हशु आडवाणी
TSW Citation
फेमस सिंधी तैलीमदान – विवेकानंद एजुकेशन सोसाइटी – चेम्बूर वेल फेयर सोसाइटी
हशु आडवाणी हिक अहिडी सिंधी शख्सियत जहिंजो नालो शामिल किये बिना भारत जे सिंधी अगुवानन जी लिस्ट जो मुकमिल थियण नामुमकिन आहे। पहिंजे शख्सी फायदे खे कुरबानि करे सामाजिक सेवा करण जो जज़्बो रखण वारी सिंधी शख्सियत मतलब हशु आडवाणी। आज़ाद भारत में जे धंधे जी बेमिसाल कामियाबी ऐं सिंधी सागी मायना वारा लफ्ज़ लेखिया वञन था त समाज वास्ते कारायितूं संस्थाउन जहिडो त स्कूल, कॉलेज ऐं एजुकेशन सोसाइटी वगैरह न सिर्फ सिंधियिन जे वज़ूद पर उन शहर में सिंधी आदमशुमारी जी जाण हासिल करण जो वसीलो बणिजी पयूं आहिन ऐं इहा शुरुआत कयी मकबूल सिंधी राजनेता ऐं तैलीमदान सुरगुवासी हशु आडवाणी। टीम TSW पारां हिन आला दरिजे जे सिंधी समाज सेवी, राजनेता हशु आडवाणी जी बायोग्राफी जी हीउ शुरुआत लिखंदे मां पाण खे खुशनसीब महसूस कयां थो।
बायोग्राफी - हशु आडवाणी
22 फरवरी 1926 ते हैदराबाद सिंध में जन्म वरतल हशु आडवाणी पहिंजी आर्ट्स, कॉमर्स ऐं लॉ जे ग्रेजुएशन जी पढ़ायी मुंबई यूनिवर्सिटी मां हासिल कयी छो जो विरहांङें खां पोय संदस कुटुंब भारत अची मुंबई जी चेम्बूर ऐराजीअ में रहण लगो हो। चेम्बूर उहा जगह आहे जिते खिल मुख चेहरे वारो ऐं सामाजिक कमन वासिते हमेशा तैयार हशु आडवाणी हिकु हर दिल अज़ीज़ ऐं मशहूर सिंधी शख्सियत आहे। फेमस सिंधी सियासतदान , नामवर सिंधी समाज सेवी, कामियाब सिंधी तैलीमदान ऐं कर्म योगी जो लकब हासिल कयल हशु आडवाणी जी बायोग्राफी द सिंधु वर्ल्ड जे बायोग्राफी सेक्शन में सिंधु रतन तोर शामिल कन्दे असां फ़खुर था महसूस कयूं।
भारत में आदमशुमारी जे लिहाज खां सिंधियिन जो टिड़ियल पखरियिल वज़ूद सिंधियिन जे सामाजिक वाधारे तोड़े सिंधियत जे विरसे खे महफूज़ रखण में हिक रुकावट साबित पियो थिये। इन घटितायी जो असर घटायिण जी मुराद सां हशु आडवाणी सियासत में अचण जो फेसिलो कयो। 1960 खां शुरू करे वेन्दे पहिंजी बेवक्ती मौत तायीं लगभग ट्रीहन सालन तायीं हशु आडवाणी जो शुमार न सिर्फ मुंबई पर मुल्क जे फेमस ऐं कामियाब सिंधी सियासतदानन में थींदो हो। इन सियासी सफर में हशु आडवाणी बॉम्बे म्युन्सिपल कॉपोरेशन जूं चूंडियूं ब भेरा खटी चेम्बूर जे नुमाईंदे तोर कमु कयो।
हशु आडवाणी खे पंज भेरा महाराष्ट्र लेजिस्लेटिव असेम्ब्ली जो मेंबर थियण में बि कामियाबी मिली। 1978 खां 1980 तायीं हशु आडवाणी महाराष्ट्र राज्य सरकार में अर्बन डेवलपमेंट खाते जो राज्य मंत्री हो त 1955 खां ता हयाती बतौर मिनिस्टर फॉर फाइनेंस ऐं प्लानिंग महाराष्ट्र राज्य सरकार जो हिसो हो।
कहिं बि लेखक लाय इहो को सवलो कमु कोन्हे जो हशु आडवाणी जहिड़े सचे मानवतावादी, सामाजिक वाधारे जी तमन्ना ऐं कमु करण जी तयारी रखन्दड शख्स जी बायोग्राफी लिखण वास्ते मुनासिब ऐं ठहकन्दड लफ्ज़ गोलिहे सघे जेके हशु आडवाणी जी शख्सियत संदस कयल कमन जो पूरो पूरो जो बियानु करे सघन।
हशु आडवाणी जे लागीतो कियिल सामाजिक कमन जे सिलसिले खे धियान में रखन्दे हिन खे कर्म योगी जे लकब सां नवाज़ियो वयो आहे। हशु आडवाणी पाण को कहिं अमीर कुटुंब जी भाती कोन हो पर हिन भारत तोड़े इंग्लैंड, फ्रांस, स्पेन, नाइजीरिया, USA, हांगकांग , सिंगापूर, मलेशिया, इंडोनेशिया ऐं वेस्ट इंडीज जहिड़न मुल्क में पहिंजन दोरे जे दौरान ऐतिरा पैसा बतौर डोनेशन कठा किया जिन सां विवेकानंद एजुकेशन सोसाइटी नंढन बारन वास्ते हिकु डे केयर सेंटर, ट्रिन प्राइमरी ऐं प्री प्राइमरी स्कूल (हिंदी, मराठी ऐं अंग्रेजी मीडियम ) ट्रिन सेकंडरी स्कूल, बिन जूनियर कॉलेज , आर्ट्स, कॉमर्स ऐं साइंस जो हिकु डिग्री कॉलेज, डिप्लोमा ऐं सर्टिफिकेट कोर्स वास्ते बिन पॉलिटेक्निक कॉलेज, हिकु इंजीनियरिंग कॉलेज, हिक मैनेजमेंट कॉलेज ऐं विवेकिनी सांस्कृतिक निकेतन जो खरचु करे सघे।
हशु आडवाणी चेम्बूर वेल फेयर सोसाइटी बि बरपा कयी आहे जेका चेम्बूर मुंबई जी झुगी झोपडी वारे इलाके में मराठी मीडियम जो सेकंडरी स्कूल, कम्युनिटी सेंटर ऐं सिलाई किलास हलाये थी। चेम्बूर युवक मंडल हशु आडवाणी जी बरपा कियिल हिक बी संस्था आहे जेका Hearing Handicapped बारन वास्ते स्कूल हलाये पयी। आर एस टहिलानी माध्यमिक विद्यालय [मराठी माधियम], श्रीमती विद्यावती जोगीलाल पोतदार टेक्नीकल इंस्टिट्यूट ऐं कुझु बिये संस्थाऊँ हशु आडवाणी जी सलाह ऐं हिमथ अफ़ज़ाई सबब वज़ूद में आयूं आहिन।
हशु आडवाणी जे कियिल सामाजिक ऐं खास करे तैलिमी खेतर में कियिल कमन जी संभाल ऐं उन्हन कमन खे अगते वधायिण जे मकसद सां हशु आडवाणी एजुकेशन अकादमी बरपा कयी वयी। 22 जुलाई 1995 ते फेमस सिंधी तैलीमदान, सिंधी राजनेता ऐं नामवर समाज सेवी हशु आडवाणी जो सुरगवासु थियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.