गुजरात सिंधी जनसंख्या

जे असां गुजरात में रहन्दड सिंधी परिवारन जी गणप कयूं त अंग जो बिन लखन तायीं पहुचण नामुमकिन महसूस थिये थो पर गुजरात उहो राज्य आहे जिते लड़े अचण वास्ते मज़बूर कियिल सिंधी कौम जे वास्ते कच्छ में खास शहर आदिपुर – गांधीधाम वसायो वियो आहे। गुजरात जे हर नंढे वड़े गोठ में पिणु सिंधी रहन पिया सो कुदरती तोर गुजरात जी सिंधी जनसंख्या बाबत गलत फहमी पैदा थियण वडी गालिह न आहे। असां खे मिलियल जानकारी मूजिब गुजरात में अटकल हिकु लख पंजासी  हज़ार सिंधी परिवार रहन था मतलब गुजरात जी सिंधी जनसंख्या बरिहां लखन जे अंदर आहे।
गुजरात शहरन जी लिस्ट अंग्रेजी में अल्फाबेटिकल नमूने हेठ डिनिल आहे। शहर / गोठ जे नाले सां गडु सिंधी जनसंख्या जो अंगु पिणु लिखियो वयो आहे। गुजरात में घणी सिंधी जनसंख्या वारन शहरन मां अहमदाबाद जी सिंधी जनसंख्या सवा ट्रिन लखन जे आसपास, आदिपुर गांधीधाम जी बिन लखन जे आसपास त सूरत ऐं वडोदरा जी सवा लख खां वधीक आहिन। बाकी शहरन में कुझु जी सिंधी आदमशुमारी डहन हज़ारन खां वधीक वधीक आहे त वधीक शहर /गोठ अहिड़ा आहिन जिते हज़ार ब सिंधी रहन था। उन्हन शहरन गोठन जो तादाद बि काफी वडो आहे जिन जी सिंधी जनसंख्या ट्रे चार सउ बि कोन आहे। कुल मिलाये इहो चयी सघिजे थो त गुजरात जी कुल सिंधी जनसंख्या जे 75 %खां बि वधीक सिंधी सिर्फ पंजन शहरन आदिपुर – गांधीधाम – अहमदाबाद – सूरत ऐं वडोदरा (बड़ोदा) में रहन्दा आहिन।
असां इन गालिह खां बेखबर न आहियूं त गुजरात जे काफी शहरन / गोठन जा नाला असां जी लिस्ट में शामिल न आहिन। उमीद कजे थी तव्हां जो सहयोग इन लिस्ट खे मुकमिल करण वासिते ज़रूर ज़रूर मिलन्दो।
सिंधियत सुहिणी रहे
एस पी सर (मंघिरमलानी) कोल्हापुर