वड़ी उमिर जो इशकु

अजु वरी सुबह जो पंज बजे वीडियो कॉल जी रिंग जो आवाज़ आयो पर हिन भेरे मां शिरकु न भरियो छो जो तव्हां वांगुर मुखे बि खातिरी हुयी त इहो साईं निखमिणेमल खां सिवाय बियो को कोन हूंदो।
तव्हां पहिंजी आदत न छड़ीन्दव ? हमेशा वांगुर हाणे बि तव्हां मुहिंजे सवाल जो जवाब न डिनो आहे एस पी सर ?
पर साईं तव्हां सवाल किथे पुछियो आहे ?
सवाल किथे पुछियो आहे ? छा गालिह पिया कियो एस पी सर ? पंज भेरा व्हाट्सएप्प कियो आहे ऐं तव्हां चवो पिया सवाल किथे पुछियो आहे ?
साईं मुहिंजो हाणे व्हाट्सएप्प वास्ते नंबर आहे 7588661857 तव्हां शायद त……..
हमेशा वांगुर साईं निखमिणेमल मुहिंजी गालिह पूरी थियण न डिनी। ठीक आ एस पी सर अगते 7588661857 इन नंबर ते व्हाट्सएप्प कबो पर मुहिंजे सवाल जो जवाब त डियो न ?
साईं ….. मां चप चोरिण चाहिया।
अरे हा ! तव्हां त पुराणे नंबर ते व्हाट्सएप्प चेक ई कोन कियो हून्दो ? एस पी सर मुहिंजो सवाल आहे
छा उमिर वधी त इशकु न कबो ? उमिर जे बाबत त सभु पिया चवन पर ज़ज़्बातन की गालिह कोयी न करे ?
हमेशा वांगुर साईं निखिमणेमल जो सवाल अकेलो न हुओ। साईं निखमिणामल तव्हां सिंधी चवणी त बुधी हून्दी अछी दाढ़ीही खानो
बिहो ! बिहो ! एस पी सर ! निखमिणेमल चयो। वकत सां सिंधी माणुहुन वांगुर इहा बि बदिलजी वयी आहे। हाणे चयबो आहे
अछी दाढ़ीही इश्क़ जो लुतफ बेमिसाल।
मां सोचियां पियो छा लॉक डाउन जे हिन दौर में अमेरिका वंञी साईं निखमिणेमल जो वाकयी खानो ख़राब त न थी वियो आहे ?
तव्हां खे त खबर हूंदी एस पी सर त प्रधानमंत्री मोदी जे चवण असां खे कोरोना सां गडु रहण जो तरीको सिखणो पवन्दो जे जवाब में घणन जो चवण आहे त असां त खणी कोरोना सां गडु रहण जो तरीको सिखी वठऊं पर छा कोरोना बि असां सां गडु रहण जो तरीको सिखण वास्ते तैयार आहे ?
मां सोचियां पियो किथे इशकु ऐं किथे कोरोना ?
बुधो पिया न एस पी सर ! असां जहिड़न जो चवण आहे त असां त खणी वड़ी उमिर में इशकु करण सीखी वठऊं पर छा इहो इशकु बि वड़ी उमिर खे समझण सिखंदो ?
त तव्हां जी मरज़ी छा आहे साईं ? छा इश्क़ खे बि स्कूल मोकिलिजे ?
वड़ी उमिर माणियो एस पी सर ! छा गालिह चयी अथव ? हाणे चाहे उमिर वधण सां असां बुढ़ा थिया आहियूं पर इश्क़ उहो त हमेशा जवान ई रहे थो न। सो जेका गालिह असां उमिर जे आजमूदे सबब सिखी वठऊं सा सिखिण वास्ते जवान खे त कहिं स्कूल ई वंञिणो पवन्दो न ?
मूं वठि त को जवाबु कोन आहे। जे तव्हां वटि इन गालिह जो को जवाब हुजे त ज़रूर लिखजो। साईं निखमिणोमल पहिंजी धुन में गालिहाये पियो।
तव्हां जी इहा ई त खास गालिह आहे एस पी सर जो तव्हां सां गालिहाये माणुहू पहिंजे सवाल जो जवाब पाण गोलिहे लहे थो ? पर एस पी सर हिन लॉक डाउन ऐं अनलॉक जे दौर में बाहिर निकरण किथे थो मिले ? वरी मथां चवन पिया त वड़ी उमिर वारा घर खां बाहिर न निकरो ?
हमेशा वांगुर निखमिणेमल जो हिकु सवाल पूरो थियो त बियो सामहूं अची वियो।
हाणे तव्हां ई बुधायो एस पी सर ! जे बाहिर न निकिरबो त इशकु कीयं कबो ? इन गालिह ते हाणे सुभाणे विचार कबो।
निखमिणोमल त कॉल कटि करे हलियो वियो पर मां सोचियां पियो उमिर त मुहिंजी बि वधी आहे त पोय
छा उमिर वधी त इशकु न कबो ?
दोस्तों जे तव्हां बि वड़ी उमिर वारा आहियो त ज़रूर विचार कजो
छा उमिर वधी त इशकु न कबो ?