्दु मकर संक्रात जो डिण इन सबब मलिहाईंदा आहियूं जो सिज इन डीहं ते रासि चकर जो फेरो पूरो करे मकर रासि में दाखिल थींदो आहे। शायद त इहो अकेलो हिन्दु डिण आहे जो लगभग हर साल सागी अंग्रेजी तारीख 14 जनवरी ते मलिहायो वेन्दो आहे। मुल्क जे विरहांङें सबब बेघर दर बदर थियिल सिंधियिन खे हिक जगह खां बी जगह भटकण जे फेरे खां आज़ाद करे हिक हंद गांधीधाम आदिपुर में थायींको करण जे कम जी शुरुआत जहिं शख्स कयी हुयी उन फेमस सिंधी समाज सेवी भाई प्रताप डियलदास नानवानी जी जन्म तारीख बि 14 आहे (14 अप्रैल 1908 हैदराबाद सिंध)।
भाई प्रताप जो कुटुंब हैदराबाद जे उन्हन कुटुंबन मां हो जेको पहिंजी अमीरी सां गडु पहिंजी फ़ज़ीलत वास्ते बि मशहूर हो। भाई प्रताप बि पहिंजे वक़त में हिकु तहज़ीब वारो कामियाब बिजनेसमेन हो जेको धंधे जे असुलन जो पको हो। भाई प्रताप पंहिंजी किताब पढ़िहण जे जुनून लाय बि मशहूर हो संदस घर प्रताप महल जी लायबिररी में बेशुमार किताब हुआ। पढ़िहण जी इन आदत भाई प्रताप में उन रुख जी हलत स्व भाव में शामिल कयी जहिं सबब हू न सिर्फ सिंध मां भारत आयल सिंधियन जो मददगार बणियो पर सिंधी भाषा ऐं आलिशान सिंधी विरसे जो तारणहार बि थियो।
इहो 1947 जो वक़तु हो, अण चाहे मुल्क जे विरहांडगें सबब सिंधी पहिंजा घर छड़े भारत अचण लाय मज़बूर हुआ। भारत सरकार इन्हन लड़े आयल सिंधियिन खे अझो डियण जो कमु करे पयी। आमु तौर मुल्क जे अलग अलग शहरन में ,हिक बिये खां घणो परे, मिलेट्री जी खाली वीरान बेरिकिन खे सिंधियिन खे रहन जी जाय तौर डिनो पे वियो। इन्हन हालतुन में भाई प्रताप सिंध मां आयल सिंधियिन वास्ते हिकु सपनो डिठो जहिं मूजिब इन्हन सिंधियिन खे वरी वसायिण सां गडु वरी आबाद करण बि ज़रूरी हो। हुन हिक विचार सामहूं आन्दो त इन्हन पाड़ुन खां कटियिल सिंधियिन वास्ते ज़मीन जो को अहिडो टुकरु डिनो वञे जिते इहे सिंधी न सिर्फ रही सघन पर पाण खे पहिंजे अबाणे मुल्क सिंध जे वेझो महसूस करे सघन।
भाई प्रताप जो इहो विचार गांधीधाम -आदिपुर-कांडला बंदर जे विकास जे रूप में हकीकत बणियो। हिते सिंधियिन खे न सिर्फ अझो मिलियो पर उहो माहोल बि मिलियो जो हू पहिंजी जुगन जी तहज़ीब, सामाजिक ऐं सांस्कृतिक विरसे खे महफूज़ रखी सघन। वायुमण्डल ऐं जाग्रफीअ जे लिहाज खां बि इहो इलाको हैदराबाद ऐं कराची जहिडो आहे ऐं कांडला जे कुदरती बंदर खे कराची जहिड़े बंदर में बदिलायिण को डुखियो कमु कोन आहे। भाषा जे लिहाज खां बि कच्छ जो इहो इलाको सिंध जी वेझडायी में आहे।
पहिंजे विचार खे अमली जामो पहिरायिण वास्ते भाई प्रताप सरदार वल्लभ भाई पटेल, पंडित जवाहरलाल नेहरू ऐं आचार्य जे बी कृपलानी जहिड़न अगुवानन सां पहिंजा सियासी नाता कमु आणे खेन साणु वठी महात्मा गांधी सां मिलियो। हिन जी सलाह ते महात्मा गांधी कच्छ जे महाराज खे सिंधी कौम वास्ते ज़मीन डियण जी अपील कयी जीयं सिंधी न सिर्फ वरी वसजी सघन पर आज़ाद भारत में पहिंजो वज़ूद बि कायम रखी सघन।
कच्छ जे महाराज महात्मा गांधी जी अपील जो मानु रखन्दे ज़मीन डिनी ऐं द सिंधु रिसेटलमेंट कॉपोरेशन लिमिटेड वज़ूद में आयो जेको अजु बि इन इलाके में अखितियारी वारी हैसियत सां कमु पियो करे। 30 अगस्त 1967 उहो डींहुं साबित थियो जो मौत ज़िंदगी खां खटी वयी। लंदन में भाई प्रताप जो सुरगवासु थियो। संदस सरीर खे भारत आणे आदिपुर जे नट मंदिर कंपाउंड में अंतिम संस्कार जी रसम पूरी करण खां पोय, गाँधी समाधी जी भर में संदस समाधी अड़ी वयी।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.