बिनीता नागपाल
Introductory
कहिं हिक घणि खेतिरी घणि हुनरी शख्सियत जे परिचय जी शुरुआत लिखण सदायीं हिकु डुखियो कम साबित थींदो आहे ऐं जेकडहिं उहा शख्सियत बिनीता नागपाल जहिडी सिंधी औरत आहे त पक समझो त इन कम जो थोरो वधीक डुखियो थियण जी खातिरी आहे। बिनीता नागपाल उहा सिंधी औरत आहे जहिं साबित कयो आहे सिंधी समाज बाबत बियन समाजन जी मान्यता त सिंधी औरत जो जीवन दायरो घर जी चार भितिन जे अंदर महदूद (सीमित) आहे हिक वहम खां वधीक न आहे।
हिक देश खे बिन देशन में विरहायिजण जी सरहद जी बुनियाद पवण खां कुझु महीना अगु जन्म वठण वारी बिनीता नागपाल न सिरफ हिक कमालियत (perfectionist) पसंद शख्सियत तोर पर पहिंजे हर कम में पहिंजी समूरी सलाहियत जो उपयोग करण ऐं कामियाबी हासिल करण वासिते मशहूर आहे। टीम TSW बिनीता नागपाल जे सिंधियत जे वरसे जी महफूजी (कायम रहण) ऐं वाधारे वासिते बिना थके कोशिश कंदो रहण जे जजिबे खे सलाम कंदे फखुर सां कामियाबी जी साधना (तपस्या) करण वारी हिन सिंधी औरत जी जानकारी सभनी सां शेयर करे रही आहे।
बायोग्राफी ऐं कम - बिनीता नागपाल
28 मई 1947 ते जेकबाबाद सिंध में जन्म वठण वारी बिनीता अंञा माउ जी हंज में ई हुयी जो कुटुंब लाचार थी सिंध छडे भारत लड़े अची गुजरात जे अहमदाबाद शहर में थाईंको थियो। माता शीला देवी तोड़े पिता राम थावाणी पहिंजी हिन लाड़ली जे बालपणे जी संभाल वडी सिक ऐं हुब सां कयी ऐं स्कूली तैलीम जी शुरुआत वासिते बिनीता खे शहर जे नामवर स्कूलन मां हिक माउंट कारमेल हाय स्कूल में दाखिल कयो। पढ़ायी पूरी थियण ते बिनीता जी शादी मुंबई महाराष्ट्र जे रहवासी श्री राम नागपाल सां थी। जोड़े खे बिन पुट्रन जे रूप में ईश्वर कृपा हासिल थी। हिन वकत बयी पुट्र शादी शुदा ऐं सुख शांती भरियो जीवन गुजारे रहिया आहिन।
घणि खेतिरी सिंधी शख्सियत बिनीता राम नागपाल, हिक टेली फिल्म प्रोडयूसर ऐं डायरेक्टर हुजण सां गडु, हिक नामवर सिंधी लेखिका, हिक कामियाब समाज सेवी, हिक डांसर ऐं पहिंजन स्टेज शोज वसीले सिंधी सांस्कृतिक वरसे जो फैलाव करण वारी शख्सियत जे रुप में सुंञाती वेंदी आहे। सिंधी लाडा – शादी जी सिंधी समाज जी रिवायतुन सां जुडियल गीत संगीत खे सिंधियत जी हकीकी सुरिहां कायम रखन्दे अजु जी नवजवान सिंधी पीढ़िन जी पसन्द जे रुप में पेश करण में बिनीता खे खास महारत हासिल आहे। बिनीता नागपाल जे इन्हन सिंधियत सां जुडियल स्टेज शोज जी खासियत इहा बि आहे त हुअ मकानी सिंधी तोड़े गैर सिंधियिन खे -जेके चाहे स्टेज ते कार्यक्रम पेश करण जे फन खां अणजाण छो न हुजन – बेहद घटि वकत में सिखिया डयी कामियाब सां प्रोग्राम पेश करण जी काबिलियत रखन्दी आहे।
जेकडहिं पोयन बिन डहाकन जो विचार कजे त इलेक्ट्रॉनिक मीडिया में बिनीता नागपाल हिक कामियाब ऐं नंवंन आइडियाज वारी शख्सियत आहे। दूरदर्शन ते पहिरियीं सिंधी टेली फिल्म बेगू बेरिस्टर पेश करण जो मानु हासिल बिनीता सेटेलाइट चॅनेल आस्था ते पेश कयल सिंधी प्रोग्राम मिटीअ जी महक (पंजाहु एपिसोड्स) सां बतोर प्रोडयूसर डायरेक्टर जुडियल रही आहे। जिन देशन में बिनीता पहिंजा सिंधियत सां जुडियल स्टेज शो पेश किया आहिन या जिन में संदस इलेक्ट्रॉनिक मीडिया ते पेश कयल सिंधी प्रोग्राम डिठा वया आहिन उन्हन देशन जी संख्या 130 खां बि वधीक आहे। सिंधियत जे वरसे जे फैलाव वासिते हुन बी एन फाउंडेशन बरपा करे केतिरा ई नेशनल ऐं इंटरनेशनल सेमीनार कराया आहिन। बिनीता खे मुंबई जी इलेक्ट्रिक मर्चेन्ट एसोसिएशन जी पहिरियीं औरत मेंबर थियण जो मानु पिणु हासिल आहे।
इहा सिंधी समाज जे इष्ट देवता झूलेलाल साईं जी कृपा चयिजे जो वकत जे फेरे जे डिनल हर किरदार में, चाहे उहो धीउ जो रुप हुजे, या जाल या माउ जो रुप हुजे या हिकु वापारी, समाज सेवी, सिंधियत जो शैदायी जो या वरी हाणोके समे जी जरुरत मूजिब शुरू थियण वेबीनार पेश करण जो बिनीता नागपाल न सिरफ बेहतरीन पर कामियाबी सां निभायो आहे।
सामाजिक कमन जे खेतर में बिनीता नागपाल केतिरिन ई मकानी, नेशनल ऐं इंटरनेशनल संस्थाउन सां जुडियल रही आहे जिन मां के चूंड आहिन समर्थनगर लोखंडवाला सिंधी पंचायत, सुविधा फाउंडेशन, कला विकास, फेडरेशन ऑफ़ वेस्टर्न सबर्ब पंचायत, इंटरनेशनल सहेली संस्था, महिला मंडल ऐं सिंधी वेल फेयर ऑर्गेनिजेशन दुबई। हिन वकत बिनीता नागपाल सिंधी कॉउन्सिल ऑफ़ इंडिया जे महाराष्ट्र लेडीज चैपटर जे अध्यक्ष जे रुप में कमु करे रही आहे।
बिनीता नागपाल जा लिखियल किताब
मंदी थीउ न मारवी [2 Parts]
अबाणो वरसो [2 Parts]
श्रीमद भ्गवद गीता – आधुनिक व्याख्यानु
रूबरू
Books Window
अवार्ड
1955 खां 1965 जे विच – डांस वासिते केतिरा ई अवार्ड्स
1998 – प्रोडूसर ऐं डायरेक्टर तोर ट्राफी
2001 – सुविधा गौरव अवार्ड – गोल्ड डिस्क
2002 – सुविधा लाइफ टाइम अवार्ड ऐं सिंधु रतन
2008- झूलेलाल अवार्ड
2010- सिंधी शान
2021 -2022 – महाराष्ट्र राज्य सिंधी साहित अकादमी रु.50,000 रोक
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.