नरेंद्र हिरवानी- Biography
TSW Citation
1968 में गोरखपुर में जावल ऐं उन समे जे सिंधी युथ जे ऐवजी नरेंद्र हिरवानी अटकल ट्रे डहाका अगु पहिंजी वर्ल्ड रिकॉर्ड कामियाबी सां उन राह जी बुनियाद विधी जंहिं ते हली अजोकी समे जो सिंधी युथ लगभग हर प्रोफेशन में कामियाबी जा मुक़ाम हासिल कन्दे लगो पयो आहे प्रधानमंत्री मोदी जी गालिह – भारत युवाओं का देश है – खे सही साबित करण में। इहा निशानी आ नरेंद्र हिरवानी जी मेहनत ऐं लगन जी जो हू बेहतर क्रिकेटिंग सहूलियत करे गोरखपुर छडे अची इंदौर रहियो ऐं नतीज़ो केतिरी न शानदार कामियाबी हासिल कयी। नरेंद्र हिरवानी बॉब मेस्सी जो 1972 में ठाहियल उहो रिकॉर्ड ब्रेक कयो जंहिंजे ठहण वक़त नरेंद्र सिर्फ चैयन सालन जो हुओ। टीम TSW वड़े फ़खुर ऐं ख़ुशी सां सिंधी युथ ( नरेन्द्र हिरवानी ) जी कामियाबी जी दास्तां शेयर करे थी सिंधी युथ वासिते।
.
बायोग्राफी - नरेंद्र हिरवानी
फेमस सिंधी क्रिकेटर – क्रिकेट वर्ल्ड रिकॉर्ड – नेशनल सिलेक्टर
आम तौर सिंधियन वास्ते इहो चयो वेन्दो आहे त सिंधीअ जो जन्म ई धंधो वापार करण वास्ते थिये थो पर इहा बि सचाई आहे त जडिहिं जडिहिं कहिं बि सिंधीअ कहिं बिये खेतर खे चूंडियो आहे त उन खेतर में बि कामियाबीअ जी बुलन्दिन ते पहुतो आहे। नवजवान होनहार फेमस सिंधी क्रिकेटर नरेंद्र दीपचंद हिरवानी जहिंजो जन्म 18 अक्टूबर 1968 ते उतर प्रदेश जे गोरखपुर शहर में थियो आहे सो इन गालिह जो जियरो जागन्दो मिसाल आहे।
नंढी उमिर खां ई नरेंद्र खे क्रिकेट लाय चाहु हो। संदस पिता बि खेस हिमथाये ऐं मदद पे कयी सो हू हिक डींहुं हिक फेमस क्रिकेटर थियण, भारत जी क्रिकेट टीम में शामिल थियण जो सपनो डिसण लगो। गोरखपुर हिक नंढो शहर हुअण सबब न त क्रिकेट वासिते मुफ़ीद माहोल न सिखण जूं के सहूलियतूं। क्रिकेट जूं वधीक सहूलियतुन जी मौजूदगी जे लिहाज खां नरेंद्र हिरवानी इंदौर आयो। संदस क्रिकेट कोच संजय जगदाले ऐं इंदौर जो जवाहरलाल नेहरु स्टेडियम गवाह आहिन हिक ऐतिहासिक दास्तां लिखण जा – हिक सिंधी छोकिरे खे हिक आम प्लेयर मां क्रिकेट वर्ल्ड रिकॉर्ड ठाहीन्दड प्लेयर में तबदील थींदे डिसण जा । 1984 में मध्य प्रदेश तरफां रणजी ट्रॉफी खेडण जी शुरुआति कंदे हुन पहिरियीं ई मैच में पंज विकेट वरता।
नरेंद्र खे लेग स्पिन बॉलिंग वसीले अहिडो जारु तियार करण में माहिर लेखियो वेंदो आहे जहिं में फासी दुनिया जा मशहूर ऐं नामवर क्रिकेटर्स क्रिकेट जी पिच ते हिक किसम सां डांस करण वासिते मज़बूर थी वेंदा हुआ। नरेँद्र हिरवानीअ बॉलिंग में नवां वर्ल्ड रिकॉर्ड ठाहे भारत ऐं सिंधी कौम जो नालो रोशन कियोआहे।
नरेंद्र हिरवानी - क्रिकेटिंग फैक्ट फाइल
क्रिकेट जे किताबन में जेके गालिहायूं नरेंद्र हिरवानी बाबत लिखियिल आहिन
16 सालन जी उमर में मध्य प्रदेश पारां खेड़न्दे पहिंजी पहिरियीं ई मॅच में 5 विकेट वठणु
ट्रिन [3] टेस्ट मॅचयुन जी सीरीज में अंडर 19 ऑस्ट्रेलिया जे खिलाफ 23 विकेट वठणु
भारत जे दौरे ते आयल (1987 -1988) वेस्ट इंडीज जी बियी इनिंग में जेके छह प्लेयर आउट थिया तिन सभनी खे आउट करण
पहिरियीं टेस्ट मॅच : 11 खां 15 जनवरी 1988 चेन्नई में वेस्ट इंडीज जे खिलाफ
वन डे जी पहिरियीं मॅच : 22 जनवरी 1988 ग्वालियर में वेस्ट इंडीज जे खिलाफ
आखिरी वन डे : 18 जनवरी 1992 मेलबोर्न क्रिकेट क्लब ग्राउंड ते ऑस्ट्रेलिया जे खिलाफ|
आखिरी टेस्ट मॅच : 27 नवंबर खां 01 दिसंबर 1996 कलकता में साउथ अफ्रीका जे खिलाफ
नरेंद्र हिरवानी -जादुई डींहुं - सपने जो सचु थियण
चेन्नई जो चिपाक स्टेडियम गवाह आहे उन टेस्ट मॅच जो जेका क्रिकेट जे इतिहास जे किताबन में हिक यादगार ऐं वर्ड रिकॉर्ड मॅच तौर दरजु आहे। इहा मॅच भारत जी टीम में शामिल थियिल विरलन सिंधियिन मां हिकु नरेंद्र हिरवानी जी पहिरियीं टेस्ट मॅच हुयी। इन टेस्ट मॅच जूं के खास गालिहियूं: –
भारत टॉस खटी बैटिंग करण जो फेसिलो कियो ऐं बिये डीहं ते भारत जी टीम 382 रन्स ते आउट थी। डीहं जी रान्दि पूरी थियण वक़त वेस्ट इंडीज जो स्कोर हो 147 / 5 इन्हन मां 3 विकेट नरेंद्र हिरवानी वरिता हुआ।
ट्रियें डींहुं हिरवानी वेस्ट इंडीज जा बचियल पंज ई विकेट वठी क्रिकेट इतिहास जो चोथों बॉलर थियण जो मानु हासिल कियो जहिं पहिंजी पहिरियीं टेस्ट इनिंग में 8 विकेट हासिल किया हुजन। भारत पहिंजी बी इनिंग आल आउट थियण खां अगु डिक्लेअर करे वेस्ट इंडीज खे टेस्ट खटण वास्ते 416 रन्स जो टारगेट डिनो।
हिरवानी जी लेग स्पिन बॉलिंग वरी कमाल डेखारियो। हुन 75 रन्स डयी 8 विकेट वरता। पहिरियीं इनिंग जे 61 रन्स ते 8 विकेट खे मिलाये हिरवानी 1972 में बॉब मेस्सी (137 रन्स ते 16 विकेट्स ) जे वर्ल्ड रिकॉर्ड विकेटन जे तादाद जी बराबरी कयी। हिरवानी हिकु वर्ल्ड रिकॉर्ड ठाहिण खां सिर्फ हिक विकेट परे रहजी वियो पर हिन हिक रन्स घटि डयी वर्ल्ड रिकॉर्ड में सुधार कियो ऐं पहिरियें नंबर ते पहिंजो नालो लिखियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.