खीमन यू मुलानी
Introductory / TSW Citation
खीमन यू मुलानी मध्य प्रदेश जी उन सिंधी साहित्यकार मंडली में शामिल आहिन जेके पंहिजे योगदान सां सिंधी भाषा ऐं सिंधी साहित्य खे त मालामाल कनि था पर इहो पिणु साबित कनि था त हिन्दी भाषी प्रदेश जा रहवासी हुजण खां पोय बि मध्यप्रदेश जा सिंधी साहित्यकार सिरजन में पुठिते न आहिन। बैरागढ़ भोपाल में त अहिड़ा सिंधी साहित्यकार न सिर्फ तादाद में वधीक आहिन पर हिक किसम सां सजे प्रदेश जी अदबी हलचलुन, इजिलासन ते जाबितो बि रखन्दा आहिन। खीमन यू मुलानी जे किताबन जे ज़खीरे में तरजुमो कयल किताब काफी झझे तादाद में आहिन मतलब इन सिंधी साहित्यकार न सिर्फ पहिंजी लेखणी वसीले पर सिंधी साहित्य मकानी समाजन तायीं ऐं हिंदी साहित्य सिंधी भाषा में लिखी सिंधी साहित्य जे वाधारे में बेमिसाल योगदान डिनो आहे। अहिड़ी विरली अदबी शख्सियत जी क़दुरशिनासी कन्दे टीम TSW 2018 में सिंधी भाषा वासिते साहित्य अकादमी अवार्ड हासिल करण वारे श्री खीमन यू मुलानी जे जीवन बाबत जानकारी हिते शामिल कजे थी।
बायोग्राफी - खीमन यू मुलानी
सिंधी कवी – तरजुमेकार – एडिटर – सिंधी भाषा – साहित्य अकादमी अवार्ड 2018
उल्हासनगर खे आम तोर सिंधी समाज ऐं सिंधियत जी राजधानी जो दरिजो डिनो वेन्दो आहे पर जे गालिह सिंधी साहित्य जी कजे त भोपाल जे वेझडायी वारो बैरागढ़ पिण को खास पुठिते नज़र कोन थो अचे। इन गालिह खे साबित कियो 2018 में सिंधी साहित्य अकादमी अवार्ड सां नवाज़ियिल मकबूल सिंधी कवी खीमन यू मुलानी साहिबन, जेको 51 हों सिंधी अदीब बणिया जिन जो सत्कार इहो मान वारो अवार्ड ड़यी कयो वयो। मुलानी साहिब खे इहो अवार्ड संदस कविताउन जे किताब जीअ में टांडा वास्ते मिलियो। हकीकत में डिसजे त इहो मुलानी साहिब जे 58 साल लम्बे अदबी सफर जी कामियाबी जी मंज़िल ते पहुचण आहे। इन ओज भरिये सफर जी शुरुआत थी हुयी स्कूल में 1960 में पहिंजी पहिरियीं सिंधी कविता ज़रदार पेश करण सां। खीमन यू मुलानी जो जन्म 10 जून 1944 ते मोरो नवाबशाह [सिंध] में थियल आहे। हू पंधु बि मस पियो करे सघे जो संदस परिवार खे बियन लखें सिंधी परिवारन सां गडु भारत लड़े अचण वासिते मज़बूर थियणो पियो।
मुलानी कुटुंब भारत अची बैरागढ़ [भोपाल] मध्य प्रदेश में थाईंको थियो। उते ई खीमन यू मुलानी जी स्कूली सिखिया जी शुरुआत थी। नंढी उमिर खां ई खेस सिंधी साहित्य में खास चाहु हुओ सो मध्य प्रदेश सरकार जे PWD खाते में नौकरी कंदे हुन पहिंजे साहित्य सिरजन ते वधीक धियान डिनो। खीमन यू मुलानी साहिब कविता, नंढियूं कहाणियूं लेख लिखण वास्ते मशहूर थींदा वया। 30 जून 2004 ते हू सरकारी नौकरी मां रिटायर थिया। इन अरसे में हू न सिर्फ आल इंडिया रेडियो ऐं दूर दर्शन सां गुफ़तगूकार तोर जुडिया पर सालानो छपिजण वारी मैगज़ीन रिम झिम जा पंज साल एडिटर त मध्य प्रदेश सिंधी अकादमी जी सालानो मैगज़ीन सिंधु मशाल जे एडिटोरियल बोर्ड में शामिल रहिया।
जे असां खीमन यू मुलानी जन जी रचनाउन जो अभ्यास कयूं त इहा गालिह ज़हन में अची थी त उन्हन बारन जे वास्ते सिरजन करण ते खास धियान डिनो आहे। मुलानी साहिब जे पहिंजे लिखियिल नंवंन किताबन मां ट्रे उड़िर उड़िर रे पोपटरिया [कविता ] – हलु रे मटिका [कहाणियूं] ऐं सुहिणा गुलिरा बार [कविता] जो लागापो बारन सां रखे थो। संदन तरजुमो कियिल किताबन में पिण सूंदर फूलों से बच्चे ऐं चल रे मटके शामिल आहिन। मुखे इहो अहसास पयो थिये त शायद त मुलानी साहिब पहिंजे उन बालपणे जी खोजना पिया कनि जहिं खां हू पहिंजे बालपणे में उन समे जी हालतुन सबब महरुम रहिजी विया हुआ। सिंधी साहित्य खे खीमन साहिब जी बेमिसाल सूखड़ी आहे उन्हन जो सिंधी साहित्य जे सरताज सामी साहिब जे सिलोकन जो हिंदी में तरजुमो करे ट्रिन किताबन जे रूप में छपायिण। संदन इन कदम सां सिंधी साहित्य जी इहा बेमिसाल रचना हिंदी साहित्य जो हिसो बणिजी सभनी खे सिंधी साहित्य जे दरिजे जो अहसास कराये थी।
अदबी योगदान
पंहिंजा लिखियल किताब
सिंधी कविता : 1986 – टारिन झलिया बूर : 1995 – अंगण मथे ओपरा : 2003 – लिंव संधियूं लातियूं : 2010 – धरतीअ खां आकास तायीं : 2016 – जीअ में टांडा
सिंधी बाल साहित्य : 1989 – उड़िर उड़िर रे पोपटड़िया : 2001 – हलु रे मटका : 2005- सुहिणा गुलरा बार
कहाणियूं : 1998 – ओसीरो
तरजुमो कयल किताब
खीमन यू मुलानी लगभग पंजाहु किताब सिंधी मां हिंदी में या हिंदी मां सिंधी में तरजुमो कया आहिन इन्हन मां कुझु किताब आहिन:
1998 – पाछो 2004 – सिंध का इतिहास 2005 – सामी के श्लोक 2008 – सूंदर फूलों से बच्चे 2009 – कच्छ की यात्रा 2010- जपु ऐं धियान – 2012 – देश तो मेरा 2014- मेघदूत 2017 – लहरों की गूंज
Books Window
अवार्ड
साहित्य अकादमी अवार्ड (सिंधी भाषा): 2018
किताब जो उनवान: जीअ में टांडा
बिया अवार्ड
2018 जो सिंधी साहित्य अकादमी अवार्ड हासिल करण खां सिवाय खीमन यू मुलानी जन खे 2013 में हिंदी मां सिंधी में तरजुमो कियिल डॉ अम्बेडकर: हिक प्रेरणा दायक शख्सियत वास्ते अकादमी जो तरजुमे वारो अवार्ड बि मिली चुको आहे। 2010 में पिण खेन सिंधी साहित्य अकादमी जे बाल साहित्य पुरस्कार सां सुहिणा गुलिरा बार कविताउन जे इन किताब वास्ते नवाज़ियो वियो आहे।
Lifetime Achievement Award
Writers and Artists Welfare Foundation Mumbai (Regd.) and Madhya Pradesh Sindhu Bhawan Trust (Regd.) पारां
NCPSL, नेशनल साहित्य अकादमी, न्यू दिल्ली ऐं मध्य प्रदेश सिंधी साहित्य अकादमी तोड़े बियूं केतिरियूं अदबी ऐं सामाजिक संस्थाउं अलग अलग मोकन ऐं जलसन में खीमन यू मुलानी जो सत्कार करे चुकियूं आहिन।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.