जयरामदास दौलतराम
TSW Citation
21 जुलाई १८९१ ते जावल जयरामदास दौलतराम आलमचंदानी अहिड़ो विरलो सिंधी राजनेता हुओ जहिं ईमानदारी ते महात्मा गांधी बि मोहित थी वयो हुओ। आज़ादी खां पोय दादा जयरामदास दौलतराम बिहार तोड़े आसाम जे गवर्नर जे ओहदे ते कमु कयो हुओ। 01 मार्च 1979 ते हिन बेमिसाल सिंधी शख्सियत जो सुरगवासु थियो। फ्रीडम फाइटर, कांग्रेस जे गांधीवादी सिंधी राजनेता खे टीम TSW पारां श्रध्दाजंली।
अचो त मिली करे नयीं राह गोलिहियूं
कौमी वधारे जा, नवां अध्याय जोडियूं
शख्सियत शाही,हुजे शैदाई सिंधियत जेको
जयरामदास जहिड़ो को दिलदार गोलिहियूं
बायोग्राफी - जयरामदास दौलतराम
फेमस सिंधी राजनेता – गांधीवादी सियासतदान – फ्रीडम फाइटर
जडहिं सिंध जे वधि में वधि इज़्ज़तदार टीचर, फेमस गांधीवादी सिंधी सियासतदानन जो ज़िकर थिये थो त पहिरियों नालो जेको खियाल में अचे थो सो बियो को न पर जयरामदास दौलतराम जो आहे। कराची जे आलिमचन्दानी कुटुंब वास्ते 21 जुलाई 1891 जो डींहुं खुशियिन भरियो ऐं यादगार साबित थियो जो दौलतराम जे घर पुट्र जे रूप में जयरामदास जो जन्म थियो।
शुरुआती स्कूली पढ़ायी खां शानदार ऐं रश्क जोग कामियाबी जो सिलसिलो शुरू करे, साल दर साल उन खे कायम रखन्दे जयरामदास कानून जी डिग्री ([एल एल बी) हासिल कयी। पढ़ाई पूरी करण खां पोय हिन वकालत जो कमु शुरू कियो पर जीयं त जयरामदास महात्मा गांधी जे जीवन दर्शन शास्त्र मतलब जियण जे तरीके या सवलन अखरन में चयिजे त सचाई जी राह ते हलण जे सिद्धांत सां ऐतिरो त मुतासिर हो जो वकील जे पेशे जा रिवायती तरीका बि हिन खे कमु आणिण डुखिया पिया महसूस थियन नतीज़े तौर थोरे ई वक़त खां पोय हिन वकालत करण बंद करे छड़ी।
जयरामदास दौलतराम आलमचंदानी - राजनैतिक जीवन
1915 जे आसपास जयरामदास खे महात्मा गांधी जे शख़्सी ऐं गहरे लागापे अचण जो वझु मिलियो। पहिरियीं ई मुलाकात हू महात्मा गांधी जो पको ऐं पूजा कन्दड़ शिष्य, सेवक या मज़बूती सां संदस सिद्धान्तन ते हलन्दड़ शख्स बणिजी पयो। 1919 जे इंडियन नेशनल कांग्रेस जे अमृतसर इजलास खां वठी त जयरामदास खे महात्मा गांधी जे किचन कैबिनेट जो मेंबर लेखियो वेन्दो हो। गांधी जी जो जयरामदास बाबत चवण हो
“मां हिन जहिड़े सचार इन्सान सा न मिलियो आहियां। “
जयरामदास जी सिंध जी सेवा करण जी भावना ऐं इरादे सां गडु संदस मुल्क जी आज़ादी जी दिली ख्वाईश वारे ज़ज़्बे खे धियान में रखन्दे सरोजनी नायडू हिन बाबत चयो हो “रेगिस्तान में डियो ” (Lamp in the Desert). जयरामदास, एनी बेसंट ऐं मुहमद अली जिन्ना जी शुरू कियिल होम रूल मूवमेंट सां बि जुडियो। इहा हिन जी लगन हुयी जो हू केतिरिन ई हज़ार माणुहुन जी दिलिन में आज़ादी हासिल करण जी चाहत जी जोति जगायिण, जज़्बो ऐं जोश पैदा करण में कामियाब थियो।
जयरामदास महात्मा गांधी जी आज़ादी वास्ते हलायिल नॉन को ऑपरेशन मूवमेंट ऐं नॉन वायलेंस सिविल डिसोबिडेंस (1920-1922), नमक सत्यागृह (1930-1931) ऐं किविट इंडिया मूवमेंट (1942-1945) में बहरो वठन्दडन में अगिरो हो। १९३० में कराची में हिक कोर्ट जे सामहूं सरकार जी मुख़ालफ़त कन्दडन जी अगुवानी कन्दे पुलीस फायरिंग में जयरामदास ज़ख़्मी थी पयो। सिंध में कांग्रेस जो लीडर हुअण सबब अंग्रेज सरकार हिन खे गिरफतार करे जेल मोकिलियो।
कांग्रेस में रहन्दे जयरामदास केतिरन ओहदन ते कमु कियो। 1928 खां 1940 तायीं कांग्रेस वर्किंग कमेटी जो मेंबर हो त 1920 ऐं 1934 में पार्टीअ जो जनरल सेक्रेटरी। 1933 जे खां पोय हिन पाण खे कांग्रेस जे हरिजन ऐं गोठन सां लागापो रखन्दड हलचलुन में मसरूफ रखण शुरू कियो।1934 में जयरामदास खे बॉम्बे टेक्सटाइल वेज कमेटी जो चेयरमैन ऐं सेंट्रल बोर्ड ऑफ़ द विलेज इंडस्ट्री एसोसिएशन जो मेंबर मुकरर कयो वयो। 1948 में जडहिं कांस्टीटएंट असेम्ब्ली ऑफ़ इंडिया बरपा थी त जयरामदास खे बि बतौर मेंबर कमु करण जो मोको मिलियो।
मुल्क जे विरहांङें वक़त जयरामदास भारत में रहण जो फेसिलो कयो हालांकि संदस जन्म स्थान कराची पाकिस्तान में हो। 31 जनवरी 1950 में आज़ाद भारत जी जेका पहिरियीं कैबिनेट ठही जयरामदास उन में शामिल हो। तहिं खां सिवाय हिन बिहार जे पहिरियें भारतीय गवर्नर जे रूप में 1948 तायीं ऐं 1950 खां 1956 तायीं आसाम जे गवर्नर तौर बि कमु कियो। 01 मार्च 1979 ते जयरामदास जो स्वर्गवास थियो।
सिंधी कौम वासिते कयल बेशुमार कमन मां सिंधी भाषा खे भारत जे संविधान में शामिल करण जी हलचल में दादा जयरामदास जन जे योगदान खे सदियिन तायीं याद पयो कयो वेन्दो।
जयरामदास दौलतराम - मुखतलिफ ओहदा
31 जनवरी 1950 ते कसम खणिण वारे मरकज़ी सरकार जे पहिरियें कैबिनेट में जयरामदास शामिल हो ऐं हुन अलग अलग खातन जो कमु सम्भालियो।
बिहार राज्य जे पहिरियें गवर्नर तोर कमु शुरू करे 1948 तायीं उन ओहदे ते रहण
सरकार जी केतिरिन ई कमेटिन जे मेंबर तोर
1950 खां 1956 तायीं आसाम जो गवर्नर
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.