मॅक मोहन
TSW Citation
फेमस सिंधी एक्टर – मोहन माखीजानी – शोले जो सांभा
मॅक मोहन हिकु अहिड़ो बॉलीवुड सिंधी कलाकार जंहि खे सजी फ़िल्मी हयाती में को अहिड़ो किरदार निभायिण जो मोको न मिलियो जेको फिल्म जो मरकज़ी हिसो हुजे पर तहिं हूंदे बि हिन बॉलीवुड सिंधी अदाकार पहिंजी अदाकारी जे जलवे सां पंहिंजन निभाईल केतिरिन ई किरदारन खे यादगार बणाए छडियो। बॉलीवुड सिंधी मतलब कमाल करे डेखारिण वारा सिंधी। कमाल जी फिल्म शोले में बॉलीवुड सिंधी प्रोडयूसर डायरेक्ट त कमाल डेखारियो हुओ ई पर मॅक मोहन नाले वारे बॉलीवुड सिंधी कलाकार जो कमाल घणन जे धियान में ई कोन्हे। हुन फिल्म में सांभा जो किरदार निभायो हुओ ऐं सजी फिल्म में संदस हिसे में आयो हुओ सिर्फ हिकु डायलॉग “सरकार पूरे पचास हज़ार” पर इहो हिन बॉलीवुड सिंधी जी अदाकारी जो कमाल आहे जो अजु बि माणुहुन जे ज़ेहन में सांभा जियरो आहे। जे असां फेमस सिंधी एक्टर मोहन माखीजानी – फ़िल्मी नालो मॅक मोहन जी हयातीअ जो खियाल कयूं त चयी सघिजे थो त फिल्म शोले में संदस चैन अखरन जो हिकु डायलॉग “सरकार पूरे पचास हज़ार ” हुन जे ४६ सालन जे फ़िल्मी सफर ऐं लगभग 200 खां बि वधीक हिंदी फ़िल्मुन जिनमे हुन पहिंजी अदाकारी जो हुनर डेखारियो खे ढके छड़े थो।
बायोग्राफी - मॅक मोहन - - मोहन माखीजानी
24 अप्रैल 1938 में लखनउ में जन्म वरतल मोहन जी स्कूली सिखिया उत्तर प्रदेश जी राजधानी वारे इन शहर में थी। मशहूर एक्टर सुनील दत्त मोहन जो स्कूली साथी हो।
1960 जे आसपास हिकु क्रिकेटर थियण जी मुराद सां मॅक मोहन मुंबई अचण जो फेसिलो कियो पर किसमत त हिन वास्ते कुछ बियो ई लेख लिखी रखियो हो नतीज़े तौर मुंबई में स्टेडियम में पघर वहाये क्रिकेटर थियण जी जगह ते मोहन थिएटर – नाटकन में कमु करण लगो। अगते हली हिंदी फ़िल्मी दुनिया जे हिक हुनरमंद अदाकार जे रूप में मशहूर थियो। 1970 -1980 जे दौर में हिन डॉन, क़र्ज़, सते पे सता, ज़ंज़ीर, रफूचकर, शान ऐं खून पसीना जहिडियिन कामियाब फ़िल्मुन में विलेन जो रोल अदा कियो।
एक्टिंग में कामियाबी हासिल करण वास्ते मोहन फिल्मालय स्कूल ऑफ़ एक्टिंग में दाखिला वरती हुयी। अगते हली पुणे जे फिल्म एंड टेलीविजन इंस्टिट्यूट ऑफ़ इंडिया में बि दाखिल थियो हो जिते हिंदी फ़िल्मुन में रोमांटिक हीरो तौर मशहूर विनोद मेहरा मोहन जो किलास मट हो।
पुणे मां एक्टिंग कोर्स करण खां पोय मोहन मशहूर डायरेक्टर चेतन आनंद जे असिस्टेंट जे रूप में कमु करण लगो। इहो चेतन आनंद हो जहिं मोहन खे मॅक मोहन जे नाले सां में रिलीज़ थियिल फिल्म हक़ीक़त में बतौर एक्टर पेश कियो हो।
पहिंजे लगभग 46 सालन जे फ़िल्मी कॅरियर में मोहन 200 जे आसपास फ़िल्मुन में कमु कियो। हिंदी फ़िल्मुन खां सिवाय हिन केतिरन पंजाबी, हरयाणवी, मराठी, गुजराती, सिंधी फिल्म्स – भारत जी हर भाषा जी फिल्म में कमु कियो हो। किन थोरन माणुहुन खे खबर आहे त मॅक मोहन कुछ अंग्रेजी, रशियन ऐं स्पैनिश फ़िल्मुन में बि एक्टिंग कयी आहे।
2009 में रिलीज़ थियिल “अथिती तुम कब जाओगे ” मोहन जी आखिरी फिल्म हुयी। इन फिल्म जे दौरान तबियत ख़राब थियण ते मोहन खे अंधेरी मुंबई जे कोकिलाबेन धीरूभाई अम्बानी हॉस्पिटल में दाखिल करायो वियो जिते खबर पयी त खेस फिफडन जी [lungs] कैंसर आहे। 10 मई 2010 ते हिन फानी दुनिया जो अतिथि (मेहमान) दुनिया खां मोकिलाये हलन्दो थियो।
फिल्मोग्राफी - मॅक मोहन
मॅक मोहन जी फ़िल्मुन जी लिस्ट ऐतिरी वडी आहे जो सभनी (कुल 218) फ़िल्मुन जा नाला डियण जी जगह ते असां हर डहाके जूं मुख्य फिल्म हित शामिल कयूं था।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.