पहलाज निहालानी
TSW Citation
फेमस सिंधी – फिल्म डायरेक्टर प्रोडयूसर – बॉलीवुड सिंधी
सिंधियिन जी इहा खूबी रही आहे त हर खेतर में पंहिंजी अलग सुञाणप कायम कनि था बॉलीवुड हिंदी फिल्म में पिणु बॉलीवुड सिंधी हिक अलग सुञाणप आहे बिलकुल उन नमूने जीयं वैदिक जुग में हिन्दु समाज जो हिसो हूंदे बि खेन सिंधी जे रूप में हिक अलग सुञाणप हुयी। बॉलीवुड सिंधी में हिक मशहूर नालो पहलाज निहालानी जहिं सिंधी पहाके वक़त जो फेरो त दालि जो सीरो खे हकीकी रूप में करे डेखारियो आहे। 2014 जी लोक सभा चूंडिन खां अगु पहलाज निहालानी जो यू टूयब वीडियो हर घर मोदी ऐतिरो त मशहूर थियो जो पहलाज बॉलीवुड फिल्म सां गडु सियासत में बि नामवर बणिजी वयो। चयो वेन्दो आहे त पहलाज निहालानी जे फिल्म सेंसर बोर्ड जे अध्यक्ष थियण में संदस बेहद वड़े आज़मूदे, लासानी क़ाबिलियत सां गडु इन सियासत में मशहूर थियण जो बि हथु आहे।
बायोग्राफी - पहलाज निहालानी
मुंबई खे सपनन खे हकीकत में बदलिजण वारी सरज़मीं जो लकब हासिल आहे पर इहा बि ज़मीनी हकीकत आहे त मुंबई में थायींको थियण वास्ते खास करे बॉलीवुड या हिंदी फिल्म इंडस्ट्री में कमु करण वास्ते हितां जी अणमुफीद हालतुन खे मुहं डियण वास्ते तव्हां में निसबती तौर वधीक मानसिक ताक़त हुअण पिण लाज़िमी आहे। पहलाज निहालानी इन गालिह में खुशनसीब आहे त फ़िल्मी दुनिया में कॅरियर ठाहिण जे संदस शुरुआती दौर में उन खे इन्हन अणमुफीद हालतुन खे मुहं डियण जी ज़रूरत न पयी छो जो हिन जे वड़े थियण ऐं फ़िल्मुन में कॅरियर ठाहिण जो खियाल करण खां अगु संदस वडो भाउ गोविन्द निहालानी हिंदी फ़िल्मी दुनिया जी नामवर शख़्सियतुन में शामिल थी चुको हो।
पहलाज निहालानी (जन्म 10 जनवरी 1950) गोविन्द निहालानी खां डह साल नंढो आहे। हिन पहिंजो फ़िल्मी कॅरियर प्रोडयूसर तौर शुरू कियो हो फिल्म हुयी “हथकड़ी” जहिं में संजीवकुमार, शत्रुघन सिन्हा ऐं रीना रॉय जहिडा अदाकार हुआ। इहा फिल्म 1982 में रिलीज़ थी हुयी। हालांकि कमायी जे लिहाज खां फिल्म बॉक्स ऑफिस ते हिट साबित थी पर तहिं हूंदे बि पहलाज निहालानी जी बी फिल्म “आंधी तूफ़ान ” 1985 में रिलीज़ थी।
अटकल 40 सालन जे पहिंजे कॅरियर में पहलाज निहालानी केतिरन नवन एक्टर एक्ट्रेस खे पेश कियो जिन में सुपर स्टार गोविंदा (पहिरियीं फिल्म इलज़ाम 1986 ) ऐं हरदिल अज़ीज़ एक्टर चंकी पांडे (पहिरियीं फिल्म आग ही आग 1987 ) शामिल आहिन। इन्हन बिन्ही 1993 में रिलीज़ थियिल “आँखे ” में गडु कमु कियो हो इन फिल्म जो प्रोडयूसर पहलाज निहालानी हो। इहा फिल्म संदस कॅरियर में वधि में वधि कमायी कन्दड फिल्म लेखी वेन्दी आहे ऐतिरो ई न पर इहा फिल्म 1994 में फिल्म फेयर अवार्ड में बेस्ट फिल्म वास्ते नॉमिनेट पिण हुयी। इहा अलग गालिह आहे जो आखिर में बेस्ट फिल्म जो 1994 जो फिल्म फेयर अवार्ड ताहिर हुसैन जी फिल्म “हम हैं राही प्यार के” खे मिलियो।
2001 में रिलीज़ थियिल “उलझन” पहलाज निहालानी जी डायरेक्टर तौर पहिरियीं फिल्म हुयी। नवन अदाकारन खे पेश करण जी पहिंजी रिवायत कायम रखन्दे पहिंजी नयीं फिल्म “खुशबू ” में बि पहलाज निहालानी अवंतिका ऐं रिशी रेहान खे पेश कियो आहे। हिकु नामवर प्रोडयूसर डायरेक्टर हूंदे बि 2008 में रिलीज़ फिल्म “हल्ला बोल ” में हिन हिक अदाकार [Special appearance] तौर कमु कियो आहे।
1980 खां 2009 तायीं पहलाज निहालानी एसोसिएशन ऑफ़ मोशन पिक्चर्स अण्ड टेलीविजन प्रोड्रूसर जे अध्यक्ष जे रूप में कमु करे चुको आहे। 19 जनवरी 2015 खां 11 अगस्त 2017 तायीं हुन सेंट्रल बोर्ड ऑफ़ फिल्म सर्टिफिकेशन जे चेयरमैन तौर कमु कयो। 2014 जी लोक सभा जी चूंडिन जे दौरान पहलाज निहालानी पहिंजे यू टूयब वीडियो “हर हर मोदी घर घर मोदी” सबब खबरुन जी सुर्खीयुन में हुओ ऐं इन वीडियो खेसि सियासी दुनिया में बि बेहद मशहूर करे छडियो हुओ।
पहलाज निहालानी खे ब बार चिराग ऐं विशाल निहालानी आहिन। इहा तमाम घटि माणुहुन खे जाण आहे त गोविन्द ऐं पहलाज निहालानी मशहूर एक्ट्रेस सोनाक्षी सिन्हा जा मामा आहिन। शत्रुघन सिन्हा जी घरवारी पूनम [चंदीरामानी – शादीअ खां अगु] निहालानी जी सोट्र आहे।
फिल्मोग्राफी - पहलाज निहालानी
पहलाज निहालानी जी प्रोडयूस कियिल फ़िल्मुन जी लिस्ट हेठि डिजे थी। “संस्कृति” इहो नालो आहे जेको पहलाज निहालानी पहिंजी नयीं फिल्म वास्ते रजिस्टर करायो आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.