घनश्याम वासवानी
Introductory
सिंधी ग़ज़ल गायक – संगीतकार – ग़ज़ल सम्राट- क्लासिकल म्यूजिक – सिंधी गायक – सूफी गीत – सिंधी कलाम
सिंधी ग़ज़ल गायिकी खे हिक नयें ऐं उचे मुक़ाम ते पहुचायिण में जिन सिंधी गायकन ऐं संगीतकारन खे शोहरत मिली आहे तिन में शुमारियिल हिक अहमियत वारो नालो आहे घनश्याम वासवानी। इंडियन क्लासिकल म्यूजिक जे खेतर में ग़ज़ल सम्राट जो दरिजो हासिल करण वारी शख्सियत जगजीत सिंह खां ग़ज़ल गायिकी जे हुनर जी सिखिया हासिल करण वारो घनश्याम उन्हन विरलन सिंधी गायकन मां आहे जिन उची तैलीम हासिल करण खां पोय बि गायिकी ऐं संगीत खे पंहिंजो पेशो बणायो आहे।
बायोग्राफी: घनश्याम वासवानी
24 अगस्त 1954 ते मुंबई में जन्म वठण वारे घनश्याम वासवानी विज्ञान में ग्रेजुएशन [B.Sc.] करण खां सिवाय L.L.B. ऐं D.M.M. जी डिग्री बि हासिल कयी आहे पर तंहि खां पोय बि हिन बालपणे जे शौंक गायिकी खे पेशे तौर अपिनायो ऐं साबित कियो त चाहे कहिड़ो बि खेतर हुजे सिंधी नवजवान कामियाबी हासिल करण में अगिरा रहन था। बालपणे में फेमस सिंधी गायक पिता संत दास वासवानी खां गायिकी ऐं संगीत जी शुरुआती सिखिया हासिल करण जे दौरान घनश्याम खे न सिर्फ संतोष मिलन्दो हो पर सूफी गीत ऐं संगीत संदस रूह खे सुकून पहुचायिण जो ज़रियों महसूस थींदा हुआ।
शुरुआत में उस्ताद आफताब अहमद खान ऐं पंडित अजय पोहनकर खां इंडियन क्लासिकल म्यूजिक जी सिखिया हासिल करण वारे घनश्याम, डॉ सुशीला पोहनकर ऐं पंडित राजाराम शुक्ला जहिड़न नामवरन खां संगीत जी सिखिया हासिल कयी। इहो घनश्याम जे सुरीले रेशमी आवाज़ जो असर हो जो ग़ज़ल सम्राट जगजीत सिंह हिन होनहार नवजवान सिंधी गायक ऐं संगीतकार खे पंहिंजो शिष्य कबूल कियो।
अमेरिका में थियल सिंधी समेलन ऐं बियन बेशुमार मोकन ते घनश्याम वासवानी पंहिंजी बेमिसाल ऐं मन मोहीन्दड गायिकी जो मुजाहिरो करे चुको आहे। देश में केतिरा ई स्टेज शोज करण सां गडु हू दुबई, हांगकांग, ताइवान, सिंगापूर, बैंकाक, जापान, साउथ अफ्रीका जहिड़न मुलकन जा दोरा करे संगीत जा प्रोग्राम पेश करे चुको आहे।
गायिकी सां गडु घनश्याम संगीत रचना बि जारी रखी ऐं हुन वासिते इहा फ़खुर भरी कामियाबी हुयी जो संदस म्यूजिक अल्बम फॉर गेट मी नॉट जेको फेमस संगीत कंपनी टी सीरीज पेश कियो तहिं जा सभु गीत ग़ज़ल सम्राट जगजीत सिंह गाया। इहो पहिरियों मोको हो जो कहिं हिक म्यूजिक अल्बम में जगजीत सिंह कहिं हिक संगीतकार जा गीत गाया हुआ। टी वी सीरियल अभिनेत्री जो टाइटल गीत घनश्याम वासवानी जी बतौर संगीतकार पहिरीं पेशकश हुयी ऐं इन गीत जी गायिका हुयी आशा भोसले जहिड़ी नामवर शख्सियत। हीउ घनश्याम जी कामियाबी जो दौर हो ऐं टी वी सीरिअल्स जे प्रोडयूसर जो हू चहेतो फनकार हो। इन दौर में जाने कहाँ गए वो लोग, रामायण, मनोरंजन ऐं सरकस जहिड़न कुछ सीरिअल्स में हुन बतौर प्ले बैक सिंगर तौर पंहिंजी सुरीली आवाज़ जे जादू जो ज़लवो डेखारियो।
टेलीविजन ते महफ़िल, आरोही, सुगम संगीत, मधुरिमा, शाम -ए -गजल ऐं गजल के साये जहिड़ा केतिरा प्रोग्राम पेश करण वारे घनश्याम वासवानी सातवां आसमान, अंकुश ऐं कालका जहिड़न हिंदी फिल्म्स ऐं हलु त भजी हलूं, केर कंहिजो ऐं अमी या यमी जहिड़न सिंधी फिल्म्स में प्ले बैक सिंगिंग जो बि कमु कियो आहे। हुन जे खुद जे खियाल मूजिब सिंधी स्टेज प्रोग्राम वधीक पुर सुकून आहिन छो जो हिते आम माणुहुन सां सिधो लागापो अचे थो।
आकाशवाणी ऐं दूरदर्शन जो मकबूल कामियाब ऐं पसंदीदा फनकार घनश्याम वासवानी ग़ज़ल, भजन ऐं सिंधी संगीत जा केतिरा प्रोग्राम कामियाबी सां पेश करे चुको आहे। सिंधी स्टेज जे सिंध मुहिंजी अमा, अमा जो पींघो ऐं असीं बि कुछ आहियूं जहिड़न लोकप्रिय ऐं मशहूर सिंधी बैलेट्स सां जुडियल घनश्याम वासवानी भागन वारो आहे जो नामवर प्ले बैक सिंगर मिनाक्षी संदस जीवन साथी आहे ऐं स्टेज शोज में खेस साथ डिये पयी। संदन धीउ शिल्पा हिक होनहार गायिका त पुट्र गौरव म्यूजिक अरेंजर ऐं की बोर्ड प्लेयर तोर नामवर आहे।
घनश्याम वासवानी: अवार्ड्स
देश विदेश जूं केतिरियूं सिंधी पंचायतूं, सामाजिक संस्थाउं ऐं सिंधी एसोसिएशन घनश्याम वासवानी जे फन जी क़दरसानी कंदे संदस सत्कार करे चुकियूं आहिन। खेस मिलियल कुछ खास अवार्ड्स आहिन: –
1993 में जयपुर जस्टिस इन्दरसेन इसरानी जे हथां गोल्ड मेडल
1995 में मुंबई में पंडित प्रकाश भरद्वाज़ जे हथां ट्रॉफी
1999 में मशहूर सिंधी पत्रिका मुरक तरफां भगवन्ती नावांणी ट्रॉफी
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.