प्रेम रामचंदानी
TSW Citation
सिंधी – इंडियन एयर फ़ोर्स – सिंधी सपूत
मुल्क ऐं कौम वास्ते शहादत डियण सिंधियिन वास्ते का नयीं गालिह कोन आहे। जडिहिं मुल्क में अंग्रेजन राजु पहिंजा आखिरी सुवास पियो खणे त नवजवान हेमू कालानी सिंधी कौम जी इन शहादत जी रिवायत खे पंहिंजी शहादत सां हिकु अलग अंदाज़ ऐं हिकु नओं मुक़ाम डिनो। आज़ादी खां पोय बि, के एल मलकानी, हरेश मसंद, कैप्टेन मुरलीधर कौरहानी बिया जेके सिंधी भारत जी सेना में शामिल आहिन तिन पहिंजी जान जोखिम में विझी बि इन रिवायत खे कायम रखण जी पूरी पूरी कामियाब कोशिश कयी आहे। भारत जी चीन पाकिस्तान सां थियिल लड़ायिन में जिन सिंधी सपूतन मुल्क जी हिफाज़त वास्ते जिंदु कुरबानि कयी आहे तिन जो सिरमोर आहे इंडियन एयर फ़ोर्स जो जांबाज़ लड़ाको प्रेम रामचंदानी।
बायोग्राफी - प्रेम रामसिंग रामचंदानी
प्रेम रामचंदानी खे सतन साल जी नंढी उमर (जन्म तारीख 19 अक्टूबर 1941) में घर खां बेघर थियण जी तक़लीफ़ुन जे दोर खे मुहं डियणो पयो हो छो जो हिन जो कुटुंब 1948 में सिंध छड़े मुंबई रहण वासिते आयो। जय हिन्द कॉलेज में पढ़ायी कन्दे प्रेम फेसिलो कयो त एयर फ़ोर्स सां जुड़न्दो।
कॉलेज जी पढ़ायी पूरी करण खां पोय प्रेम रामचंदानी एयर फ़ोर्स में दाखिले वासिते इंट्रेंस एग्जाम डिनो जहिं में कामियाब थियण सबब हिन खे जोधपुर एयर फ़ोर्स कॉलेज में ट्रेनिंग वासिते मोकिलियो वयो। प्रेम रामचंदानी हैदराबाद आंध्र प्रदेश मां ट्रेनिंग पूरी करे बतौर फाइटर पॉयलेट एयर फ़ोर्स में दाखिल थियो।
प्रेम खे फ्लाइंग ऑफिसर जो ओहदो मिलियो 22 जून 1963 ते। हू 3 स्क्वाड्रन “कोबरा ” सां जुड़ियो जहिंजो सिद्धांत हो “लक्ष वेध ” मतलब पूरी खातिरी कियो त दुश्मन खतम थियो आहे। प्रेम रामचंदानी खे सर्विस नंबर 7442 ऐं “Mystere” एयर क्राफ्ट जो चार्ज मिलियो। हिन जी हिमथ, हासिल, बहादुरी ऐं सियाणप खेस थोरे ई वक़त में बियन पाइलेट्स ऐं ऑफिसर में मशहूर ऐं विशवास जोगि बणाये छडियो।
1965 जी पाकिस्तान सां लड़ायी दोरान प्रेम रामचंदानी खे जवाबदारी मिली त पाकिस्तान जे शहर कराची ते लागीता हवाई हमला थींदा रहन। हिन कम वासिते संदस बेस कैंप हो अमृतसर जो हवाई अड्डों। 18 खां 22 सितम्बर जे चैईन डींहन जे वक़त में प्रेम नवं [9] भेरा कराची ते कामियाब हवाई हमला किया ऐं हिफाज़त सां अमृतसर मोटी आयो।
बदकिसमती सां डहें हमले खां पोय वापस अीन्दे हिन जो हवाई जहाज़ पाकिस्तानी सेना जी नज़रुन में अची वयो। प्रेम ज़मीन ता हवा में हमलो कन्दड पाकिस्तानी सेना जे ज़ार में फासी पयो। नतीज़े तोर न सिर्फ हिन जे हवाई जहाज़ खे नुकिसान रिसियो पर बाहि बि लगी वयी। प्रेम रामचंदानी वटि इहो बि वझु हो त हू इजेक्ट बटन दबाये हवाई जहाज़ खां बाहिर निकरी पहिंजी जान बचाये पर हिन जांबाज़ खे जुनून हो पंहिंजो आखिरी साहु पहिंजी सरज़मीं ते खणण जो सो हिन मौत जी परिवाह न कन्दे हवाई जहाज़ उड़ाइणु कायम रखियो ऐं इजेक्ट बटन तडिहिं दबायो जडहिं संदस जहाज़ अमृतसर एयर पोर्ट ते अची पहुतो हो।
पहिंजे ई रत में सिनान कियिल प्रेम रामचंदानी जे सरीर खे यकदम अमृतसर जे मिलेट्री हॉस्पिटल में पहुचायो वियो जिते डॉक्टरन हिन सिंधी सपूत जी जान बचायिण जी हर मुमकिन कोशिश कयी पर आखिर में मौत इहा जंग खटी वयी। 26 सितम्बर 1965 ते प्रेम रामचंदानी जो सुरगवासु थियो। हिन जे फ़ानी सरीर खे मुंबई आन्दो वियो जिते हिन्दु रीती रिवाजन मूजिब ऐं मिलेट्री जी शहादत जी मुकमिल रिवायत मूजिब अगिनी संस्कार कयो वयो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.