निखिल अडवानी
TSW Citation
बॉलीवुड सिंधी – प्रोडयूसर डायरेक्टर – स्क्रीन प्ले ऐं स्टोरी राइटर – कल हो न हो
बॉलीवुड सिंधी में नवजवान सिंधियन जे चंगे तादाद में शामिल थियण खां पोय न सिर्फ बॉलीवुड सिंधी पर सिंधी युथ आइकॉन जी बि जणु त वसफ़ ई बदिलिजी वयी आहे। वेझडायी जे कामियाब प्रोडयूसर डायरेक्टर – स्क्रीन प्ले ऐं स्टोरी राइटर निखिल आडवाणी जी फिल्म कल हो न हो जे मते ते कमु कंदे बॉलीवुड सिंधी जी नवजवान पीढ़ी मिलियल हर मोके जो पूरो पूरो फायदो वठी कामियाबी जूं नयूं दास्तां लिखी रही आहे। अजु उहो समो न रहियो आहे जो बॉलीवुड सिंधी में शामिल थियण वासिते परिवार जो फ़िल्मी दुनिया सां जुडियल हुजण ज़रूरी समझियो वञे। आम सिंधी परिवार में जन्म वठण वारा – फ़िल्मी माहोल खां परे रही वडो थियल बेशुमार सिंधी नवजवान बॉलीवुड सिंधी नामवर शख्सियत जे रूप में मशहूर थी रहिया आहिन। टीम TSW अहिड़े ई हिक सिंधी युथ – सिंधी आइकॉन निखिल अडवाणी बाबत जानकारी शेयर करे रही आहे।
बायोग्राफी - निखिल अडवानी
28 अप्रैल 1971 ते जन्म वरतल निखिल अडवानी नवजवान सिंधी पीढ़ी जे हुनर ऐं क़ाबिलियत जो लासानी मिसाल आहे। निखिल सिंधी कौम जे कामियाबी ऐं पहिंजो घुरिबल मकसद हासिल करण वास्ते कहिं बि हद तायीं मेहनत करण जे ज़ज़्बे जो बि मिसाल आहे शायद इहो ई सबब आहे त अजु निखिल बेशुमार सिंधी नवजवान जो आइडियल ऐं आइकॉन आहे। निखिल जो पिता श्री सुरेश अडवानी दवाउन [Pharmaceutical] जे धंधे जे खेतर में मशहूर नालो हो त माता एडवरटाइजिंग जे खेतर में कमु कन्दी हुयी।
ब्रीच कैंडी मुंबई जे मशहूर ग्रीन लॉन्स हाय स्कूल मां स्कूली पढ़ायी पूरी करे निखिल सेंट ज़ेवियर कॉलेज में दाखिला वरती। जितां हुन केमिस्ट्री में एम एस सी पास कयी। शुरुआत में निखिल जो फिल्म इंडस्ट्री या बॉलीवुड में कमु करण इरादो कोन हो। हू हिकु साइंटिस्ट बणिजण जी मुराद रखन्दो हो। इहो शायद त एडवरटाइजिंग जी दुनिया में कमु कन्दड महाराष्ट्रियन माउ ऐं कुछ परियन रिश्तेदार – मशहूर प्रोडूसर एन एन सिप्पी, एक्टर तुषार कपूर ऐं प्रोडयूसर एकता कपूर जेके बॉलीवुड में कामियाब हुआ – जे विचारन जो असर हो जो ओचितो 1996 में निखिल फेसिलो कियो त हू सुधीर मिश्रा सां गडु संदस फिल्म “इस रात की सुबह नहीं ” में बतौर असिस्टेंट डायरेक्टर ऐं को स्क्रीन प्ले राइटर कमु कन्दो।
निखिल अडवाणी पहिंजी कॉलेज दोस्त सुपर्णा गुप्ता सां शादी कयी ऐं जोड़े खे हिक धीउ केया आहे। फ़िल्मुन सां जुडियिल हूंदे बि निखिल सामाजिक कमन में पोयिते न आहे हू “सेव द टाइगर ” जहिडे प्रोजेक्ट सां जुडियिल आहे ऐं मशहूर माहोल विज्ञानी [Ecologist] बिट्टू सहगल सां मिली समाज सुजागी जा कम करे चुको आहे।
निखिल अडवाणी ऐं धर्मा प्रोडक्शन
अगते हली निखिल धर्मा प्रोडक्शन सां जुडियो। करन जौहर जी बिन हिट फिल्म्स “कुछ कुछ होता है ” ऐं “कभी ख़ुशी कभी गम” जे असिस्टेंट डायरेक्टर तौर कमु कियो। 2003 में निखिल खे धर्मा प्रोडक्शन जी फिल्म “कल हो ना हो ” जी डायरेक्शन करण जो मोको मिलियो। फिल्म में शाह रुख खान जहिडो सुपर स्टार, सैफ अली खान, प्रीती जिंटा जहिडा कलाकार ऐं जया बच्चन जहिडि बेहतरियिन अदाकारा हुयी। फिल्म न सिर्फ कामियाब साबित थी पर उन साल जे फिल्म फेयर अवार्ड्स में केतिरिन केटेगरीन में नॉमिनेट बि थी। फिल्म कुल छह फिल्म फेयर अवार्ड खटिया पर निखिल बेस्ट डायरेक्टर जो अवार्ड कोन हासिल करे सघियो।
2007 में सुनील मनचंदा, मुकेश तलरेजा ऐं चेतन मोतीवाला जी फिल्म “सलाम-ऐ -इश्क़ ” जो न सिर्फ डायरेक्शन पर कहाणी लिखण जो कमु निखिल कियो। हालांकि फिल्म में कमु कन्दडन कलाकारन में सलमान खान, प्रियंका चोपड़ा, सोहेल खान, विद्या बालन. जॉन अब्राहम, अक्षय खन्ना,गोविंदा , जूही चावला, अनिल कपूर ऐं आयशा टाकिया जहिडा मशहूर ऐं हरदिल अज़ीज़ नाला शामिल हुआ पर कमायी जे लिहाज खां फिल्म हिट साबित न थी।
निखिल अडवानी खे फिल्म “चांदनी चौक टू चाइना ” फिल्म में अक्षय कुमार (2009 रिलीज़) खे त ऋषि कपूर, डिंपल कपाड़िया ऐं अनुष्का शर्मा खे फिल्म “पटियाला हाउस ” (2011 रिलीज़) में डायरेक्ट करण जो मोको मिलियो। बयी फिल्म माणुहुन खे पसंद त आयियूं पर ऐतिरो न जो फिल्म्स खे बॉक्स ऑफिस ते हिट फ़िल्मुन जी लिस्ट में शामिल करें सघिजे। इहा निखिल जी कामियाबी लेखबी जो फिल्म “एयरलिफ्ट ” जहिंजे 2006 में रिलीज़ थियण जी उम्मीद आहे तहिं में अक्षयकुमार आहे।
फिल्मोग्राफी - निखिल अडवानी
निखिल अडवानी जी फ़िल्मुन जी लिस्ट हेठि डिजे थी
निखिल अडवाणी - अवार्ड
2017: ITA Award बेस्ट सीरियल ड्रामा – P.O.W. Bandi Yuddh Ke
2013: बेस्ट एनीमेशन फिल्म नेशनल फिल्म अवार्ड – Delhi Safari
2004: बेस्ट डायरेक्टर प्रोडयूसर गिल्ड अवार्ड – Kal Ho Naa Ho
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.