मुखालफत

तव्हां खे त इलम ई कोन हूंदो एस पी सर त तव्हां जी हलत तव्हां जे दोस्तन जो न पर मुखालफत करण वारन जो तादाद वधाये पयी ?

निखिमिणेमल जी इन गालिह जो जवाब डियण वास्ते जलद वात जी चाहिं खे निड़ीअ हेठ लाहे गलो साफु कन्दे मां चयो

पर साईं निखिमिणामल मां हमेशा कोशिश कन्दो आहियां त बहस खां परे रहां सो मुहिंजी मुखालफत करण वारन जो तादाद वधण जो सवाल किथां आयो ?

तव्हां शायद त मुहिंजी गालिह ते पूरी तरह सां ध्यान न डिनो एस पी सर ! हाणे डिसो न तव्हां अरबी माध्यम सिंधी स्कूल में साइंस टीचर हुआ। अजु तव्हां खे जेका पेंशन मिले पयी सा अरबी लिपी वारे सिंधी स्कूल में पढ़िहायिण सबब मिले थी पर तव्हां पिया ज़ोर डियो त [निखिमिणेमल हथु मथे करे मुखे चुप रहण जो इशारो कन्दे चाहिं डुक भरियो।]

सिंधी भाषा खे बचायिण वास्ते देवनागिरी लिपी कम आणिण खां सिवाय को बियो उपाय कोन आहे। छा तव्हां जी इहा हलत सउ कुआ खायी बिली हली हज ते खां जुदा आहे ?

मां समझियो त निखिमिणेमल हाणे चुप कन्दो पर हू त बुलेट ट्रैन बणियो बीठो रहियो सो मूं वटि माठि खां सिवाय बियो को उपाय कोन हो।

हाणे इन हालत में अरबी लिपी वारा त तव्हां ते नाराज़ थींदा ई थींदा। तव्हां इते बि बस नथा कियो एस पी सर ! तव्हां त चवो पिया त हिंदी की बोर्ड कम आणे देवनागिरी सिंधी लिखण वक़त हरफ़न हेठां टुबिका ऐं लीकूं डियण जी ज़रूरत कोन्हे। मतलब तव्हां अरबी लिपी वारन सां गडोगडु देवनागिरी वारन खे बि पाण सां नाराज़ थियण जो मोको डियो था।

तव्हां पाण फेसिलो कियो एस पी सर त इन्हन नाखुश नाराज़ माणुहुन वटि तव्हां जी मुखालफत करण खां सिवाय बियो कहिड़ो रस्तो आहे ?

निखिमिणेमल चाहिं जो कोप हथ में खंयो।

साईं निखिमिणामल मां पहिंजन लेखन वसीले इहो साफ़ करे चुको आहियां त असां खे छो देवनागिरी लिपी जो उपयोग करण घुरिजे ? सागे नमूने अंग्रेजी भाषा जे केतिरन ई अखरन जा मिसाल डयी मां इहो बि बुधायिण जी कोशिश कयी आहे त जे बोली ताकतवर आहे त उहा लिपी जी घटितायी खे ढके छडे थी। मुहिंजो इहो साफु रायो आहे त हरफ़न जे हेठां टुबिका ऐं लीकूं डियण जो मतलब आहे

[1] सिंधी भाषा जे लिखण खे डुखियो बणायिण।
[2] अहिड़ो नओं की बोर्ड तयार करण जी ज़रूरत पवण जेको सिर्फ सिंधी देवनागिरी वास्ते कम अचे।

चाहिं जो आखिरी डुक भरीन्दे निखिमिणेमल चयो।

मां तव्हां जी गालिह खणी मंञा बि एस पी सर ! इहो त तव्हां खे कबूल करणो ई पवन्दो त घटि में घटि देवनागिरी लिपी बाबत तव्हां जा विचार रिवायतुन जे खिलाफ त आहिन ?

निखिमिणोमल त हली वियो पर दोस्तों तव्हां जे वास्ते मुहिंजो हिकु सवाल आहे।

छा का सही गालिह चवण वारे जी मुखालफत सिर्फ इन सबब थियण घुरिजे त उन जा विचार रिवायतुन जे खिलाफ आहिन ?