बुढो अडवाणी या बूडो अडवाणी
TSW Citation
सिंधी में आम तोर चयो वेंदो आहे हाणे मां बुढो थी वयुमि सो मुखे केर ऐं छो यादि कन्दो। बॉलीवुड सिंधी संसार हिंदी फ़िल्मी दुनिया बि किन अहिडिन ई गालिहिन वासिते मशहूर आहे जेके आम जीवन में थींदियूं नज़र न थियूं अचन। केर थो सोचे सघे त हिकु सिंधी नवजवान कॉमेडियन फ़िल्मी परदे ते बुढो या बूडो अडवाणी जे नाले सां अदाकारी जे फन जो इजिहार कंदे नज़र अचे। इहो सिंधी कॉमेडियन कॅरेक्टर एक्टर हुओ दौलतराम अडवाणी। दरअसल में जवानी में ई दौलतराम जा सामहूं वारा डन्द टूटी पया सो संदस नालो बुढो पयिजी वयो। बुढे या वडी उमिर वारे खे हिंदी में बूढा चइबो आहे सो दौलतराम लगभग 44 साल हिंदी फिल्म में कमु कयो पर बुढो या बूडो अडवाणी जे नाले सां।
बुढो अडवाणी या बूडो अडवाणी - बायोग्राफी
बॉलीवुड जी इहा रिवायत रही आहे त केतिरा ई कलाकार पहिंजे असली नाले पर कहिं बिये नाले सां या त फिल्म में कमु कनि था या वधीक मशहूर थिया आहिन। दादा मुनी (अशोक कुमार) खां भाई जान (सलमान खान) अहिड़ा बेशुमार मिसाल हिंदी फ़िल्मी दुनिया में मिलन था। पर के थोरा आहिन जेके पहिंजे कंहिं सबब करे मशहूर थियल नाले खे पहिंजे फ़िल्मी नाले जे रूप में कम आणिन। हैदराबाद सिंध में जावल दौलतराम अडवाणी हिकु अहिड़ो ई कलाकार आहे। 1933 में जडहिं हिन फिल्म में कम जी शुरुआत कयी त पहिरियीं फिल्म अफ़ज़ल में डायरेक्टर मोहन भावनानी फिल्म जे कलाकारन जे नालन जी लिस्ट में हिन जो नालो दौलतराम अडवाणी तोर न पर बुढो अडवाणी तोर लिखियो हुओ। इन ते ज़ुल्म इहो थियो जो अंग्रेजी में संदस नाले जी स्पेलिंग Bhudo लिखी वयी जहिं करे संदस नालो भूडो अडवाणी बि चयो वयो।
1977 में सत्यजीत रे जी फिल्म शतरंज के खिलाड़ी में बुढो आडवाणी आखिरी भेरो फ़िल्मी परदे ते नज़र आयो। इन्हन 44 सालन जे अरसे में हुन अटकल सउ खनु फिल्म में पहिंजी अदाकारी जो ज़लवो डेखारियो। शुरुआत में हुन हिकु किरदार निभायिण वारा केतिरा ई रोल मोहन भावनानी ऐं अजंता सिनेटोन जी फिल्मस में कया पर 1940 जे आसपास हुन खुदमुखितयार कलाकार तोर कमु करण शुरू कयो। बुढो आडवाणी जे नाले ते नामवर डायरेक्टर महबूब खान जी सभनी फिल्म में कमु करण जो अनोखो रिकॉर्ड आहे। 1958 में रिलीज़ थियल सिंधी फिल्म राय डियाच में बि हुन कमु कयो हुओ।
इहा हकीकत आहे त बुढो अडवाणी खे संदस अदाकारी जी सलाहियत ऐं क़ाबिलियत मूजिब कड़िहिं बि रोल न मिलियो पर हुन बिना शिकायत कन्दे कमु कंदो रहण खे तरज़ीह डिनी। रोल जे वड़े नंढे हुजण जी जगह ते किरदार जे असर ते धियान डियण वारे हिन फनकार पहिंजे समे से सभनी मकबूल डायरेक्टर्स सां गडु कमु कयो।
ब्लैक ऐं वाइट फ़िल्मी जुग जे हिक बेहतरीन कॅरेक्टर आर्टिस्ट ऐं कॉमेडियन तोर बुढो आडवाणी खे सदायीं यादि रखियो वेन्दो। फिल्म बूट पॉलिश चाहे गानो डेविड ते फिल्मायो वयो पर बुढे आडवाणी जो स्क्रीन ते अचण सभनी जे धियान में आहे। अनमोल घड़ी, मधुमती ऐं अनोखी अदा कुझु बिये अहिडियूं कामियाब फिल्म्स आहिन जिन में संदस कम जी खूब साराह थी हुयी। 1960 हिक किसम सां हिन जे कॅरियर जी आखिर हुयी छो जो उन खां पोय हुन बचपन (1963), ख़ामोशी (1969) ऐं शतरंज के खिलाड़ी (1977) सिर्फ इन्हन ट्रिन फिल्म में कमु कयो।
17 अगस्त 1905 में जावल बुढो आडवाणी वक़त जा बदिलजंदड़ दोर ऐं फ़िल्मी दुनिया जे कमु करण जे तरीकन ते नाख़ुश हूंदे बि पहिंजे नाराजपो जो इजिहार करण खां परहेज कंदो हुओ। ज़िंदगी जे आखिरी दोर में खेसि पेसे जी तंगी बि कुझु परेशानु ज़रूर कयो। 25 जुलाई 1985 ते ज़िंदगी जा असी साल पूरा करण खां थोरा डीन्ह अगु बुढो आडवाणी गुजारे वयो।
बुढो आडवाणी फिल्मोग्राफी
बुढो आडवाणी जूं के यादगार फिल्म आहिन: बूट पॉलिश, अनमोल घड़ी, अनोखी अदा, मधुमती, श्री 420, शतरंज के खिलाड़ी
List of Decade wise release films (नाला अंग्रेजी में आहिन)
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.