लछ्मण भम्भाणी
Introductory
सचल, सामी ऐं शाह जी लासानी त्रिमूर्ती वांगुर, हाणोके सिंधी साहित्य जी जयपुर त्रिमूर्ती मतलब जयपुर राजस्थान जे ट्रिन सितारन सुंदर अगनानी, लछ्मण भम्भाणी ऐं वासदेव सिंधु भारती जी जयपुर त्रिमूर्ती सिंधी अदबी उफ़क़ खे बेमिसाल रोशनी सां भरे छडियो। हीउ उहे ट्रे शख़्सियतूं आहिन जिन सिंधी अदबी तहज़ीब ऐं सिंधी कौम जे विरसे जी महफ़ूज़ी ऐं वाधारे वास्ते सिंधियत हलचल शुरू कयी। इहो बि शायद संजोग आहे जो हिनन मां बिन [सुंदर ऐं लछ्मण ] जो जन्म सिंध जे नवाबशाह ज़िले में थियल आहे त ब [वासदेव ऐं लछ्मण ] सागे साल 1938 जे सागे नवंबर महीने में जावल आहिन।
बायोग्राफी: लछ्मण उधाराम भम्भाणी
सिंधी साहित्य – राजस्थान सिंधी अकादमी – सिंधी लेखक – अख़बारनवीस – जयपुर त्रिमूर्ती
राजस्थान तोड़े भारत जे हिंदी बोली गालिहायिण वारे वड़े तादाद तायीं सिंधी साहित्य पहुचायिण में लछ्मण भम्भाणी बेमिसाल योगदान डिनो आहे। 1999 खां साल में ब भेरा छपिजण वारी हिंदी साहित्यिक पत्रिका सिंधी साहित्य सुरभी सां लछ्मण भम्भाणी बतोर एडिटर जुडियिल आहे। इन पत्रिका जी खूबी आहे त चूंड सिंधी साहित्य जो हिंदी तरजुमो इनमें शाया थींदो आहे। लछ्मण किन बियन रिसालन सुहिणी, रिहाण ऐं इंद्रधनुष जे एडिटर जो कमु पिण कियो आहे।
17 नवंबर 1938 ते नवाबशाह सिंधी में जावल, जयपुर निवासी लछ्मण उधाराम भम्भाणी सरकारी नौकरी जी शुरुआत करण खां अगु स्नातक, कोविद (राष्ट्र भाषा प्रचार समिती वर्धा) ऐं साहित्य रतन (पंजाब यूनिवर्सिटी) जी पढ़ायी करे चुको हो। ट्रिन अलग अलग – सिंधी कहाणी (लेखक) , अख़बारनवीस ऐं अदाकारी (सिंधी ड्रामा ) – खेतरन में महारत रखण वारे हिन नामवर अदीब आम तोर कहाणिन ऐं मज़मून जे रूप में पाणु पधरो कयो आहे। ममता जो मौत ऐं ममी मोटी आउ जहिडिन रचनाउन वसीले हर शख्स जी दिल में मौजूद माउ लाय सिक हुब ऐं आदर जो इजिहार कियो आहे त 1964 में शाया थियिल सपना ऐं सुड़का वसीले हुन पहिंजी सृजनात्मक कल्पना शक्ती जी वाकफियत डिनी आहे। संदस बेमिसाल कामियाबी आहे जो हुन पहिंजे अंदर जे बार खे सदा जियरो रखियो आहे इन जो मिसाल आहे रोशनी जो रथ बाल कहाणिन जो मजमो जेको 1994 में उन वक़त शाया थियो जहिं समे हू सरकारी नौकरी मां रिटायर थियण जी उमिर जे वेझो पहुतल हो।
लछ्मण भम्भाणी जी हिक बी खासियत आहे त हुन पहिंजे अदाकारी ऐं स्टेज जे ज़ुनून खे लिकायिण जी कोशिश कोन कयी आहे। चाहे हिंदी नाटक छो न हुजे हुन स्टेज ते अचण जो को बि मोको हथन मां वञण न डिनो आहे। 30 सिंधी , हिंदी नाटकन में कमु करण सां गडु लछ्मण अटकल 25 रेडियो ऐं टी वी नाटक में बि अदाकारी करे चुको आहे। लछ्मण खे कमु करण जी शक्ती जो वसीह ज़खीरो चयो वेन्दो आहे। 1995 खां वठी अखिल भारत सिंधी बोली ऐं साहित्य सभा जे जनरल सेक्रेटरी जे ओहदे ते कमु कन्दो रहण इन शक्ती जो सबूत आहे। हू राजस्थान सिंधी अकादमी जे मेंबर तोर पिण कमु करे चुको आहे। 2017 जे सिंधी साहित्य अकादमी युवा पुरस्कार जी चूंड करण वारी जूरी में लछ्मणदास केसवानी ऐं नारी लछवानी सां गडु लछ्मण भम्भाणी जो नालो बि शामिल आहे।
साहित्यिक योगदान - लिखियल किताब
लछ्मण भम्भाणी जा किताब
सिंधी कहाणी संग्रह
1964 सपना ऐं सुड़का
1986 अंबोह खां बाहिर
1988 सुड़कन भरियो पलांद
1995 ममता जो मौत
2004 जहाज़ जो पंछी
सिंधी ड्रामा – नाटक
1985 ममी मोटी आउ
2000 अढायी अखर प्रेम जा
बिया किताब
1993 राग – खटराग (तंज मज़मून)
1994 रोशनी जो रथ (बाल कहाणियूं)
2004 सिंधी एकांकी (बतोर एडिटर)
Books Window
अवार्ड
राजस्थान सिंधी अकादमी लछ्मण भम्भाणी खे सामी अवार्ड सां नवाजिये संदस सिंधी अदब जे योगदान जी क़दुरशिनासी करे चुकी आहे। संदस अवार्ड हासिल किताबन में शामिल आहिन:
ममी मोटी आउ – सेंट्रल हिंदी डायरेक्टरेट भारत सरकार
रोशनी जो रथ – NCERT, भारत सरकार
राग खटराग – राजस्थान सिंधी अकादमी
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.