दिलीप ताहिल
Introductory
फेमस इंडियन सिंधी एक्टर – बॉलीवुड – टेलीविजन स्टार – स्टेज कलाकार
1947 जे विरहांङें सिंधी समाज खे सिंध छडे भारत लड़े अचण वासिते मज़बूर करण जे हादसे जो हिकु नतीज़ो इहो बि निकितो आहे जो हाणे जा बॉलीवुड सिंधी न सिर्फ घणि हुनरी कलाकार आहिन पर घणि भाषी पिणु आहिन। आगरा में जावल ऐं लखनउ में पलियिल दिलीप ताहिल हिकु अहिड़ो ई हिंदी फिल्म जो नामवर इंडियन एक्टर, टेलीविजन सीरियल जो स्टार, हिंदी तोड़े अंग्रेजी स्टेज जो मशहूर अदाकार आहे। 2004 में रिलीज़ थियल सिंधी फिल्म पाड़ेवारी तोड़े 2008 जी पंजाबी फिल्म सजना वे सजना में एक्टिंग करण वारन में दिलीप ताहिल जो नालो शामिल हुओ मतलब हिंदी ऐं अंग्रेजी सां गडु खेसि सिंधी ऐं पंजाबी भाषा बि अचे थी। बॉलीवुड सिंधी, इंडियन फिल्म एक्टर दिलीप ताहिल जे शख्सी जीवन तोड़े फ़िल्मी सफर जी जानकारी हेठि शेयर कजे थी।
बायोग्राफी - दिलीप ताहिल
फेमस सिंधी एक्टर – टेलीविजन जी नामवर शख्सियत
दिलीप जो जन्म आगरा जे घनशाम जेठानंद टहिलरामानी जे घर 30 अक्टूबर 1952 २ ते थियो आहे पर संदस पढ़ायी नैनीताल में थियल आहे छाकाण परिवार आगरा मां लड़े लखनउ में रहण लगो हुओ। फ़िल्मुन में कमु शुरू करण वक़त हिन पहिंजो नालो बदिलाये दिलीप ताहिल कियो। अजु दिलीप जो शुमार न सिर्फ फेमस इंडियन सिंधी एक्टर तोर पर टेलीविजन जी दुनिया जे स्टार में थिये थो। दरअसल दिलीप में एक्टिंग जी चाह संदस नैनीताल जे मशहूर शेरवुड कॉलेज जे विद्यार्थी तौर पढ़ायी कन्दे सिर्फ डहन सालन जी उमर में पैदा थी। हिउ कॉलेज तरफां डिनो वेन्दड “केंडल कप ” बेस्ट एक्टर अवार्ड ब लागीता भेरा हासिल करण में कामियाब थियो। पहिरियों भेरो नाटक “माय थ्री एंजल्स ” में जोसफ जो ऐं बियो भेरो शेक्सपिअर जे मैकबेथ नाले सां लिखियिल नाटक में मैकबेथ जो किरदार अदा करण वास्ते। स्कूल छड़िण खां अगु 1969 में हिन ट्रियों भेरो केंडल कप खटी रिकॉर्ड ठाहियो।
शेरवुड कॉलेज मां स्कूली पढ़ायी पूरी करे वधीक तैलीम वास्ते दिलीप अलीगढ मुस्लिम यूनिवर्सिटी में दाखिला वरती पर कुटुंब जे मुंबई में रहण जे फेसिले सबब हिन सेंट ज़ेवियर कॉलेज मुंबई जे विद्यार्थी तौर ग्रेजुएशन जी डिग्री हासिल कयी। इन वक़त तायीं दिलीप थिएटर सां बि जुड़ी चुको हुओ। दिलीप जी खुशनसीबी सां अलेक ऐं पर्ल पदमसी जहिडियिन नामवर शख़्सियतुन हिन खे एक्टिंग सेखारी। दिलीप जो फ़िल्मी सफर 1974 में मशहूर डायरेक्टर प्रोडयूसर श्याम बेनेगल जी फिल्म “अंकुश ” सां शुरू थियो। हिन रमेश सिप्पी जी फिल्म “शान” ऐं रिचर्ड एटनबरो जी “गांधी” में बि अदाकारी जो ज़लवो डेखारियो।
1988 में रिलीज़ फिल्म “क़यामत से क़यामत तक ” फिल्म दिलीप खे बेहद मशहूर ऐं हर दिल अज़ीज़ अदाकारन जी जमात में शामिल करे छड़ियो। इन साल में हिन मर्चेंट आइवरी जी बिन फिल्म्स “डाइवोर्स” ऐं “द परफेक्ट मर्डर ” में बि कमु कियो। 2013 में रिलीज़ फिल्म “भाग मिल्खा भाग ” में दिलीप खे जवाहरलाल नेहरू जो किरदार अदा करण जो मोको मिलियो। फ़िल्मुन में कमु कन्दे बि दिलीप नाटकन खे न विसारियो , ऐ आर रहमान थिएटर जे म्यूजिकल बॉम्बे ड्रीम्सस में हिन 500 खां बि वधीक शोज में “मदन कुमार ” जो किरदार निभायो आहे।
इन दौर में शुरू थियिल टेलीविजन सिरिअल्स जे सिलसिले में दिलीप ताहिल पहिरियों स्टार एक्टर साबित थियो। हिन संजय खान जे वड़े बजट वारे मेगा सीरियल ” द स्वोर्ड ऑफ़ टीपू सुल्तान” ऐं रमेश सिप्पी जे नवजवान पीढ़ी वास्ते ठाहियल सीरियल “बुनियाद ” में कमु करण सां गडोगडु BBC1 जे सोप ओपेरा ईस्ट एंडर्स में डान फ्रेईरा जो किरदार बि निभायो।
कुछ अरसो सिरिअल्स खां परे रहण खां पोय टेलीविजन चॅनेल स्टार प्लस जे सीरियल “सिया के राम “(2015) में दिलीप वरी नज़र आयो। सिया के राम इन हिंदी सीरियल में राजा दसरथ जो किरदार निभायीन्दड दिलीप हिकु इंटरव्यू डीन्दे चयो त सीता कमज़ोर औरत कोन हुयी। मुडुस सां वनवास में जीवन गुजारिण जो फेसिलो हुन जो पहिंजो हुओ । जे रामायण जुग में भारतीय नारी कमज़ोर कोन हुयी, पहिंजा फेसिला पाण पयी करे त अजोकी औरत कीयं कमज़ोर थी सघे थी।
दिलीप ताहिल - फिल्मोग्राफी
2020 तायीं दिलीप ताहिल 125 खां बि वधीक फ़िल्मुन में मैन विलेन या कहिं बिये किरदार जे रूप में एक्टिंग करे चुको आहे। 1980 खां 2020 तायीं हिन जी रिलीज़ थिएल फिल्म्स मां किन चूंड फिल्म्स जी लिस्ट हेठि डिनिल आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.