लिलिट दुबे - केसवानी
Introductory
लिलिट दुबे हिक अहिडी सिंधी एक्ट्रेस आहे जेका बॉलीवुड हिंदी फिल्म में बि ओतिरो मशहूर आहे जेतिरो अंग्रेजी नाटक कलाकार जे रूप में। लिलिट दुबे नालो बुधी तव्हां मां घणन खे महसूस थींदो त सिंधी वेबसाइट ते बॉलीवुड जे सिंधी कलाकारन जी बायोग्राफी जे सेक्शन सां इन जो कहिड़ो लागापो? छो जो न त नाले लिलिट मां न ई सरनेम दुबे सां लिलिट दुबे जे सिंधी हुअण जो अहसास थिये थो। हकीकत इहा आहे त लिलिट दुबे जो जन्म लीला ऐं गोबिंद केसवानी जी धीउ जे रूप में 7 सितम्बर 1953 ते पुणे महाराष्ट्र में थियल आहे। संदस नालो लिलिट दरअसल संदस माता लीला जे नाले जे फ्रेंच भाषा में बुनियाद मां निकतल आहे जहिं जो मतलब थिये नंढी लीला। संदस पिता गोबिंद केसवानी पहिंजी धीउ खे हिकु खास ऐं मॉडर्न नालो डियण पियो चाहे ऐं उन इहो नालो गोलिहे कढ़ियो। 1978 में राज दुबे सां शादी करण खां पोय संदस सरनेम केसवानी मां बदिलिजी दुबे थियो।
लिलिट दुबे बायोग्राफी
बेहद घटि फिल्मस डिसण सबब मां पाण खे बॉलीवुड हिन्दी फिलमुन जो शौकीन त न थो चयी सघां पर मुखे बागबान फिल्म जो लिलिट दुबे जो निभाईल किरदार शांती पटेल अजु बि याद आहे। इहो किरदार को खास वड़ो कोन हुओ ऐं परेश रावल [संदस मुड़स जे किरदार में ] तोड़े अमिताभ बच्चन जहिड़न स्टार कलाकारन जे हूंदे बि लिलिट दुबे पहिंजी अदाकारी जे जलवे सां इन किरदार खे यादगार बणाये छड़ियो। सागे नमूने संदस फिल्म कल हो ना हो में निभाईल किरदार जसिविंदर कपूर बि अजु तायीं फिल्म जे शौकीनन खे याद आहे। कुछ बिये फिल्मस जिन में लिलिट दुबे जो यादगार रोल हुओ से आहिन – ज़ुबैदा , मानसून वेडिंग, माय ब्रदर निखिल, देलही इन ए डे, मैरीगोल्ड होटल ऐं सोनाटा।
बॉलीवुड में लिलिट दुबे स्टेज & फिल्मस में कमु करण वारी अदाकारा तोड़े नाटकन जी हिदायतकार जे रूप में मशहूर आहे। नाटकन जी दुनिया में खेस आधे अधूरे ऐं डांस लाइक ए मैन – [सजी दुनिया में 500 खां वधीक शोज ] जहिं भारत जे सभ खां वधीक अरसे तायीं हलन्दड़ अंग्रेजी नाटक जो रिकॉर्ड बणायो- वास्ते याद कियो वेन्दो आहे। टेलीविजन जी नंढी स्क्रीन ते बि लिलिट दुबे पहिंजी अदाकारी जो ज़लवो डेखारे चुकी आहे। डर सबको लगता है ऐं इंडियन समर्स इहे संदस मशहूर ऐं कामियाब टेलीविजन सीरिअल्स आहिन। फिल्मस तोड़े नाटकन में संदस कम जी साराह सजी दुनिया पयी करे। केतिरन ई नेशनल ऐं इंटरनेशनल फिल्म फेस्टीवल्स में लिलिट दुबे खे कुछ अवार्ड पिण मिली चुका आहिन।
जेकडहिं लिलिट दुबे जे बालपणे जो धियान कजे त संदस उन समे जे जीवन जी भेट यूरोप जे जिप्सी कौम या भारत जे बंजारा समाज सां करण गलत न थींदो। पिता जी रेलवे जी नौकरी सबब ट्रांसफर पियो थींदो हुओ। लिलिट जे जन्म वठण खां पोय परिवार खे बीकानेर राजस्थान वञणो पियो पर लिलिट जी स्कूली तैलीम जी शुरुआत लखनउ जे लोरेटो कान्वेंट खां थी जलदु ई खेस पुणे जे रुस्तम बोर्डिंग स्कूल में दाखिल करायो वियो। उतां दिल्ली जे कारमेल कान्वेंट ऐं वापस पुणे जे सेंट मेरी में लिलिट जी पढ़ायी हलन्दी रही। पुणे में ई खेस पहिरियों भेरो अदाकारी जो हुनर डेखारिण जो मोको द इम्पोर्टेंस ऑफ़ बीइंग अर्नेस्ट में सेसिली जे किरदार जे रूप में मिलियो। पहिंजी अदाकारी जी हुब – शौंक खे धियान में रखी लिलिट आर्ट्स में वधीक पढ़ायी करण पे चाहीं त स्कूली तैलीम में संदस होशियारी खे धियान में रखी माउ पीउ चाहिन पिया त हायर स्टडीज वास्ते हुअ साइंस विषय खणे।
दिल्ली जे लेडी श्रीराम कॉलेज मां इंग्लिश ऐं मॉस कम्युनिकेशन में पोस्ट ग्रेजुएशन जी डिग्री हासिल करे लिलिट केसवानी पहिंजी पढ़ायी पूरी कयी। दिल्ली में पढ़ायी जे दौरान हुन जी मुलाकात रवि दुबे सां थी ऐं 12 सितम्बर 1978 ते बिन्ही शादी कयी सो संदस सरनेम केसवानी मां दुबे थी वियो। इहो रवि दुबे जी सियाणप जो सबूत आहे जो हू ताज मानसिंह होटल जो सभ खां नंढी उमिर वारो जनरल मैनेजर बणियो ऐं 2004 में जडिहिं हुन इन खेतर खे छड़ियो त टाटा ग्रुप में सीनियर वाईस प्रेसीडेंट ऑफ़ कॉर्पोरेट कम्युनिकेशन जे ओहदे ते हुओ। 2015 में बिन्ही धीउन नेहा ऐं इरा जी जवाबदारी लिलिट ते छड़े रवि हिन दुनिया खां चालिणो कियो।
लिलिट दुबे - केसवानी: फिल्मोग्राफी
लिलिट जूं चूंड फिल्म लिस्ट
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.