चंदा माखीजा
TSW Citation
मॉडर्न सिंधी औरत – सिंधी भाषा तरजुमेकार – राज्य सभा – सिंधी युथ
चंदा माखीजा उन्हन मॉडर्न सिंधी औरत जी नुमाइन्दगी थी करे जेके अजु जे समे जी घुरिजन ऐं ज़रूरत जे रुप में हिकु प्रोफेशनल कॅरियर त चाहे थी पर पहिंजियूं रिवायती पारिवारिक जवाबदारियूं संभालीन्दे। हाणोके सिंधी युथ वांगुर पढ़ायी खे अहमियत डीन्दे चंदा माखीजा न सिर्फ आर्ट्स में ग्रेजुएट आहे पर हिक कंप्यूटर अकौन्टन्ट वासिते ज़रूरी टेली जी प्रोफेशनल जी सिखिया बि हासिल कयी आहे। चंदा माखीजा सिंधी औरत जे होसिले, हिमथ ऐं धीरज रखण जे ज़ज़्बे जो हिकु अहिड़ो मिसाल आहे जेका सिंधी युथ जो होसिलो वधाये थी। घर परिवार बारन जी ज़िमेदारी संभालीन्दे, डुखिन हालतुन खे धीरज ऐं होसिले सां मुहं डीन्दे चंदा माखीजा न सिर्फ सामाजिक कमन में सरगम रुप में शामिल आहे पर संसद सचिवालय में राज्य सभा में सिंधी भाषा तरजुमेकार (Sindhi language interpreter) तोर कमु बि करे रही आहे।
चंदा माखीजा - छतीसगढ - बाबत
सिंधी औरत जे होसिले, हिमथ ऐं हालतुन सां मुक़ाबिलो करण जो बियो नालो चंदा माखीजा न सिर्फ सिंधी औरतुन वास्ते परे सजे महिला जगत वास्ते हिकु मिसाल आहे। ताज़ो राज्य सभा [भारतीय संसद ] में सिंधी भाषा जे इंटरप्रेटर तोर मुकरर कियिल चंदा माखीजा जो जन्म , पालन पोषण ऐं पढ़ाई छतीसगढ राज्य जी राजधानी वारे शहर रायपुर में थिएल आहे। ग्रेजुएशन तायीं पढ़ायी करण खां पोय चंदा जी शादी बिलासपुर निवासी नामदेव माखीजा सां थी। जोड़े खे हिक पुट्र ऐं ट्रिन धिअरुन जे रूप में चार औलाद आहिन।
बारन जी नंढी उमिर में पती जे स्वर्गवास थियण जे दुखदायी हादसे खे बि हिन होसीलामन्द सिंधी औरत परमात्मा जे डिनिल पहिंजी हिमथ ऐं सबुर जे इम्तिहान जे मोके तोर खणी ज़िंदगी जी ज़फ़ाकशी खां मुहं न मोडियो। प्रोफेशनल आकउंटेंट तोर कम शुरू करण सां चंदा माखीजा पाण खे सामाजिक कमन में रुधियिल रखण शुरू कियो। बिलासपुर जी पूज्य सिंधी सेंट्रल पंचायत ऐं भारतीय सिंधु सभा जे छतीसगढ राज्य जे कार्यालय सां जुडियिल चंदा माखीजा जे सामाजिक कमन जो दायरो औरतुन जो सामाजिक ऐं आर्थिक रुतबो बुलंद करण ऐं बारन जी मशगूलिन जे दायिरे अंदर आहे। सिंधी भाषा जे वाधारे ऐं सिंधियत जो विरसो महफूज़ रखण वास्ते बारन खे सिंधी बोली सेखारिण, सिंधी गीत ऐं बेतु गायिण ऐं बियूं चटाभेटी जहिड़ा कार्यक्रम रखण में चंदा माखीजा अगिरी आहे।
चन्दा माखीजा - वाकफियत - सरनामो - Profile
सजो नालो: चन्दा माखीजा
जन्म तारीख: 17/05/1969
मुड़स: स्व. नामदेव माखीजा
पीउ जो नालो: स्व. श्री कन्हैयालाल देवनानी
माउ जो नालो : स्व. गोदावरी देवी
जन्म स्थान: रायपुर छतीसगढ
परिवार: 1 पुट्र 3 धीउर
पढ़ायी: B.A., Diploma in Tally and Busy.
पेशो [Occupation]: Accountant – सिंधी भाषा तरजुमेकार (Rajya Sabha)
संस्थाउन सां जुड़ाव: पूज्य सिंधी सेंट्रल पंचायत बिलासपुर छतीसगढ – भारतीय सिंधु सभा
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.