ईश्वरदास रोहाणी
Introductory
चाहे उहो ईश्वरदास रोहाणी हुजे या हाणे संदस पुट्र अशोक रोहाणी या वरी इंदौर जो एम पी शंकर लालवाणी, चाहे असां इन्हन खे सिंधी राजनेता छो न चवउँ, पर हकीकत में इहे सिंधी कौम जे सियासी बाग़ में विरले ऐं सालन खां पोय अचण वारी बहार जी मुंद जा विरला टिड़ियल गुल आहिन। आम माणुहुअ जे अखरन में चवां त राजनेताउन जे अकाल वारी सिंधी कौम जा इहे अहिड़ा सियासी अगुवान आहिन जेके शायद सिंधी कौम खे भारत में हिक सियासी ताकत बणाए सघन था। हकीकत में ईश्वरदास जहिड़ा विरला सिंधी राजनेता ई विधान सभा जे स्पीकर जहिड़े आला ओहदे ते पहुची सघन था। ईश्वरदास रोहाणी साहिब जी कामियाबी इन लिहाज खां बि अहमियत वारी आहे जो हिक आम सिंधी वापारी जो सियासत में अचण, शहर जी नगरपालिका खां शुरू करे विधान सभा जे स्पीकर तायीं पहुचण का सवली गालिह त कोन आहे। रोहणी साहिब जे इन सियासी सफर जी जानकारी हेठि डिजे थी।
..
बायोग्राफी - ईश्वरदास रोहाणी
फेमस सिंधी सियासतदान – सिंधी विधान सभा अध्यक्ष – मध्यप्रदेश – जबलपुर
सियारे जी मुंद जो उहो हिकु जोश, उत्साह ऐं कामियाबी जी गर्मीअ सां भरियल डींहुं हो जो मध्य प्रदेश खास करे जबलपुर जा सिंधी पाण ते फ़खुर कन पिया। इहो डींहुं [16 दिसंबर 2003 ] हो जहिं डीहं फेमस सिंधी राजनेता श्री ईश्वरदास रोहणी मध्य प्रदेश विधान सभा जे स्पीकर [अध्यक्ष] जे ओहदे ते कमु करण जो कसम खन्यो। हकीकत में डिसजे त सियासत खां परे रहन्दी आयी सिंधी कौम – जहिं में कहिं विरले खे सियासतदान जो लक़ब मिले थो पर आम तौर उन सियासतदान जा कम संदस कॉलोनी या शहर तायीं महदूद रहन था – वास्ते इहा हिक वडी कामियाबी हुयी सिर्फ इन वासिते न त को सिंधी पहिरियों भेरो अहिड़े ऊँचे ओहदे ते पहुतो आहे पर इन खियाल खां बि त रोहणी जी इहा कामियाबी केतिरन नवजवान सिंधियिन खे सियासत में अचण वास्ते हिमथाईन्दी। ईश्वरदास वासिते बि इहा कामियाबी मुमकिन थी सघी छो जो हू सिंधी कौम जी आम रिवायत जे बरख़िलाफ़ वधीक पढयिल लिखियिल हो। संदस दिल में सियासी तोर पुठिते पियल सिंधी कौम लाय कुछ करण जो जजिबो हो।
सजी दुनिया में मशहूर भेड़ाघाट वाटर फाल्स खां सिवाय जबलपुर सरज़मी खे आज़ाद भारत जी पहिरियीं सिंधी पीढ़ीअ जो विरलों सिंधी सियासतदान डियण जो जसु मिलियो। ईश्वरदास रोहाणी कॉमर्स ऐं लॉ ग्रेजुएट प्रिटिंग जो धंधो कन्दड ऐं नामवर सिंधी समाज सेवियिन में शुमारियिल शख्स आहे।
ईश्वरदास रोहाणी - राजनैतिक जीवन
30 जून 1946 ते कराची सिंध में जावल ईश्वरदास जे सियासी जीवन जी शुरुआत 1965 में संदस भारतीय जनता पार्टी में शामिल थियण सां थी। इहो संदस सियाणप, समाज वास्ते कम करण जी चाह ऐं सियासी समझ जो सबूत आहे जो पार्टी जे मकानी लीडर्स में शामिल थियण में हिन खे को खास वकतु कोन लगो।
1973 में ईश्वरदास पहिरियों भेरो जबलपुर शहर जी चूंडिन में बहरो वरतो ऐं कामियाबी भी हासिल कयी। मुल्क में जडहिं इमरजेंसी लागू थी त हू पहिरियों शख्स हो जहिं 14 नवंबर 1975 ते जबलपुर शहर ऐं मध्य प्रदेश राज्य मां इमरजेंसी जे बरख़िलाफ़ आवाज़ बुलंद कियो नतीज़े तौर ईश्वरदास खे गिरफ़्तार कयो वयो। खेस 19 महीना जेल में गुजारिणा पया।
इमरजेंसी खां पोय बि हू बीजेपी सां जुडियिल रहियो ऐं डिस्ट्रिक्ट सेक्रेटरी, डिस्ट्रिक्ट प्रेसीडेंट तौर कमु कन्दे कन्दे पार्टी जे स्टेट पोलिटिकल इंचार्ज जे ओहदे ते पहुतो। 1993 में ईश्वरदास चूंडियूं खटी पहिरियों भेरो बतौर MLA जबलपुर विधान सभा जो मेंबर बणियों। बीजेपी पार्टीअ बि हिन जे कमन जो खियाल कन्दे खेस विधान सभा में पार्टी कन्वीनर जो ओहदो डिनो।
हिन जी सियासी समझ ऐं मुनासिब वक़त जे सवाल पुछण जी क़ाबिलियत खेस विधान सभा में मशहूर ऐं हर दिल अज़ीज़ थियण में मदद कयी। ईश्वरदास जी इन सलाहियत न सिर्फ पहिंजी पार्टी पर मुख़ालफ़त जी धुर कांग्रेस जे मेंबर्स खे मुतासिर कियो। 1998 में जबलपुर मां हिन बियो भेरो विधान सभा चूंडियूं खटियूं हिन भेरे खेस विधान सभा जे डेप्युटी स्पीकर जी चूंडिन में बि कामियाबी मिली। हू इन ओहदे ते 11 फरवरी 1999 खां 05 दिसंबर 2003 तायीं रहियो।
2003 में ईश्वरदास जबलपुर मां खटण जी हैट्रिक पूरी कयी ऐं विधान सभा जे अध्यक्ष [स्पीकर] जो ओहदो हासिल कियो [16 दिसंबर 2003 खां 04 जनवरी 2009 तायीं] विच में राज्य जी विधान सभा जूं हर पंजे साल थींदड चूंडिन सबब सिर्फ बिन डींहन जी विछोटी खां पोय 07 जनवरी 2009 ते ईश्वरदास वरी विधान सभा जो स्पीकर बणियो ऐं पहिंजे आखरी साह खणण तायीं ओहदे ते रहियो। 05 नवंबर 2013 ते जबलपुर में हार्ट अटैक सबब ईश्वरदास रोहणी जो स्वर्गवास थियो।
लेखक मतलब मुखे हिन विरले पर कामियाब ऐं फेमस सिंधी सियासतदान सां खंडवा में हिक धार्मिक कार्यक्रम में मिलण जो मोको मिलियो हो। मुहिंजे लाय त इहा अज़ब जी गालिह हुयी त ईश्वरदास बतौर विधान सभा स्पीकर यू के, फ्रांस, जर्मनी, इटली, ऑस्ट्रेलिया, न्यूज़ीलैंड, सिंगापूर, पाकिस्तान ऐं बियन केतिरन मुलकन जा दौरा किया पर हर मुल्क में हिन जो ध्यान उतां जे मकानी सतह ते हलन्दड सामाजिक कमन ते रहियो जियँ हू पहिंजे राज्य मध्यप्रदेश जे गरीबन ऐं पुठते पियिलन जी मदद जो को नवों तरीको सिखी सघे। हू जहिं बि मुल्क जे दौरे ते वियो उते हुन वक़तु कढ़ी उन मुल्क में रहन्दड सिंधियिन सां मुलाकात ज़रूर कयी।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.