गीता खानवानी
TSW Citation - Introductory
फ्यूज़न कुवीन जो लक़ब हासिल अजु जी हर दिल अज़ीज सुरीले सोज भरिये आवाज़ जी मलिका सिंधी गायिका गीता खानवानी जो जन्म 05 अप्रैल 1969 ते अजमेर राजस्थान में थियल आहे। अजमेर हिकु अहिडो शहर जेको न सिरफ धार्मिक एकता पर अलग अलग सभ्यताउन जे मेल मिलाप जे फ्यूज़न वारे शहर तोर बि मशहूर आहे उन अजमेर शहर खे नियती गीता खानवानी जो जनमु असिथान बणाए संदस इन लक़ब फ्यूज़न कुवीन हासिल करण जो हिक किसम सां इशारो डिनो हुओ। इहो सचु आहे त शादी खां पोय जी पारिवारिक जिमेदारिन गीता खे पहिंजे सिंधी संगीत गायिकी जे जुनून खां परे करे छडियो पर पहिंजे जनम जे शहर अजमेर जे सभ्यताउन जे गंगा जमुना जहिड़े संगम वांगुर घणि भाषी ऐं सिंधी गीत संगीत जी हरि सिन्फ़ में दखल रखण वारी ऐं मुनासिब महसूस थियण वारी आवाज़ जी धणी गीता शादी जे पंजवीह सालन खां पोय सिंधी गीत संगीत जे शैदायिन जे दिलिन ते राजु करण वासिते मोटी आयी।
..
बायोग्राफी ऐं संगीत सफर
आम तोर अंग्रेजी अखर सेकंड इनिंग उपयोग में अचे उन हालत जो इशारो करण वासिते जहिं में इंसान उमिर जी बुजिरगी हासिल करे रवाजी जिंदगी जी तेज़ रफतार खां परे थी पुर सुकूं जिंदगी गुजारिण जी तमना रखे थो पर जडहिं इहो अखर सेकंड इनिंग जडहिं गीता खानवानी जे संदस सिंधी गीत संगीत जे सफर सां जुडियो त इन अखर जो अरथु ई बदिलिजी वयो। गीता जी सिंधी गीत संगीत जी दुनिया में सेकंड इनिंग जो मतलब जिंदगी जो आराम वारो दोर त बिलकुल न आहे पर हकीकत में नयीं शुरुआति आहे कशिश भरियल नंवंन चेलेंजज जी, हिक जदोजहद भरी ऐं झूलेलाल साईं तोड़े सिंधियत खे अर्पण कयल सुरीले संगीत सफर जी।
गीता खानवानी खे सिंधी संगीत जे संसार में गायिका जे रूप में जनम वठण वारी शख्सियत जी सुञाणप हासिल आहे छाकाण त जहिं उमिर में हिकु रवाजी बारु गालिहायिण जी फजीलत जी वाकफियत हासिल करण में मसरूफ रहे थो उन छहन सालन जी नंढी उमिर में गीता सिंधी गीत गायिण शुरु कया। इहो चवण बि गलत न थींदो त संदस स्कूली तैलीमी तोड़े संगीत सफर जी शुरुआति गडोगडु ऐं सागे वक़त थी। सिंधी गीत संगीत जो इहो सफर स्कूली तोड़े कॉलेज जी पढ़ायी जे दौरान हलन्दो रहियो पर 1987 में ओमान जे रहवासी श्री खेमचंद खानवानी सां शादी करे ओमान वञण सबब गीता जो इहो सुरन जो सफर जणु हिक किसम सां बिहजी वयो। जोड़े खे परमात्मा जी कृपा सां संतान जे रुप में हिक सुलक्षणी धीउ आहे।
पंहिजे माता पिता लक्ष्मी देवी ऐं दुलिहानोमल जी डहन संतानुन में सती संतान गीता पहिंजे स्कूली तोड़े कॉलेज जीवन सां गडु हलण वारे संगीत सफर में न सिरफ केतिरा ई इनाम हासिल कया पर संगीत जे माहिरन तोड़े आम सिंधी खे पहिंजी आवाज़ सां मोहे छडियो। गीता इन लिहाज खां खुशनसीब लेखी वेंदी आहे जो सिंधी साहित्य तोडे सिंधी गीत संगीत जी दुनिया जी मकबूल शख्सियत अजमेर रहवासी श्री ढोलण राही जन जी रहबरी खेसि हासिल थी।
इंसानी जीवन जी इहा आम चवणी आहे त इंसान पहिंजे पहिरियें पियार खे विसारे न सघन्दो आहे। आम तोर ते पहिरियों पियार चाहत जे जुनून में बदिलिजी वेन्दो आहे ऐं इहो जुनून हिक यादि बणिजी सजी उमिर इंसान सां साणु रहंदो आहे। सिंधी गीत संगीत त गीता वासिते नंढी उमिर जो जुनून हुओ सो शादी जे 25 सालन खां पोय हुअ हिकु भेरो वरी पहिंजे जुनून जे संसार में वापस मोटी। हिन भेरे इहा शुरुआत थी ओम साईं भजनन जे बिन एलबम्स 01. बाबा से दिल लगाया ऐं 02. बाबा तेरा उपकार – इहे सभु भजन ब्रहमकुमारी ईश्वरीय विशवविद्यालय माउंट आबू जे आध्यात्मिक नजरिये ते मदार रखण वारा हिंदी भाषा में गायल भजन हुआ।
चवणी आहे त बंद (Dam बांध) जी दीवार हिकु भेरो टूटी त बोडि अचण खे रोकिण नामुमकिन आहे। शादी जे 25 सालन खां पोय गायिकी जी वरी शुरुआति करण वारी गीता खानवानी बि जलदु ई ट्रेटीह सिंधी गीत समायिण वारा 01. झूलण जी धमाल 02. सुहिणी सौगात ऐं 03. नचु रे सिंधी इहे ट्रे सिंधी म्यूजिक एलबम्स पेश कया।
इन्हन ट्रिन सिंधी म्यूजिक एलबम्स जी कामियाबी खां पोय त गीता खानवानी जे संगीत सफर में मुंढी वराये पोयिते डिसण लाय जगह ई कानि बची। अजु गीता न सिर्फ सिंधी जनसंख्या वारी दुनिया जी हरि कुंड में पहिंजा सिंधी गीत संगीत जा प्रोग्राम पेश करे चुकी आहे पर संदस सठि जे आसपास सिंधी म्यूजिक एलबम्स रिलीज थी चुका आहिन (कुझु एलबम्स जा नाला हेठि शामिल कजन था )। पहिंजे इन संगीत दुनिया जे सुरीले सफर दोरान गीता खानवानी खे संगीत दुनिया जी परमानन्द पियासी, जगदीश लालवानी, रमेश नानकानी ऐं बियन सभनी मकबूल शख़्सियतुन सां गडु गायिण तोडे स्टेज प्रोग्राम पेश करण जा केतिरा ई वझ मिलिया आहिन।
इहो चाहे भगत कंवरराम साहिबन जो कलाम – नाले अलख जे हुजे या सिंधी कवाली – सारे जग जो शान सिंधी या वरी सिंधी संगीत जो सभ खां मशहूर दायरो लाडा – सिंधी संगीत ऐं गायिकी जी हर सिन्फ़ में गीता जो आवाज़ न सिरफ पूरी तरह सां ठहकन्दड आहे पर हिक किसम सां हुकूमत करण वारो बि आहे। अखरन जी कहिडे बि किसम जी बंदिश (रिथा) छो न हुजे उन खे पुर सुकूं संगीत सां सजाये पहिंजे मन मोहीन्दड आवाज में पेश करे सिंधी संगीत जे शैदायिन ते राजु करण जे फन में गीता खानवानी जो कोयी सानी कोन आहे।
आखिर में सभ खां वधीक अहमियत वारी गालिह गीता खानवानी जे लागापे में अचण वारो या उन जे प्रोग्राम में हाजिर रहण वारो हर शख्सु गीता जे निवडत भरिये ऐं सिंधियत सां सरोबर थियल हलत जे असर खां पाणु बचाये न थो सघे ऐं इहो पको रायो बणाये थो त गीता न सिरफ हिक बेहतरीन इंसान आहे पर अहिडी सिंधियाणी आहे जहिं जी दिल में झूलेलाल साहिबन जी भगिती ऐं सिंधियत जी जोति बेहद रोशन आहे।
सिंधी गीत - म्यूजिक एलबम्स (अंग्रेजी में)
(List is given in alphabetical order)
Ahiro Maryo Murus :: Alaye Je Chhame Raji Aa :: Angan Buhariyaan:: Bholenath Bhandari :: Darayah Shah :: Dil Dije Dilwaran Khe :: Gajanaj Aayo :: Hojamalo :: Ishq Alae Aahe Cha :: Kaamil Yaar Malah :: Lada DJ Mix :: Maa (Mother Son Emotional Sindhi Song) :: Maa Baniji Kabootar :: Man Mohan :: Meenhra Sawan Ja :: Muhinja Putra :: Muhinji Bedi Athai Vich :: Muhinjo Bedo Lagaye Paar :: Naale Alakh Je :: Pere Pavandi Saan :: Sai Tote Khair Kare :: Sare Jag Jo Shaan Sindhi (Qawwali) :: Shri Ganesh Aarti (Hindi) :: Sindhi Lada – Mashup DJ Mix :: Sindhi Lada Mashuup 2020 :: Sindhi Palav (Ardas/Prayer) :: Sindhi Song Pyara Muhinja Pakheeara :: Surki :: Tera Makaan Wah Wah :: Thar Mata Thar:: Tuhinje Dar Ji Maa Aahiyan Jhirki
Sindhi Music Window
.
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.