हितेन तेजवानी
Introductory
फेमस सिंधी मॉडल एक्टर – क्यूंकि सास भी कभी बहू थी – टेलीविजन सीरियल
इन गालिह खे को घणो अरसो कोन थियो आहे जो असां जे मुल्क जूं टेलीविजन सिरिअल्स जूं शौकीन जायफुं न सिर्फ पाण में विराणी कुटुंब जूं गालिहियूं कन्दुयूं हुयूं पर वडी बेसबरी सां क्यूंकि सास भी कभी बहू थी जे टेलीविजन ते अचण जो इन्तिज़ार बि कन्दुयूं हुयूं छो जो हर का चाह रखन्दी हुयी त खबर पवे त अगते छा थियो। 03 जुलाई 2000 ते शुरू थियिल इन टेलीविजन सीरियल जे माणुहुन खे पसंद अचण जो अंदाज़ इन गालिह मां लगे थो त इहो सीरियल हिंदुस्तानी टेलीविजन सिरिअल्स जे इतिहास में सभ खां वधीक अरसे लगभग 2000 एपिसोड्स [मुहिंजी जाण मूजिब 1833 ] तायीं टेलीकॉस्ट थियिल सीरियल साबित थियो। भारत सरकार में हिन वक़त [2015] एच आर डी मिनिस्टर जे ओहदे ते कमु कन्दड स्मृती ईरानीअ क्यूंकि सास भी कभी बहू थी में सभ खां अहमियत वारो तुलसी विराणी जो मतलब नूहं जो रोल कियो हो।
बायोग्राफी - हितेन तेजवानी
भारतीय टेलीविजन इतिहास जे इन ज़बरदस्त कामियाब सीरियल में काफी अहमियत वारो करन विराणी [मिहिर विराणी जो पुट्र] जो रोल नवजवान पर फेमस सिंधी मॉडल एक्टर हितेन तेजवानी कियो हो। हितेन जो जन्म मुंबई जे उप नगर गोरेगाव में आशा ऐं भोजराज जेठानंद तेजवानी जे घर 05 मार्च 1974 ते थियो हो।
हितेन जी पढ़ायी सेंट फ्रांसिस हाय स्कूल ऐं जय हिन्द कॉलेज में थी। पढ़ायी पूरी थियण खां पोय पिता भोजराज जिन जो कपड़े जो धंधो हो से चाहिन पिया त हितेन धंधे खे अगते वधाये पर हितेन जो सपनो हो बॉलीवुड मतलब फिल्म ऐं टेलीविजन जी में को मुक़ाम हासिल करण सो हू बुनियादी गालिहियूं सिखण जी मुराद सां अंकुर थिएटर ग्रुप सां जुडियो।
टेलीविजन सीरियल में कामियाब थियण खां अगु हितेन केतिरिन कमर्शियल [जाहिरात] में मॉडल एक्टर तौर कमु कियो हो जिनमे मुख्य हुआ क्लोजअप, TVS स्कूटी ऐं ब्रीज साबुण। सोनी टीवी ते डेखारियिल “घर एक मंदिर ” पहिरियों सीरियल हो जहिं में हितेन कमु कियो हो। एकता कपूर ऐं शोभा कपूर जे मशहूर बालाजी टेली फिल्म्स सां जुड़िजण खां पोय हितेन तेजवानी खे वधीक कामियाबी मिली।
बालाजी टेली फिल्म्स जे सीरियल “कुटुंब” में हिन जे कम जी सभनी साराह कयी। इन सीरियल जी शूटिंग जे वक़त सीरियल में कमु कन्दड गौरी पटवर्धन ऐं हितेन में प्यार थी वियो। उन्हन 29 अप्रैल 2004 ते शादी कयी। 2009 में खेन जुड़वा बार धीउ कात्या ऐं पुट्र नेवान जावा। हालांकि इहो चयो वेन्दो आहे त हितेन इन खां अगु बि घर वारन जी मरज़ी सां शादी कयी हुयी पर सिर्फ 11 महीनन में ई तलाक बि थी वियो हुयुस।
टेलीविजन सिरिअल्स खां सिवाय हितेन कृष्णा कॉटेज ऐं जॉगर्स पार्क जहिडिन किन फ़िल्मुन में बि बतौर एक्टर कमु कियो आहे पर संदस का बि फिल्म कमायी जे लिहाज खां कामियाब कोन थी आहे। बिये पासे टेलीविजन सिरिअल्स जी दुनिया में हितेन हिकु स्टार आहे सो हिन फ़िल्मुन जी जगह ते सिरिअल्स खे वधीक अहमियत डियण जो फैसलो कियो।2005 ऐं 2010 में ब भेरा इंडियन टेलीविजन अकेडमी अवार्ड सां नवाज़िण खां सिवाय हितेन बिया केतिरा अवार्ड्स हासिल करे चुको आहे।
एक्टिंग ऐं मॉडलिंग मां सुठी कमायी हूंदे बि हितेन Barcode O53 नाले सां रेस्टॉरेन्ट खोलियो आहे। हिन वक़त हितेन ऐंड टी वी जे सीरियल “गंगा” में कमु करे रहियो आहे किन अखबारी खबरुन मूजिब हितेन फिल्म तेरे आने से जी शूटिंग करे रहियो आहे जेका शायद त 2016 में रिलीज़ थींदी।
हितेन तेजवानी - अवार्ड्स
हितेन तेजवानी खे मिलियिल अवार्ड्स जी लिस्ट हेठि डिजे थी।
2010: इंडिया ने बना दी जोड़ी अयं इंडियन टेलीविजन अकादमी (ITA) अवार्ड
2008: द गिलोबल इंडियन टी वी ऑनर
2005: इंडियन टेलीविजन अकादमी (ITA) अवार्ड
2004: स्टार परीवार अवार्ड अयं इंडियन टेलीविजन अकादमी (ITA) अवार्ड
हितेन तेजवानी - सिरिअल्स ऐं फिल्म्स
हितेन तेजवानी सिर्फ पंजन फिल्म्स Joggers Park, Krishna Cottage, Anwar, Entertainment and Thoda Lutf Thoda Ishq में कमु कियो आहे।
हितेन तेजवानी जे सिरिअल्स जी लिस्ट
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.