डॉ सुरेश बबलाणी
जीवन परिचय - सिंधी साहित्यकार - राजस्थान सिंधी अकादमी
सिंधी साहित्य जे आकाश में अहिड़न रोशन सितारन जी खोटि न आहे जेके पहिंजी खुद जी रोशनी सां [निजु रचनाउन] तोड़े बियन जी रोशनी [तरजुमो करे] सां सिंधी साहित्य जे आकाश खे मन मोहीन्दड़ रंगन सां रोशन पिया कन्दा आया आहिन। हाणो के समे जो अहिड़ो हिकु रोशन सितारो, अजमेर जयपुर राजस्थान जो दुलारो ऐं सिंधी संस्थाउन जो पियारो आहे डॉ सुरेश भागचंद बबलाणी। 11 अगस्त 1962 ते अजमेर में जन्म वठण वारे सुरेश बबलाणी जो न सिर्फ बालपणो अजमेर में गुजरियो आहे पर हुन तैलीम पिणु अजमेर में ई हासिल कयी आहे।
डॉ सुरेश बबलाणी - बाबत / बायोग्राफी
पहिंजी पढ़ायी पूरी करे सुरेश राजस्थान सरकार जे PWD खाते में नोकरी शुरु कयी। सिंधी अदब जे लिहाज़ खां डिसजे त इहो उहो समो हुओ जो न सिर्फ अजमेर या जयपुर पर सजे राजस्थान में सिंधी नवजवानन खे सिंधी साहित्यकारन जहिड़ो कि हरी हिमथानी, डॉ कमला गोकलानी, झामू छुगानी, भगवान अटलानी, लछ्मण भम्भाणी जेके राजस्थान तोड़े आसपास जा रहवासी हुआ, जी रचनाउन जो इंतिज़ार रहंदो हुओ। सामाजिक कमन में चाहु रखण वारे सुरेश जो इन्हन मां हरी हिमथानी जन जे विरहांङें बाबत लेखणी में खास चाहु रहियो। हिंदी साहित्यिक पत्रिका साहित्य सुरभी जहिं में चूंड सिंधी साहित्य जो तरजुमो छिपजंदो हुओ तहिं पिण सुरेश बबलाणी साहिब जो सिंधी साहित्य पढ़ण में चाहु वधायो।
सालु 1991 सुरेश बबलाणी वास्ते बीणी ख़ुशी खणी आयो हिकु त संदस शादी कंचन सां थी मतलब पारिवारिक जीवन जी शुरुआत त बियो अजमेर में शुरु थीयिल सिन्धु समिति जे बरपा कन्दड़ महासचिव जे ओहदे ते कमु करण जो मोको मिलियो मतलब पारिवारिक जीवन सां गडोगडु सामाजिक जीवन जी बि शुरुआत थी। 1995 में हिन सिंधी नवजवान खे भारतीय शिक्षण मण्डल जो संयोजक मुकिरर कियो वियो ऐं हुन 100 खां बि वधीक तैलीमदान जोड़े न सिर्फ अभ्यासक्रम में बदिलाव वास्ते सुझाव डिना पर मण्डल जे सालाने कार्यक्रमन जी जवाबदारी बाखूबी निभायी। साल 1995 में खेस राजस्थान मंत्रालयिक कमर्चारी परिषद जो प्रांतीय अध्यक्ष चूंडियो वियो।
साल 1997 में सुरेश बबलाणी खे राजस्थान सिंधी अकादमी [कार्यकारिणी सदस्य 1997 -2000] सां जुडिजण जो मोको मिलियो त साल 1999 में सिंधु साहित्य ऐं कल्चरल सोसाइटी अजमेर जी शुरआत थी। सुरेश बबलाणी जे साहित्यिक सफर जी शुरुआत सिंधी अकादमी सां जुडिजण खां पोय ऐं हरी हिमथानी जन जी कहाणी सिंध जली हुई जे तरजुमे सां थी। सुरेश बबलाणी जे साहित्यिक जीवन ते हरी हिमथानी जन जे असर जो अंदाज़ इन गालिह मां ज़ाहिर थिये थो त तैलीमी साल 2016 -2017 में एम डी एस यूनिवर्सिटी अजमेर जहिं शोध निबंध वास्ते सुरेश बबलाणी साहिब खे पी एच डी मिली उन जो उनवान आहे हरी हिमथाणी शख्सु ऐं शख़्सियत।
1998 खां वठी साहित्य सां जुडियल डॉ सुरेश बबलाणी हिन वक़त [2020] तायीं 13 किताबन जो तरजुमो या लिप्यांतर करे चुका आहिन त संदन पहिंजा लिखियिल 9 किताब छपिजी पिणु चुका आहिन। डॉ सुरेश बबलाणी साहिब खे ऐतिहासिक लेख, सिंधी लोक कलाउन ते लिखण सां गडु हिंदी भाषा में शोध पत्र पेश करे मकानी समाज खे सिंधी भाषा साहित्य तोड़े सिंधियत जो परिचय डियण में बि खास चाहु रहियो आहे ऐं अलग अलग मोकन ते अटकल वीह भेरा अहिड़ा शोध पत्र पेश करे चुका आहिन। संदन कुछ लेख त राजस्थान जी स्कूली शिक्षा में शामिल पिण किया विया आहिन।
डॉ सुरेश बबलाणी जी साहित्य साधना जो हिकु बियो रुख आहे सिंधी भाषा में हिक अंकी नाटक लिखण ऐं पेश करण। 2000 खां 2013 तायीं संस्कार भारती चितौड़ जे प्रान्त महासचिव जी जवाबदारी संभालीन्दे हुनन अजमेर में प्रान्तीय नाटय समारोह जो आयोजन पिणु कयो हुओ।
अदबी योगदान
डॉ सुरेश बबलाणी जा किताब
पहिंजा लिखियिल
[1] मुअन जो दड़ो – [2] सिंधी लोककला – [3] सिंधु जी सूफ़ी परम्परा – [4] डाजो – कहाणी – [5] ज़्ज़बो – हिक अंकी नाटक संग्रह – [6] साओ वणु – सिंधी कहाणी संग्रह – [7] हरी हिमथाणी – शख्सु ऐं शख्सियत – [8] कथा साहित्य में आर्थिक,सामाजिक ऐं सांस्कृतिक चिटु – [9] सिंधु, सिंधी समाज ऐं साहित्य जो इतिहासु
तरजुमो ऐं लिप्यांतर कियिल किताब
[1] विभाजन की कहानियां – [2] आत्मविशवास – [3] घर – [4] सूर्योदय हुआ तो – [5] सांई हरदासराम, सांई गेलाराम का जीवन चरित्र -[6] अक्स – [7] रुप माया – [8] यादि – [9] कदीम सिंधु – [10] हेमलेट – [11] अदबी आलाप – [12] बिगिड़ियल घरु – [13] ख़ामोशी की पुकार
Books Window
Awards & Recognitions
राजस्थान सिंधी अकादमी जो अखिल भारतीय हिकु अंकी नाटक लिखण जो पुरस्कार साल 1998 -99, 1999 -2000, 2001 -2002, 2005 -06 ऐं 2011 -2012 में कुल पंज भेरा डॉ सुरेश बबलाणी हासिल कियो आहे। उत्तर प्रदेश सिंधी अकादमी, भारत विकास क्लब, सिंधी सेवा समिति ऐं बियूं केतिरियूं ई सामाजिक तोड़े साहित्यिक संस्थाउं अलग अलग मोकन ते डॉ सुरेश बबलाणी जो संदन साहित्यिक योगदान वास्ते सत्कार करे चुकियूं आहिन।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.