डॉ भरत वटवानी
Introductory
आम माणुहुन मां वड़े तबके खे कहिं नवजवान खे नाली जो गन्दो पाणी पिइन्दे डिसण हिकु भउ ऐं घृणा भरियो अहिसासु महसूस थींदो पर जडहिं डॉ भरत इहो डिठो त खेस इहो वाकियो इंसानी सेवा जे मोके जे रूप में नज़र आयो खेस हिक करिश्मे जे थियण जी शुरुआत जो अहसास थियो। डॉ भरत उन नाली जो गन्दो पाणी पियण वारे, दिमागी तवाज़ुन विञायलु नवजवान खे पाण सां गडु वठी कर्जत जे पहिंजे सेन्टर ते पहुतो। थोरे वक़त जे इलाज में ई डॉ भरत खे खबर पयी त इहो नवजवान न सिर्फ साइंस ग्रेजुएट आहे पर आंध्र प्रदेश जे हिक सुठे कुटुंब जो बि भाती आहे। डॉ भरत ऐं संदस धर्मपत्नी डॉ स्मिता हिक पासे नवजवान जो इलाज शुरू रखियो त बिये पासे उन जे कुटुंब जी गोलिहा शुरू कयी। नतीज़े तोर शफ़ा पाए इहो नवजवान पहिंजे कुटुंब सां वरी जुड़ी सघियो।
डॉ भरत वटवानी - जीवन ऐं कम बाबत
फेमस इंडियन सिंधी: डॉ भरत वटवानी: रेमन मैगसेसे अवार्ड 2018: सिंधी डॉक्टर: डॉ स्मिता वटवानी
रेमन मैगसेसे अवार्ड [एशिया को नोबेल अवार्ड लिखियो वेन्दड़] 2018 जो कर्जत मुंबई जे सिंधी डॉक्टर ऐं दिमागी बीमारिन जे इलाज में महारत रखण वारे डॉ भरत वटवानी खे मिलण भारत में सिंधी कौम जे इतिहास जो उहो लमिहो आहे जेको सुनहरी हरफ़न में लिखियो वेन्दो। डॉ भरत वटवानी जी शख्सी तोड़े संदस कमन जी वाकफयित उन वाक़िये सां करण बेहतर थींदो जहिं वाक़िये डॉ भरत ऐं संदस ज़ाल डॉ स्मिता खे सामाजिक कमन वास्ते हिमथाये न सिर्फ कर्जत – मुंबई में श्रद्धा रेहाबिलिशन फाउंडेशन बरपा करे दिमागी तोर बीमार नवजवानन जो इलाज करे उन्हन खे वापस पहिंजे कुटुंब सां जोड़िण जो कम शुरू करण में पर इहो मैगसेसे अवार्ड हासिल करण जी बि बुनियाद विधी।
17 जून 1958 ते मुंबई में जन्म वठण वारे डॉ भरत जे जीवन तोड़े कमन ते बाबा आमटे जी हयाती ऐं कमन जो वड़ो असर आहे। दिमागी बीमारिन जे इलाज में महारत रखण वारे भरत खे खबर हुयी त देश में 16 खां 30 सालन जी उमिर वारा अटकल 10 लख नवजवान स्किज़ोफेरनिआ नाले वारे दिमागी तवाज़ुन जे बिगड़जण वारी बीमार जो हर साल शिकार थियन था। न सिर्फ ऐतिरो पर देश में इन्हन वास्ते इलाज जो बि सुठो बंदोबस्त कोन्हे ऐं बीमार अणजायीअ में पहिंजे शहर खां परे हलिया था वञन से त संभाल जी अणाठ सबब पागल जी ज़िंदगी गुजारिण वास्ते मज़बूर थी वञन था। बाबा आमटे जे विचारन जे असर हेठि डॉ भरत इन्हन लाचार, दिमागी तोर बीमार ऐं पहिंजन खां परे थी पागल जी ज़िंदगी गुजारिण वारन बेबसन खे ठीक करण ऐं उन्हन खे पहिंजे विछड़ियल कुटुंब सां जोड़िण जे कम में जीवन अर्पण करण जो फेसिलो कियो। इहा बि भरत जी खुशनसीबी आहे जो संदस ज़ाल डॉ स्मिता हिन फेसिले ते राज़ी थी। इन्हन बीमारन जे इलाज वास्ते ज़ाल मुड़स पहिरियों दहिसर में सेंटर खोलिण जो विचार कियो पर मकानी माणुहुन जे ऐतिराज़ खे डिसी आख़िर इहो सेंटर मुंबई खां अटकल 100 किलोमीटर परे कर्जत में खोलियो।
2006 में इन डॉक्टर जोड़े कर्जत में न सिर्फ श्रद्धा रेहाबिलिशन फाउंडेशन नाले सां हिक NGO जी शुरुआत कयी पर पहिंजो सेंटर बि डिनो अजु इन सेंटर में हिक वक़त ते 120 बीमारन जो इलाज थी सघन्दो आहे। पोयें साल तायीं इन सेंटर मां 5489 मरीज़ शफ़ा पाए पहिंजे कुटुंब सां वरी जुड़ी चुका आहिन ऐं डॉ भरत मूजिब हिन साल अहिड़न ठीक थियण वारन बीमारन जो 485 आहे। मैगसेसे अवार्ड मिलण जी खबर मिलण खां पोय अखबरनवीसन खे मुलाकात डियण वक़त हिक गालिह चयी हुयी। जडहिं मां इहो अवार्ड मिलण जी खबर फ़ोन ते डॉ प्रकाश आमटे खे बुधायी त हुन चयो “भरत तूं इहो लहिणो ” सचु पुछो त होसिलो वधायिण वारा इहे चार लफ़ज़ मुहिंजे वास्ते हिन अवार्ड खां बि वधीक कीमती आहिन।
डॉ भरत वटवानी - शख्सी ज़िंदगी
डॉ भरत वटवानी जी शख्सी ज़िंदगी जे पहलू ते नज़र विझजे त अमिताभ बच्चन ऐं हेमा मालिनी संदस पसंदीदा अदाकार आहिन। छुटियूं गुजारिण जी संदस पसंदीदा जगह काश्मीर आहे त महाराष्ट्रियन खाधो मनपसंद खाधो आहे। डॉ भरत ऐं डॉ स्मिता केतिरन ई सालन खां न सिर्फ मिली हिकु थी कम करे रहिया आहिन पर पहिंजे कम खे लुतुफ माणिण जे वसीले जे नज़रिये सां डिसन्दा आहिन ऐं हकीकत में कम खे लुतुफ़ समझण जो इहो नज़िरयो ई कामियाबी जी बुनियाद आहे। जोड़े खे हिक धीउ ऐं हिकु पुट्र कुल ब बार आहिन।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.