डॉ दयाल आशा

फेमस सिंधी विदवान – घणि हुनरी साहित्यकार – सिंधी गायक- सामीअ जा सलोक
डॉ दयाल आशा हिकु फेमस सिंधी लेखक, गायक, कवी, संगीतकार ऐं तैलीमदान आहे। संदस वधीक साहित्यिक रचनाऊँ सिंधी भाषा में आहिन तहिं हूंदे बि हू हिन्दी साहित्य अकादमी अवार्ड हासिल करे चुको आहे।

इन मां इहा गालिह ज़ाहिर आहे त हू सिंधी भाषा खां सिवाय बियन भाषाउन जो बि सुठो जाणु आहे। घणि भाषी लेखक तौर मशहूर डॉ दयाल आशा केतिरिन तैलिमी संस्थाउन सां जुडियिल आहे। दुनिया जे अलग अलग मुलकन जूं मुख़तलिफ़ तैलिमी ऐं सामाजिक सिंधी संस्थाऊँ हिन जो सत्कार करें चुकियूं आहिन। उल्हासनगर जे श्रीमती चन्दीबाई हिमथमल मनसुखानी कॉलेज जे रिटायर्ड प्रिंसीपल डॉ दयाल आशा जो जन्म 16 दिसंबर 1936 ते सिंध जे खैरपुर जिले जे गोठ खैरपुर मेरास में श्री कोटुमल धामेजा जे पुट्र जे रुप में थियो आहे।

डॉ दयाल आशा पढ़ायी जे खेतर में हिक मखसूसी कामियाबी हासिल कयी आहे त हू पहिरियों शख्स आहे जहिं सिंधी विषय में D. Litt. कयी आहे। विरहांङें खां पोय संदस कुटुंब उल्हासनगर अची रहियो। इते ई बतौर सिंधी जे प्रोफेसर डॉ दयाल आशा सिंधी साहित्य जी सेवा वारी हयाती जी शुरुआत कयी। हुन हैदराबाद सिंध में बि Honorary Prof. Of Emeritus in Sindhi तोर कमु कयो आहे।

डॉ दयाल आशा घणि हुनरी शख्सियत जो मालिक आहे जहिं पहिंजे तैलिमी खेतर खां सिवाय बियन खेतरन में बि कमु कियो आहे। ही हिकु अहिडो फेमस सिंधी लेखक आहे जहिं जा सिंधी, हिंदी ऐं अंग्रेजी भाषा में लिखियिल 50 खां बि वधीक किताब छपिजी चुका आहिन। डॉ दयाल आशा जो हिक मशहूर किताब आहे “सेंटस ऑफ़ सिंध ” जेको ट्रिन्ही सिंधी, हिंदी ऐं अंग्रेजी भाषाउन में छपिजी चुको आहे।

सिंधी अदब जी बतोर सिंधी लेखक ऐं कवी सेवा करण सां गडु डॉ दयाल आशा पंहिंजी गायिकी जे हुनर जो इजिहार कन्दे गायक तौर बि सिंधियत जे विरसे खे कायम रखण ऐं वधायिण जे कमु में का कसर कोन छड़ी आहे। आल इंडिया रेडियो संदस जी लिखियल ऐं गायल डहन कविताउन, जिन जो संगीत बि हिन तैयार कियो आहे, चूंडियूं आहिन जेके सजे देश जे मुख़तलिफ़ रेडियो स्टेशन ते वञायूं वञन पियूं। डॉ दयाल आशा जे लिखियिल गीतन जूं अटकल वीह ऑडियो कैसेट तैयार थी चुका आहिन इन सिलसिले जी साराह जोगि आ हिन जा गायल “सामीअ जा सलोक ” ।

अदबी खेतर वांगुर सामाजिक कमन में बि डॉ दयाल आशा नामवर आहे। विद्यार्थी जीवन खां ई हिन सामाजिक कमन में बहरो वठण शुरू करे छड़ियो हो। उल्हासनगर जी नामवर सामाजिक संस्था जनता जनार्दन परिषद जेका बुढा आश्रम [Old Age Home] जी संभाल करे थी तहिंजो फाउंडर सेक्रेटरी हुअण खां सिवाय डॉ दयाल आशा सुंदर सेवक सभा ऐं सर्वानंद हॉस्पिटल उल्हासनगर सां बि बतौर जनरल सेक्रेटरी जुडियिल आहे।
डॉ दयाल आशा हेठियिन ओहदन ते पिण कमु करे चुको आहे: –
मेंबर: NCPSL (National Council for Promotion of Sindhi Language) – भारत सरकार जे HRD खाते जी सिंधी एडवायजरी कमेटी – मुंबई यूनिवर्सिटी जी अकेडेमिक कॉउन्सिल
कन्वीनर: महाराष्ट्र राज्य सरकार जे Sindhi Higher Education Board जो
प्रोग्रामर: आल इंडिया रेडियो