डॉ लाल थदानी
TSW Citation
डॉ लाल थदानी अजमेर राजस्थान जी हिक अहिड़ी सिंधी शख्सियत आहे जहिं राजस्थान जे रण पट ऐं राजपूताना सांस्कृतिक वरसे वारे माहोल खे सिंधी सभ्यता ऐं सिंधी लोक कलाउन खे अगते वधाये, राजस्थान जे रंग में रंगे, राजस्थान जो अदबी, सामाजिक ऐं सांस्कृतिक माहोल खे वधीक खुशनुमा ऐं दिलकश बणायिण में का कसर बाकी न छड़ी आहे। पेशे खां डॉक्टर हूंदे बि डॉ लाल थदानी न सिर्फ समाज सेवा या राजनीती पर सिंधी साहित्य ऐं सिंधी सभ्यता जे वरसे जे वाधारे में पहिंजी कोशिशिन वासिते हाकारो आहे। राजस्थान सरकार जे मेडिकल एंड हेल्थ खाते में जॉइंट डायरेक्टर जे ओहदे ते कम करण वारे डॉ लाल थदानी जी सामाजिक सुजागी जो इहो सबूत काफी आहे त संदस कोरोना ते गायल गीत यू टूयब ते मशहूर थी रहियो आहे। टीम TSW राजस्थान सिंधी समाज जो शान, मेडिको सोशल रिफॉर्मर, राष्ट्रीय सिंधी समाज जे राष्ट्रीय महासचिव डॉ लाल थदानी जी जानकारी तव्हां सां शेयर करे थी।
बायोग्राफी - डॉ लाल थदानी
सिंधी सभ्यता -मेडिको सोशल रिफॉर्मर – सिंधी कवी
डॉ लाल थदानी खे भारत लड़े अचण वासिते मज़बूर कयल सिंधी समाज जी बी पीढ़ी चयी सघिजे थो। संदस जनम 17 जुलाई 1961 ते अजमेर में थियल आहे। बी पीढ़ी इन लिहाज खां छो त पहिरियीं पीढ़ी त लड़े आयी हुयी न। डॉ लाल थदानी जे वड़े थियण तायीं लड़े आयल सिंधी समाज थाईंको थी चुको हुओ पर तहिं हूंदे बि गालिह ताज़ा हुजण सबब इन पीढ़ी खे इहो अहिसास ज़रूर थियो त कंहिं समाज जो पहिंजो घरु बार छडे, पहिंजी सामाजिक सांस्कृतिक पाड़ुन खां पटिजी नयीं जगह ते थाईंको थियण केतिरो न तक़लीफ़ुन भरियो ऐं दुखदायी थिए थो।
अजमेर में स्कूली पढ़ायी पूरी करण खां पोय लाल वधीक पढ़ायी वासिते डॉक्टरी जी पढ़ायी सिर्फ इन सबब चूड़ी छो जो संदस समझ मूजिब मेडिकल सेवा हिकु अहिड़ो खेतर आहे जंहिं में बियन खेतर जी भेट में समाज सेवा ऐं बियन जी मदद करण जा मोका वधीक मिलन था। पढ़ायी में होशियार हुजण सबब खेसि परिवार बि हिमथायो। 1987 में जवाहरलाल नेहरु मेडिकल कॉलेज अजमेर मां M.B.B.S. डॉ लाल थदानी सागे कॉलेज मां 1991 में M.D. पिणु कयी।
घर ऐं मायट्रन जे माहोल सबब डॉ लाल थदानी नंढी उमिर खां ई राजनीती ऐं समाज सेवा में चाहु रखन्दो आयो आहे। समाज सेवा, सिंधी भाषा ऐं सिंधी साहित्य वासिते संदस ज़ज़्बे खे – राजस्थान में अशोक गहलोत जी कांग्रेस सरकार दोरान 2002 -2003 में राजस्थान सिंधी अकादमी जे चेयरमैन जे ओहदे ते कमु करे – असिरायिते नमूने डेखारिण जो मोको मिलियो।
डॉक्टर हूंदे बि संदस दिल हिक कवी ऐं साहित्यकार जी आहे। सामाजिक विषयन ते लेख ऐं कविता लिखण संदस शौंक आहे। डॉ लाल थदानी काश में कुछ कर पाता, अल्फ़ाज़ दिल से (गजल संग्रह), गांधीधाम में सिंधियत जहिड़ा कुझु किताब लिखण खां सिवाय किन सिंधी किताबन जिन में हिकु भगवान झूलेलाल साहिब ते बि आहे जी एडिटिंग बि कयी आहे।
मकानी सतह ते केतिरिन ई सामाजिक संस्थाउन सां जुडियिल डॉ लाल थदानी राष्ट्रीय सिंधी समाज सां बि जुडियिल आहे ऐं 2020 खां वठी इन संस्था जे राष्ट्रीय महासचिव जे ओहदे ते कमु करे रहियो आहे। डॉ लाल थदानी जी शादी डॉ दीपा सां थियल आहे ऐं जोड़े खे हिकु पुट्र ऐं हिक धीउ आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.