चूंडियूं सजे मुलक जूं

इहो लिखण त बेमानी आहे त सियासत बाबत निखिमिणेमल जो गियान ऐं व्हाट्सएप्प ते फॉरवर्ड करण वारन जी समझ मां कहिड़ी गालिह आला दरजे वारी आहे इन गालिह ते बहस करण वास्ते शायद ई को सियाणो राज़ी थिये ? ऐं जेको राज़ी थिये उन बाबत छा चयजे ? इहो त इंसानी ज़हनी हलत जी छंड छाण करण वारन जी समझ खां बि परे आहे।  

एस पी सर इहो त समझ में ई कोन थो अचे जो ओचितो सब का साथ सबका विकास खे छडे सब चुनाव एक साथ जी गालिह करण जो मतलब छा आहे ? 

 मां चवण चहियो त इहे बयी अलग अलग गालिहियूं आहिन पर जे निखिमिणेमल जो आवाज़ बंद थिये त चवां न ? हू त पहिंजी धुन में गालिहायिण में पूरो हुओ।  

एस पी सर सचु थो चवां इहो त असां जा बुनियादी लोकशाही हक खसिण जी साज़िश खां सिवाय बियो कुछ न थो थी सघे ? आखिर असां आज़ाद भारत जे आज़ाद शहरिन जा बि के हक आहिन या न ? इहो त सजी दुनिया खे खबर आहे त असां भारतीय महफ़िलिन ऐं जलसन जा शैदायी आहियूं।  सेलिब्रेशन जो को बि मोको असां असुल न छडियूं। अरे सजी दुनिया पयी थी रीस करे त असां बिना मोके बि सेलिब्रेशन करण में माहिर आहियूं ऐं हीउ चवन था त चूंडिन जहिड़े आला मोकन जो तादाद महदूद कियो वञे ? 

विचार कियो एस पी सर ! डीन्ह रात पहिंजी समूरी समझ जो वापर करे विचार कियो ? अड़े भाई जे माणुहू खुश न हूंदो त मुलक जे विकास में कीयं योगदान कन्दो ? हाणे तव्हां बुधायो जे खुश थियण जे क़दरती वसीलन – महफ़िलिन ऐं जलसन खे – चूंडिन जे मोकन – खे महदूद करे आमु माणुहू खे लोकशाही हक खां महरूम कियो वञे या न ? 

निखिमिणोमल त हलन्दो थियो पर मां वेठो सोचियां पियो ? तव्हां बि इन गालिह ते ज़रूर विचार कन्दा ऐं पहिंजी राय सां मुखे बि बाख़बर रखन्दा इन उम्मीद में।