धीउ जो पीउ
धीउ जो पीउ
अंञा चाहे हिन वक़त तायीं सिज देवता त दर्शन कोन डिना आहिन पर नियम मूजिब निखिमिणोमल मुहिंजे सामहूं वेठो चाहिँ जो लुतफ माणे रहियो आहे ।
जिन हीउ इयें ई जो सिलसिलो वेझडायी में पढ़ण शुरू कियो आहे उन्हन जे वास्ते निखिमिणेमल जो मुख़तसर परिचय डियण ज़रूरी आहे।
निखिमिणोमल सरकारी नौकरी मां रिटायर थियल वडी पेंशन हासिल करण वारो , अलग अलग वड़न शहरन में रही धंधो करण वारन बिन कामयाब पुट्रन ऐं विदेश में डिपार्टमेंट जा मालिकाणा हक रखण वारी धीउ जो पीउ आहे। आसुदायप जी चोट चडिहियल निखिमिणेमल जी घरवारी ब साल अगु परलोक पधारे चुकी आहे सो हर विषय जी जाण जो जिज्ञासु निखिमिणोमल व्हाट्सएप्प ते मेसेज फॉरवर्ड करण जी धुन में रोज़ सुबह साण तव्हां जे दास एस पी सर जो मथो खायिण वास्ते ऐं डीन्ह जी पहिरियीं चाहिँ जी चुसकी वठण वास्ते हाज़िर रहंदो आहे।
अजु जो विषय शुरू कन्दे निखिमिणेमल चयो
डिसो न दिल्ली में केतिरी हलचल थी रही आहे ? तव्हां छा था भायो एस पी सर त छा फांसी जी सजा जो कानून ठाहिण सां नियाणिन ते थियण वारे इन ज़ुल्म जो सिलसिलो बंद थी वेन्दो ?
हमेशा वांगुर हिन भेरे बि मुहिंजे जवाब खां अगु हुन पहिंजो जवाब रुपी बियो सवाल पेश करे छड़ियो।
डिसो न चवन पिया त डेती लेती जे ज़ुल्म सां मुक़ाबिलो करण वास्ते ठाहियल नवों कानून कारायितो थींदो ? पर एस पी सर गुजिरियल केतिरन सालन में असां डिठो आहे त इन कानून औरतुन जी मदद कयी हुजे या न पर साहुरे वारन खे तंग करण में – ड्रप में रखण में इन कानून जो चंगो उपयोग थियो आहे।
मां सोचियाँ पियो त निखिमिणेमल जी कहिड़ी गालिह ते पहिंजो खियाल ज़ाहिर कियां पर उन खां अगु ई चाहिँ पी पूरी करे चुके निखिमिणेमल उथंदे चयो।
एस पी सर मां चाहियाँ थो त सुभाणे तव्हां नारी शक्तीकरण ते पहिंजा विचार बुधायो ?
त दोस्तों नारी शक्तीकरण जी गालिह करण या इन विषय खे समझण वास्ते छा इहो ज़रूरी न आहे त तव्हां हिक धीउ जा पीउ ज़रूर हुजो ?
उम्मीद त तव्हां बि इन विषय ते ज़रूर विचार कन्दा।